IBRANI 4:12 - JANJAI BLAU Lem Bahaso Jang Bebilai

¹² Kecek Allah adeba kecek de idup ngen kuet; lebiak tajem kunei pedang matai duai. Kecek o menikem sapei moi batas antaro jiwo ngen roh; sapei moi batas antaro sesendai telan sumsum, sehinggo namen lebiak lem pekeran ngen niat atei manusio.

IBRANI 4:12 ပူးပေါင်းရင်းမြစ်များ

LUKAS 8:11

“Dioba tai perumpamo o: Biniak o adeba firman Allah.

YOHANES 12:48

Api bae de coa temimo Uku, ngen coa temimo kecek-Ku, bi ade de mukumne. Adeba firman de bakea mukumne pado Bilai Kiamat.

YOHANES 6:51

Uku ba ruti de melei idup de sudo tu'un kunei surgo. Amen suang tun mbuk ruti yo, si bakea idup seka'en ne, ngen ruti de bakea Uku melei o adeba daging-Ku, de bakea uku melei utuk idup dunio.”

KISAH RASUL-RASUL 2:37

Waktau tun-tun o temi'uk hal o, atei tobo'o betanye ngen Petrus ngen rasul-rasul de luyen, “Jano de arus keme menea, pasuak-pasuak?”

KISAH RASUL-RASUL 4:31

Sesudo tobo'o selsei bedu'o, penan tobo'o bekopoa o unyak. Tobo'o kutene kenuaso Roh Sucai, ngen muloi miling ngen binai nien tetang bito kunei Allah.

KISAH RASUL-RASUL 5:33

Waktau anggota-anggota Mahkamah Agamo o temi'uk o, tobo'o mengiak nien, tobo'o sepakat utuk munuak rasul-rasul o.

KISAH RASUL-RASUL 7:38

Musaba de neak tengeak-tengeak bangso Israel neak benei libea, jijai perantaro utuk malaikat de miling ngen si neak Tebo Sinai ngen ninik puyang ite. Siba de temimo kunei Allah bito de idup senapei ngen ite.

ROMA 1:16

Sebab uku temuan keyakinan de kuet lem Bito Baik o, kerno Bito Baik adeba kekuatan Allah de semlamat tiep tun de pecayo, pertamo-tamo tun Yahudi, tapi kulo tun Yunani.

1 KORINTUS 1:24

Tapi bagiak tun-tun de nok Allah, baik tun Yahudi atau iso Yahudi, bitoo adeba ca'one Allah kemten kuaso ngen kebijaksanaan-Ne.

2 KORINTUS 2:17

Keme coa awei dau tun de mesoa utung kunei bito Allah awei barang dagangan bae. Tujuan-tujuan keme adeba benea, sebab keme nelei tugas ngen Allah. Ngen Allah suang kemliak bahwo keme semapei bito o sebagai hamba-hamba Kristus.

2 KORINTUS 4:2

Keme coa makei ca'o-ca'o de menea selek. Keme coa lok kerjo ngen ca'o licik atau menea coa benea kecek Allah. Keme melayan Allah ngen atei baik temurut kelok-Ne. Sebab o, keme minoi kute tun kemliak keme ngen baik neak lem ateine.

EFESUS 5:13

Tapi kute de seneter neak lem te'ang, bakea keten ngen jelas, sebab kute de dapet kenliak ngen jelas, adeba te'ang.

EFESUS 5:26

Kristus menea o supayo Si dapet semucai jemaat o ngen ajaran-Ne ngen liwet bioa baptisan, supayo sesudo'o Si dapet semreak-Ne ngen Allah.

EFESUS 6:17

Mokba keselamatan sebagai tudung baja, ngen kecek Allah sebagai pedang kunei Roh Allah.

1 TESALONIKA 2:13

Ade igai do hal luyen de menea keme bogoa mucep mokasiak ngen Allah. Hal o adeba, bahwo pado waktau keme semapei bito kunei Allah, udi temi'uk ngen temimo bito o iso sebagai bito kunei manusio, tapi sebagai bito de benea-benea kunei Allah. Siba de gidong kerjo lem dirainu de pecayo ngen Kristus.

1 TESALONIKA 5:23

Semoga Allah suang de melei ite sejahtera, jemijai udi tun de sungguak-sungguak idup cuma utuk Allah. Semoga Allah jemago dirainu kutene, baik roh, jiwo ataupun awoknu, sehinggo coa ade cacetne pado waktau Tuhan te Yesus Kristus teko igai.

IBRANI 13:7

Jibeakba coa tinget ngen pemipin-pemipinnu de semapei pesen Allah ngen ko. Kemliakba awei ipe tobo'o idup ngen awei ipe tobo'o matei, contohba imen tobo'o.

IBRANI 6:5

Tobo'o namen kunei pengalaman tobo'o bahwo kecek Allah o baik, tobo'o bi meding karunio-karunio de penuak kuaso kunei zaman de bakea teko.

YAKOBUS 1:18

Das kelok-Ne su'ang Si jemijai ite anok-anok-Ne liwet Firman-Ne de benea. Si menea o supayo ite dapet penan de utamo neak antaro kute makhluk ciptaan-Ne.

1 PETRUS 1:23

Sebab liwet Firman Allah de idup ngen de kekal o, udi sudo jenijai manusio belau de iso laher kunei manusio, meluyen kunei Bapa de kekal.

WAHYU 1:16

Tangen kanen-Ne megong tujuak bitang, ngen kunei bibia-Ne keluea debueak pedang tajem de bematai duai. Papea-Ne bersinar awei matai bilai pado tengeak bilai

WAHYU 19:15

Kunei bibia-Ne keluea debuak pedang de tajem ngen pedang o Si bakea maleak bangsa-bangsa, ngen Si bakea meriteak tobo'o ngen tokot besai. Si bakea miyuak anggur neak lem alat utuk miyuak anggur murka Allah De Mahakuaso.

WAHYU 19:21

Ngen tentra perang tobo'o nunuak ngen pedang de keluea kunei bibia penungang kudo putiak o. Mako burung-burung kulo teko mbuk daging tobo'o de nunuak o.

WAHYU 2:16

Sebab o, tobatba kunei duso-dusonu! Amen coa, tegoa igai Uku bakea teko ngen udi, merang tun-tun o ngen pedang de ade neak bibia-Ku.

WAHYU 2:23

Penotoa-penotoane bakea Uku munuak kulo supayo kute jemaat sadar bahwo Ukuba Si de namen pekeran ngen atei manusio. Uku bakea males udi temurut plep udi masing-masing.

WAHYU 20:4

Lajau uku kemliak takhta-takhta, ngen tun-tun de temot neak takhta-takhta o nelei kuaso utuk melei keputusan ukuman. Uku kemliak kulo tun-tun de sudo tentus ulaune kerno tobo'o melei saksai tetang Yesus, ngen melei namen firman Allah. Tun-tun o coa nyembeak benatang, atau patungne. Tobo'o kulo coa perneak temimo tando benatang o neak ning atau tangen tobo'o. Mako tobo'o idup igai ngen meriteak sebagai rajo besamo Kristus selamo seribau taun.