IBRANI 5:7 - JANJAI BLAU Lem Bahaso Jang Bebilai

⁷ Pado waktau Yesus idup neak dunio yo, Si bedu'o, bekinoi ngen sungguak-sungguak pado Allah, de sanggup semlamat-Ne kunei matei. Ngen kerno Si tunduk ngen Allah seca'o hormat, mako Si teni'uk.

IBRANI 5:7 ပူးပေါင်းရင်းမြစ်များ

MATIUS 27:46

Jam telau pelbeak, Yesus menggang ngen suaro lek, “Eli, Eli, lama sabakhtani?” de beartai, “Au Allah-Ku, au Allah-Ku, getai Ko teminggea Uku?”

MATIUS 27:50

Sudo'o Yesus menggang igai ngen suaro nya'ing, lajau Si matei.

MARKUS 15:34

Pado jam telau menggang ba Yesus ngen sa'ei nya'ing, “Eloi, Eloi, lema sabakhtani?” taine, “Allahku, Allahku, getai Ko teminggea Uku?”

MARKUS 15:37

Lajau menggangba Yesus ngen suaro lek ngen semreak nyabai-Ne.

LUKAS 23:46

Lajau Yesus menggang ngen sa'ei nya'ing, “Au Bapa, moi lem tangen-Nu Uku senreak nyabai-Ku.” Ngen sesudo madeak awei'o Si semreak nyabai-Ne.

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 11:35

Lajau ngindoi ba Yesus.

YOHANES 11:42

Uku namen bahwo Ko bogoa temi'uk Uku, tapi kerno tun dau de je neak yo gemlung Uku, Uku madeakne, supayo tobo'o pecayo bahwo Ko ba de sudo mutus Uku.”

YOHANES 17:1

Sesudo Awei yo, Yesus nanggeak moi lenget ngen madeak, “Bapa, bi sapei waktau ne; de mulio ba Anok-Nu, supayo Anok-Nu de mulio Ko.

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

GALATIA 4:4

Tapi sesudo genep waktaune, mako Allah mutus Anok-Ne de laher kunei suang selawei de idup neak beak kuaso hukum agamo.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

IBRANI 10:10

Yesus Kristus bi menea jano de kenlok Allah ngen semreak dirai-Ne sebagai kurban. Ngen persembahan o, de nea-Ne cuma debat bae utuk seke'anne, ite kute senucai kunei duso.

IBRANI 10:5

Do'oba sebabne waktau Kristus masuk moi dunio, Si madeak ngen Allah, “Ko coa lok kurban ngen persembahan; sebelekne Ko bi semiap awok utuk-Ku.

IBRANI 11:7

Kerno berimen, mako Nuh nelei namen Allah tetang hal-hal de bakea tejijai konyo, de coa dapet kenliakne. Nuh taat ngen Allah sehinggo si menea debuek kepea de konyo tenyato semlamat diraine besamo keluargone. Ngen awei yo dunio nhukum, tapi Nuh suang kerno imenne Allah madeak sebagai tun baik.

IBRANI 12:28

Kerno o, lok ba ite mucep mokasiak ngen Allah, karno ite temimo kunei Si sesuaktau kerajaan de coa dapet genuyang. Lokba ite mokasiak, beribadah ngen Allah. Hormat ngen saben, temurut ca'o de kenlok-Ne suang.

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

1 YOHANES 4:3

Tapi tun de coa makau hal yo tetang Yesus, coa temuan Roh Allah. Tun o temuan roh kunei musuak Kristus. Saudaro bi temi'uk bahwo roh o bakea teko, ngen uyo si bi ade neak lem dunio yo.

2 YOHANES 1:7

Dau penyesat bi teko ngen lalau moi kute dunio, tobo'o adeba tun-tun de coa makau bahwo Yesus Kristus teko moi dunio sebagai su'ang manusio. Tun de awei o adeba penyesat, ngen musuak Kristus.