IBRANI 4:6 - JANJAI BLAU Lem Bahaso Jang Bebilai

⁶ Jijai tobo'o de pertamo-tamo temi'uk bito tetang Bito Baik o, coa temimo istirahat o kerno tobo'o coa pecayo. Amen awei o bi jelas bahwo ade tun-tun luyen de buliak temimo istirahat o.

IBRANI 4:6 ပူးပေါင်းရင်းမြစ်များ

MATIUS 21:43

“Jijai ingetba,” nadeak Yesus, “Kute hok sebagai umat bakea de cenabut kunei padonu ngen de nelei ngen suatu bangso de bakea maneu periteak-periteak Allah. [

KISAH RASUL-RASUL 28:28

“Sebab o udi harus namen bahwo keselamatan de asalne kunei Allah yo senapei ngen bangso-bangso luyen ngen tobo'o bakea temi'ukne.” [

1 KORINTUS 7:29

Maksud uku awei yo, Saudaro-saudaro: Ite coa dau waktau igai. Muloi kunei uyo, tiep tun de sudo ade pengaten selawei lokba si idup awei coa gen pengaten selawei;

GALATIA 3:8

Kiteb Sucai bi kemliak lebiak dute bahwo Allah yakin amen tun-tun iso Yahudi baik igai ngen Allah, amen tobo'o pecayo ngen Allah. Bito Baik o nelei namen lebiak dute ngen Abraham lem janjaine, “Liwet ko, Allah bakea memberkati kute umat manusio neak das bumai.”

IBRANI 4:11

Kerno o, maroba ite berusaho sungguak-sungguak utuk temimo istirahat de jenanjai Allah o. Jibeak sapei suang kulo kunei ite gagal awei tobo'o bel'o, kerno coa pecayo ngen Allah.

IBRANI 4:2

Kerno Bito Baik o bi nelei namen ngen ite serai ngen tobo'o. Tapi ngen tobo'o, bito o coa de gunone. Kerno ketiko tobo'o temi'ukne, tobo'o coa pecayo.

IBRANI 4:9

Jijai, bagiak umat Allah masiak ade janjjai utuk istirahat awei Allah istirahat pado bilai de ketujuak o.