IBRANI 5:13 - JANJAI BLAU Lem Bahaso Jang Bebilai

¹³ Tun de masiak mbuk susu, taine si masiak titik; si ati ade pengalaman tetang jano de benea ngen jano de saleak.

IBRANI 5:13 ပူးပေါင်းရင်းမြစ်များ

MATIUS 11:25

Pado waktau'o Yesus bedu'o, “Bapa, Tuhan de kemuaso lenget ngen bumai! Uku mucep syukur ngen-Ko, kerno kutene'o Ko mresione kunei tun-tun pacok ngen pitar, tapi Ko melei namen ngen tun-tun biaso.

MARKUS 10:15

Sesungguakne Uku madeak ngen udi: api bae de semambut Allah meriteak sebagai Rajo awei anok titik, si coa nam masuk moi lemne.”

ROMA 2:20

Saudaro jijai gu'au tun bodong, majea tun de ati lai, kerno lem hukum agamo Yahudi ko temuan kute pengetahuan ngen ajaran de benea.

1 KORINTUS 13:11

Pado waktau uku masiak titik, uku miling awei anok titik, perasaanku awei anok titik ngen pekeranku awei anok titik. Uyo uku bi lai, perbuatanku de awei anok titik sudo uku muang.

1 KORINTUS 14:20

Saudaro-saudaro! Jibeakba meker awei anok titik. Lem hal-hal kejahatan, lokba udi tep awei anok titik. Tapi lem pekeran, lokba udi jijai tun lai.

1 KORINTUS 3:1

Saudaro-saudaro, sebeneane uku coa dapet miling ngen udi awei ngen tun de temuan Roh Allah. Uku cuma dapet miling ngen udi awi ngen tun de masiak idup temurut kelok duniawi; ewai ngen tun de masiak cupik lem kepercayoanne ngen Kristus.

2 KORINTUS 3:9

Amen pelayanan de mipin ngen penghukuman o mulio, padeak lebiak mulione igai pelayanan de mipin ngen pembenaran.

EFESUS 4:14

Mako ite coa jijai anok-anok de terombang-ambing ngen coa tau arahne ngen memecem ajaran kunei tun-tun licik. Tobo'o menea tun seset ngen tipu muslihat tobo'o.

2 TIMOTIUS 3:16

Kute de tenulis lem Kiteb Sucai, diilhami kunei Allah beguno utuk majea de benea, utuk temgur ngen mbenea de saleak, ngen majea manusio supayo idup temurut kelok Allah.

1 PETRUS 2:2

Lokba udi jijai awei cupik de pei laher, bogoa aus lok mbuk bioa susu de murni ngen de rohani. Ngen awei o udi bakea idup ngen selamat.

2 YOHANES 1:11

Sebab tun de melei salam ngen tun de awei o, si temasuk kulo besamo tun o lem menea plep kidek.