IBRANI 4:16 - JANJAI BLAU Lem Bahaso Jang Bebilai

¹⁶ Kerno o, maroba ite ngen kembiak binai madep Allah de meriteak ngen baik atei. Allah bakea selen ngen ite, memberkati ite supayo ite dapet pertolongan tepat pado waktaune.

IBRANI 4:16 ပူးပေါင်းရင်းမြစ်များ

EFESUS 2:18

Kerno liwet Kristus, ite kute jijai do dapet pa'ok ngen sang Bapa.

EFESUS 3:12

Pecayo ngen Kristus ngen jijai do ngen-Si, ite nelei kebebasan utuk ma'ok Allah ngen penuak kepercayaan.

IBRANI 13:6

Sebab o ite binai madeak, “Tuhan adeba penulungku, uku coa saben. Jano de dapet manusio nea teadepku?”

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

IBRANI 7:19

Hukum agamo Yahudi coa dapet menea sesuaktau kulo jijai sempurno. Do'o sebabne ite uyo nelei harapan de lebiak baik; ngen o ite dapet ma'ok Allah.

IBRANI 7:25

Kerno o utuk selamo-lamone Yesus dapet semlamat tun-tun de teko ngen Allah liwet Si, sebab Si idup selamo-lamone utuk melei permohonan ngen Allah bagiak tun-tun o.

IBRANI 9:5

Neak das Petai o ade duai Kerub, adeba makhluk sayep de jijai lambang adene Allah. Sayep kunei keduai makhluk o tebetang neak das tutup Petai, adeba penan pengampunan duso. Tapi kutene o coa dapet ten'ang uyo seca'o jelas.

1 PETRUS 2:10

Bel'o udi iso umat Allah, tapi uyo udi adeba umat Allah. Bel'o udi coa kenasiak Allah, tapi uyo udi temimo belas kasihan-Ne.