IBRANI 6:19 - JANJAI BLAU Lem Bahaso Jang Bebilai

¹⁹ Harapan ite o awei jangkar de tetanem kembiak lem, adeba pegongan de kuet ngen aman utuk idup ite. Harapan o tembus tabir Ruang Mahasucai neak Umeak Tuhan neak surgo.

IBRANI 6:19 ပူးပေါင်းရင်းမြစ်များ

MATIUS 27:51

Tabir de tegatung lem Umeak Semyang pegit duai kunei das sapei moi beak ngen tejijaiba gepo, ngen tebo-tebo butau pegit.

KISAH RASUL-RASUL 23:6

Kerno Paulus namen bahwo pa'o kunei tobo'o tun Saduki ngen pa'o tun Farisi, si menggang lem Mahkamah Agamo, “Pasuak-pasuak uku adeba tun Farisi, royot tun Farisi; uku nadep moi mahkamah yo, kerno uku lok tun matei idup igai.”

KISAH RASUL-RASUL 27:29

Tobo'o saben kepea bakea kandas neak butau karang, jijai tobo'o temu'un pat bueak sauh kunei bagian belakang kepea, keme kebiak ma'ep mudah-mudahan bilai gacang pueng.

KISAH RASUL-RASUL 27:40

Mako tilai-tilai sauh notong lajau sauh-sauh o nunyau tendem moi laut. Sementaro o tobo'o mulua tilai-tilai kemudi, masang layar bagian muko, supayo ibut temuluk kepea o moi patoi.

ROMA 4:16

Kerno do'oba kebenaran das dasar imen supayo jijai kasih karunio, sehinggo janjai o berlaku utuk kute royot Abraham, iso cuma utuk tobo'o de idup kunei hukum agamo Yahudi, tapi kulo utuk tobo'o de idup kunei imen Abraham. Sebab Abraham adeba Bapa ite kute.

ROMA 4:18

Sebab kunyau coa ade dasar utuk berharap, tapi Abraham ma'ep kulo ngen pecayo, bahwo si bakea jijai Bapa dau bangso, temurut de sudo tetulis lem Kiteb Sucai, “Royotnu bakea jijai kembiak dau.”

ROMA 5:4

ngen ketaatan menea ite taen nujai ngen kerno ite taen nujai, ite dapet pengharapan.

1 KORINTUS 13:13

Jijai, utuk saat yo ade telau hal de ite harus tep nea: pecayo, ma'ep, ngen saling kemasiak. De paling penting kunei ketelaune o adeba kemasiak tun-tun luyen.

1 KORINTUS 15:58

Kerno o, Saudaro-saudaro de uku cemito, lokba udi kuet ngen teguak. Kerjoba terus utuk Tuhan ngen bebenea, sebab udi namen bahwo kute de udi kemerjo utuk Tuhan, coa bakea sesio.

EFESUS 2:6

Kerno ite jijai do ngen Kristus Yesus, Allah midup igai ite ngen melei penan besamo-samo ngen Si neak surgo.

KOLOSE 1:27

Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

KOLOSE 3:1

Udi bi nidup igai besamo-samo Kristus. Sebab o harusba udi berusaho utuk dapet hal-hal de neak surgo, neak ipe Kristus meriteak besamo ngen Allah.

2 TIMOTIUS 2:19

Tapi dasar de mpek Allah o coa dapet nunyak. Neak dasne tetulis dio, “Tuhan namen tun-tun de temuan-Ne”, ngen “Tun de madeak bahwo si de Tuhan temuan, tun o harus bedan menea de saleak”.

IBRANI 4:16

Kerno o, maroba ite ngen kembiak binai madep Allah de meriteak ngen baik atei. Allah bakea selen ngen ite, memberkati ite supayo ite dapet pertolongan tepat pado waktaune.

IBRANI 9:3

De neak lemne, adeba neak blakang tabir de keduai, ade ruangan de genne Ruang Mahasucai.

IBRANI 9:7

De masuk moi bagian paling lem kunei kemah o cuma Imem Agung bae. Si menea o cuma taun debat. Do'o neane ngen mbin daleak utuk neleine ngen Allah kerno diraine suang, kerno duso-duso de nea umat-Ne ngen coa sadar.

1 PETRUS 1:3

Maroba ite bersyukur ngen Allah, Bapa Tuhan ite Yesus Kristus! Si kembiak mengasihi ite, do'o sebabne Si melei ngen ite idup de belau, midup igai Yesus Kristus kunei matei. Dio melei ite harapan de kuet.