IBRANI 6:1 - JANJAI BLAU Lem Bahaso Jang Bebilai

¹ Kerno'o, maroba ite melakeak moi pelajaran-pelajaran tetang kehidupan Kristen de dewasa, jibeak cuma kemliak syari'ah ajaran agamo ite. Jibeak ite mulang igai pelajaran dasar bahwo tun harus bedan menea hal-hal de coa ade gunone, harus pecayo ngen Allah,

IBRANI 6:1 ပူးပေါင်းရင်းမြစ်များ

MATIUS 21:29

Anok'o jemawab, ‘Uku coa lok.’ Tapi sudo'o si bubeak pekeran ngen lalau moi kebun anggur'o.

MATIUS 21:32

Sebab Yohanes Pembaptis teko ngen temunjuk ngen udi ca'o idup de kenlok Tuhan nu, tapi ko coa pecayo ngen ajaran-Ne, tapi penagiak pajak ngen selawei nakea pecayo ngen Si. Tapi kunyau ko bi kemliak kutene'o, udi tep coa mubeak pekerannu, ngen coa pecayo ngen Tuhan.”

MATIUS 3:2

Si madeak, “Bertobatbah kunei duso-dusonu kerno Allah bakea segro meriteak sebagai Rajo!”

MATIUS 4:17

Muloi waktau'o Yesus semapei pesen yo, “Be tobatba kunei duso-dusonu, kerno Allah bakea segro meriteak jijai Rajo!”

MATIUS 5:48

Kerno'o harusba udi sempurno serai ngen Allahnu de ade neak surgo.”

MATIUS 7:25

Waktau tu'un ujen, ngen tekoba banjir serto ibut lai temiup umeak'o, umeak'o coa ubuak kerno mbangun neak das butau.

MARKUS 1:1

Dioba Bito Baik tetang Yesus Kristus, Anok Allah.

MARKUS 6:12

Lajau lalauba tobo'o melei namen bahwo tun harus tobat,

LUKAS 6:48

Si awei tun de ketiko mbangun umeak mikoa lehlem, lajau menea pondasine pado butau. Pado waktau ade banjir ngen bioa masuk moi umeak o, umeak o coa dapet genuyang, sebab sudo mbangun neak das pondasi de baik.

YOHANES 12:44

Lajau Yesus menggang, “Api bae de pecayo ngen Uku, si iso pecayo ngen Uku, tapi ngen Si de sudo mutus Uku.

YOHANES 14:1

Yesus madeak ngen tobo'o, “Jibeak liseak ateinu; pecayoba ngen Allah, pecayoba kulo ngen Uku.

YOHANES 5:24

Sesungguakne Uku madeak ngen ko, ‘Api bae bi temi'uk kecek-Ku ngen pecayo ngen Si de mutus Uku, si temuan idup de kekal ngen coa milem nukum, sebab si sudo baliak kunei lem maut moi lem idup.’

KISAH RASUL-RASUL 11:18

Waktau tobo'o temi'uk hal'o, tobo'o jijai tenang, lajau memulikan Allah, nadeakne, “Jijai, bangso-bangso luyen kulo Allah melei karunio utuk tobat kunei duso-dusone.”

KISAH RASUL-RASUL 17:30

Coa kemliak igai zaman kebodohan, uyo Allah meriteak kute tun neak ipe bae utuk tobat.

KISAH RASUL-RASUL 2:38

Petrus jemawab, “Tobatba kunei duso-dusonu. Lokba tetiep udi baptis das gen Yesus Kristus, supayo duso-dusonu napun. Mako udi bakea temimo hadiah Roh Sucai kunei Allah.

KISAH RASUL-RASUL 20:21

Baik ngen tun-tun Yahudi atau tun-tun bangso luyen uku bogoa melei peringatan supayo tobo'o tobat kunei duso-duso tobo'o, teko ngen Allah, serto pecayo ngen Tuhan Yesus.

KISAH RASUL-RASUL 26:20

Tapi mulo-mulo uku melei namen ngen tun-tun neak Damsyik, neak Yerusalem ngen neak kute taneak Yudea, kulo ngen bangso-bangso luyen bahwo tobo'o harus tobat, semreak dirai ngen Allah serto menea plep-plep de sesuoi ngen pertobatan o.

