IBRANI 6:18 - JANJAI BLAU Lem Bahaso Jang Bebilai

¹⁸ Duai hal o coa dapet bubeak: Allah coa mukin mike tetang janjai ngen supeak-Ne. Kerno o, ite de sudo belindung ngen Allah, kenuet supayo bepegong teguh pado harapan de tebetang neak adep ite.

IBRANI 6:18 ပူးပေါင်းရင်းမြစ်များ

MATIUS 24:35

Lenget ngen bumai bakea nyep, tapi Firman-Ku tep selamo-lamone.”

MATIUS 3:7

Tapi waktau Yohanes kemliak dau tun Farisi ngen tun Saduki teko utuk dibaptis, si madeak ngen tobo'o, “Udi tun jahat! Api madeak ngen udi amen udi nam nilok kunei murko gi bakea teko?

LUKAS 2:25

Pado waktau o neak Yerusalem ade suang de genne Simeon. Si tun baik, de saben ngen Allah ngen gidong mbot saatne Allah semlamat Israel. Roh Allah semerto si,

ROMA 15:5

Semoga Allah, de melei kesabaran ngen penghiburan ngen manusio, temulung udi utuk idup do atei, temotoa teladan Kristus Yesus.

ROMA 3:25

Kristus Yesus bi tentau Allah jijai dalen damoi kerno imen, lem daleak-Ne. Hal iyo nea-Ne utuk kemten keadilan-Ne, kerno Si bi munyau duso-duso de sudo tejijai bel'o pado maso kesabaran-Ne.

ROMA 3:4

Paset bae coa! Sebelekne: Allah adeba benea, ngen kute manusio pendusta, awei ade tetulis: “Supayo Ko ternyato benea lem kute firman-Nu, ngen menang, amen Ko nukum.”

ROMA 5:5

Harapan de awei yo coa bakea menea ite keciwo, kerno atei ite sudo nelei Allah ngen kasih-Ne. Allah menea o liwet Roh-Ne de sudo nelei ngen ite.

FILIFI 2:1

Udi kuet, kerno udi jijai do ngen Kristus. Ngen udi terhibur kerno Kristus sayang ngen udi! Udi nipin Roh Allah, ngen udi kulo samo kemasiak serto mpek belas kasiak do ngen de luyen.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

KOLOSE 1:27

Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

KOLOSE 1:5

Udi pecayo ngen udi mengasihi, sebab udi ma'ep ngen jano de seniap Allah neak surgo. Udi bi temi'uk hal o, ketiko Bito Baik de benea senapai ngen udi.

1 TESALONIKA 1:10

Tobo'o miling kulo tetang awei ipe udi ma'ep tekone Anok Allah kunei surgo, adeba Yesus, de sudo nidup Allah kunei matei. Yesus do'oba kulo de semlamat ite kunei hukuman Allah de bakea teko.

1 TIMOTIUS 1:1

Timotius, anokku de sejati neak lem Tuhan! Su'et yo kunei uku, Paulus, rasul Kristus Yesus das periteak Allah, Penyelamat ite ngen das periteak Kristus Yesus, harapan te. Semoga Allah Bapa ngen Kristus Yesus Tuhan ite melei berkat, rahmat ngen sejahtera ngen ko.

1 TIMOTIUS 6:12

Berjuangba sungguak-sungguak utuk idup sebagai tun Kristen supayo ko mbut hadiah sejati ngen kekal. Sebab utuk o ba Allah menok ko pado waktau ko ngakau neak adep dau tun bahwo ko pecayo ngen Kristus.

2 TIMOTIUS 2:13

Amen ite coa setia, Si tep setia, kerno Si coa dapet muker dirai-Ne suang.”

TITUS 1:2

Ajaran o das dasar harapan bahwo ite bakea temimo idup sejati ngen kekal. Allah bi melei janjai idup o ayok mulone zaman – ngen Allah coa mukin ngike.

IBRANI 11:7

Kerno berimen, mako Nuh nelei namen Allah tetang hal-hal de bakea tejijai konyo, de coa dapet kenliakne. Nuh taat ngen Allah sehinggo si menea debuek kepea de konyo tenyato semlamat diraine besamo keluargone. Ngen awei yo dunio nhukum, tapi Nuh suang kerno imenne Allah madeak sebagai tun baik.

IBRANI 3:11

Uku mengiak ngen besupeak, ‘Tobo'o coa bakea masuk moi negrai o utuk dapet istirahat besamo Uku.’ ”

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

IBRANI 6:17

Allah lok jemlas ngen tun-tun de temimo janjai-Ne, bahwo Si coa bakea mubeak rencano-Ne. Do'oba sebabne Si besupeak igai ngen janjai-Ne o.

IBRANI 7:19

Hukum agamo Yahudi coa dapet menea sesuaktau kulo jijai sempurno. Do'o sebabne ite uyo nelei harapan de lebiak baik; ngen o ite dapet ma'ok Allah.

IBRANI 7:21

Tapi Yesus naket jijai imem pakei supeak, waktau Allah madeak ngen-Si, “Tuhan bi supeak, ngen Si coa bakea bubeak pendirian-Ne, ‘Ko adeba imem selamo-lamone.’ ”

1 YOHANES 1:10

Tapi amen ite madeak bahwo ite coa beduso, ite manggap bahwo Allah mike ngen firman-Ne coa ade neak lem atei ite.

1 YOHANES 5:10

Sebab o, tun de pecayo ngen Anok Allah, sudo temimo saksai o neak lem ateine; tapi tun de coa pecayo ngen Allah, bi manggap amen Allah pendusta, sebab si coa pecayo jano de nadeak Allah tetang anok-Ne.