IBRANI 6:17 - JANJAI BLAU Lem Bahaso Jang Bebilai

¹⁷ Allah lok jemlas ngen tun-tun de temimo janjai-Ne, bahwo Si coa bakea mubeak rencano-Ne. Do'oba sebabne Si besupeak igai ngen janjai-Ne o.

IBRANI 6:17 ပူးပေါင်းရင်းမြစ်များ

YOHANES 10:10

Tukang maling teko utuk maling ngen munuak ngen musak. Uku teko, supayo tobo'o temuan idup – idup de belebiak.

ROMA 11:29

Sebab amen Allah miliak tun ngen memberkati tun o, Allah coa perneak mbuye jano de sudo nea ne.

ROMA 8:17

Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.

GALATIA 3:29

Amen udi de Kristus temuan, mako udi adeba royot Abraham. Ngen udi bakea temimo jano de Allah janjai.

EFESUS 1:11

Uku madeak “neak lem Kristus”, kerno neak lem Siba keme nelei warisan – ite de kunei semulo bi niliak-Ne sesuoi ngen maksud Allah, de kemerjo kute sesuaktau temurut keputusan kelok-Ne –

IBRANI 11:7

Kerno berimen, mako Nuh nelei namen Allah tetang hal-hal de bakea tejijai konyo, de coa dapet kenliakne. Nuh taat ngen Allah sehinggo si menea debuek kepea de konyo tenyato semlamat diraine besamo keluargone. Ngen awei yo dunio nhukum, tapi Nuh suang kerno imenne Allah madeak sebagai tun baik.

IBRANI 11:9

Ngen imen, Abraham tinggea sebagai tun asing neak negrai de jenanjai Allah ngenne o. Abraham tinggea neak di lem kemah. Awei'o kulo Ishak ngen Yakub, de temimo janjai de serai kunei Allah.

IBRANI 6:12

Keme coa lok udi jijai malas. Tapi keme lok supayo udi idup awei tun-tun de temimo jano de jenanjai Allah, kerno pecayo ngen Si, kerno udi sabar.

IBRANI 6:16

Amen tun besupeak, si besupeak das gen tun luyen de lebiak lekat kunei si, mako supeak o mapus kute bantahan.

IBRANI 6:18

Duai hal o coa dapet bubeak: Allah coa mukin mike tetang janjai ngen supeak-Ne. Kerno o, ite de sudo belindung ngen Allah, kenuet supayo bepegong teguh pado harapan de tebetang neak adep ite.

YAKOBUS 1:17

Tiep pelei de baik ngen hadiah de sempurno tekone kunei surgo, tenu'un Allah, Pencipto kute te'ang neak lenget. Siba Allah de coa bubeak, coa kulo jijai sembab tiep kelem.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

1 PETRUS 1:3

Maroba ite bersyukur ngen Allah, Bapa Tuhan ite Yesus Kristus! Si kembiak mengasihi ite, do'o sebabne Si melei ngen ite idup de belau, midup igai Yesus Kristus kunei matei. Dio melei ite harapan de kuet.

1 PETRUS 3:7

Ngen udi kulo, maten-maten, lokba idup ngen penuak pengertian teadep ngenyannu, ngen sadar bahwo tobo; o adeba kaum de lemah. Bersikapba hormat ngen tobo'o, sebab tobo'o besamo-samo ngen udi, bakea temimo anugerah idup de sejati kunei Allah. Neaba dio, supayo coa ade de malang du'onu.