IBRANI 5:5 - JANJAI BLAU Lem Bahaso Jang Bebilai

⁵ Awei o kulo Kristus. Si coa maket dirai suang jijai Imem Lai. Allah suangba de maket Si. Allah madeak ngen-Si, “Koba Anok-Ku; pado bilai yo Uku jijai Bapa-Nu.”

IBRANI 5:5 ပူးပေါင်းရင်းမြစ်များ

YOHANES 3:16

Kerno kembiak lai kasiak Allah bakea dunio yo, sehinggo Si bi melei karunio Anok-Ne de tunggea, supayo tiep tun de pecayo ngen-Si coa benaso, tapi dapet idup de kekal.

YOHANES 7:18

Api bae gi madeak kunei diraine suang, Si mesoa hormat bagiak dirai-Ne suang. Tapi api bae de mesoa hormat bagiak si de mutusne, si benea ngen coa ade de coa benea ngen Si.

YOHANES 8:54

Jawab Yesus, “Amen Uku de mulio dirai-Ku suang, mako kemulio-Ku o didik kulo coa gen taine. Bapa-Ku ba de mulio Uku, tetang api udi madeak: Si adeba Allah keme,

KISAH RASUL-RASUL 13:33

bi nea Allah ngen ite, royot tobo'o, ngen midup igai Yesus. Awei de tetulis lem Mazmur keduai, ‘Ko ba Anok-Ku! Uku bi jijai Bapa-Nu pado bilai yo.’

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

IBRANI 1:1

Pado jaman bel'o dau nien Allah miling ngen ninik puyang te liwet nebai-nebai ngen memecem ca'o.

IBRANI 1:5

Coa perneak Allah madeak awei yo ngen suang malaikat. “Koba Anok-Ku; pado bilai yo Uku jijai Bapa-Nu.” Coa perneak kulo Allah madeak awei yo tetang malaikat ipe bae, “Uku bakea jijai Bapa-Ne, Si bakea jijai Anok-Ku.”

IBRANI 2:17

Dio taine bahwo Si harus jijai serai ngen saudaro-saudaro-Ne lem kute hal. Ngen o Si dapet jijai Imem Lai de setia ngen penuak kasiak. Ngen pelayanan-Ne o duso manusio dapet napun.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

IBRANI 5:10

Allah kulo madeak Si sebagai Imem Lai, awei Imem Melkisedek atau de termasuk lem royot Melkisedek.