KISAH RASUL-RASUL 3:19

Kerno o pasuak-pasuak, tobatba kunei duso-dusonu ngen belekba ngen Allah, supayo si mapus duso-dusonu.

1 KORINTUS 13:10

Konyo bakea sapei waktaune Allah menea kute sempurno, ngen de coa sempurno o bakea nyep.

1 KORINTUS 2:6

Kunyau awei o, neak antaro tun-tun de imenne bi kuet, uku memang miling tetang kebijaksanaan. Tapi kebijaksanaan yo iso kebijaksanaan dunio, atau kebijaksanaan penguaso-penguaso zaman yo, de kuasone bakea nyep.

2 KORINTUS 7:1

Saudaro-saudaroku terkasih, kerno ite uyo temuan janjai-janjai o, maroba ite semucai diraite kunei kute de jemijai ite kotor. Lokba ite saben ngen Allah, supayo ite dapet idup khusus utuk Si ngen sempurno.

2 KORINTUS 7:10

Sebab dukocito awei o mbin asea perubahan atei de mbin keselamatan. Tapi dukocito de kunei dunio yo mbin matei.

EFESUS 2:1

Udi bel'o bi matei kerno pelanggaran-pelanggaran ngen duso-duso udi.

EFESUS 2:5

sehinggo pado waktau ite masiak matei seca'o rohani kerno pelanggaran pelanggaran ite, Si midup ite igai besamo-samo Kristus. Jijai, cuma kerno baikne atei Allah, udi senlamat-Ne.

EFESUS 4:12

Dio nea-Ne supayo umat Allah lekep sepenuakne kunyau dapet melayani Tuhan ngen mbangun awok Kristus.

KOLOSE 1:28

Kristus'oba de keme melei namen ngen tiep tun. Keme minget ngen majea tobo'o kutene ngen kute kebijaksanaan. Tujuan keme adeba supayo tiep tun dapet nemin ngen Allah, sebagai tun de lai lem hal-hal rohani, kerno bi jijai do ngen Kristus.

KOLOSE 3:14

Ngen de peting, adeba: Udi harus sesamo mengasihi sebab kasih o ba de menea jijai do Saudaro-saudaro kutene sehinggo jijai sempurno.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

1 TIMOTIUS 6:19

Ngen awei o tobo'o melungguk hok de jijai modal de baik utuk masa depan. Utuk dapet idup de sebeneane, adeba idup de sejati.

2 TIMOTIUS 2:19

Tapi dasar de mpek Allah o coa dapet nunyak. Neak dasne tetulis dio, “Tuhan namen tun-tun de temuan-Ne”, ngen “Tun de madeak bahwo si de Tuhan temuan, tun o harus bedan menea de saleak”.

IBRANI 11:6

Coa ade imen, coa suang kulo dapet semnang atei Allah. Sebab tun de teko ngen Allah harus pecayo bahwo Allah ade, ngen bahwo Allah melei bales ngen tun de mesoa-Ne.

IBRANI 12:13

Bogoa paneuba neak dalen de rato, supayo kekeanu de picang o coa teklis, tapi malah jijai ka'en.

IBRANI 7:11

Neak beak pipinan imem-imem Lewi, hukum agamo Yahudi nelei ngen umat Israel. Kerno imem-imem Lewi bel'o o coa dapet menea seca'o sempurno jano de harus neane, mako harus ade imem luyen, adeba de awei Imem Melkisedek, ngen iso kunei golongan Imem Harun igai!

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

YAKOBUS 1:4

Jagoba supayo ketabahan ateinu o berkembang sapei udi jijai sungguak-sungguak sempurno serto coa kuang lem hal jano bae.

1 PETRUS 1:21

Liwet Siba udi pecayo ngen Allah de sudo midup-Ne igai kunei matei ngen mengagungkan-Ne. Jijai, Allahba de udi pecayo ngen Allahba kulo udi mpek harapan.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

1 YOHANES 4:12

Coa ade suang kulo de perneak kemliak Allah, tapi amen ite samo-samo mengasiak, Allah jijai do ngen ite, kasih-Ne jijai sempurno lem dirai ite.