IBRANI 4:11 - JANJAI BLAU Lem Bahaso Jang Bebilai

¹¹ Kerno o, maroba ite berusaho sungguak-sungguak utuk temimo istirahat de jenanjai Allah o. Jibeak sapei suang kulo kunei ite gagal awei tobo'o bel'o, kerno coa pecayo ngen Allah.

IBRANI 4:11 ပူးပေါင်းရင်းမြစ်များ

MATIUS 11:12

Muloi pado waktau Yohanes kemabar beritane sapei uyo, umat Allah tenetang, ngen tun-tun de berusaho kemuasone seca'o pakso.

MATIUS 7:13

“Kerno bang ngen dalan moi nerako lai ngen dau tun liwetne.

LUKAS 13:24

Yesus jemawab ngen tun-tun neak di, “Berusahoba utuk masuk liwet bang de sepit. Sebab, inget! Dau tun berusaho masuk tapi coa dapet.

LUKAS 16:16

Ukum de nelei ngen Musa ngen ajaran nebai-nebai, tep belakau sapei pado maso Yohanes Pembaptis. Sejok waktau o Bito Baik tetang awei ipe Allah meriteak awei Rajo nelei bito bogoa. Ngen tun mekuak dirai utuk jijai anggota umat Allah.

YOHANES 6:27

Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

KISAH RASUL-RASUL 26:19

“Kerno o, Rajo Agripa, uku beusaho selalu taat ngen pengeliak de sudo uku temimo kunei Allah o.

EFESUS 2:2

Udi idup neak lemne, kerno udi temotoa dalen dunio yo, udi taat ngen penguaso kerajaan angkasa, adeba roh de uyo dong bekerjo neak antaro tun-tun durhako.

EFESUS 5:6

Jibeakba udi jijai seset ngen kecek-kecek de coa benea. Kerno hal-hal de awei o menea Allah murka das tun-tun durhako.

FILIFI 2:12

Saudaro-saudaroku de tekasiak, ko bogoa taat; kerno'o tepba kemerjo keselamatamnu ngen saben ngen gentar, iso bae awei waktau uku masiak ade, tapi lebiak igai uyo waktau uku coa ade,

KOLOSE 3:6

Hal-hal de awei'oba de menea Allah mengiak te'adep tun-tun de coa taat ngen-Si.

TITUS 1:16

Tobo'o madeak bahwo tobo'o kemnal Allah, padahal plep tobo'o temulok-Ne. Tobo'o nyelek, ngen tobo'o coa lok taat; tobo'o adeba tun-tun de coa nam menea de baik.

TITUS 3:3

Sebab bel'o ite suang kulo bodong, sesat ngen coa taat. Ite jijai hamba memecem nafsu ngen kelok; ite idup ngen niat-niat kidek ngen kidek atei, serto saling jengik.

IBRANI 3:12

Saudaro-saudaro, teateiba jibeak sapei ade neak antaro udi de ateine kembiak kidek ngen coa ade imen, sehinggo si coa pecayo ngen me'uak Allah de idup!

IBRANI 3:18

Ketiko Allah besupeak awei yo, “Tobo'o coa bakea masuk moi negrai o utuk dapet istirahat besamo-Ku” – api kulo de Allah maksud? De maksud Allah adeba tun-tun de mbrutak teadep Allah, iso?

IBRANI 4:6

Jijai tobo'o de pertamo-tamo temi'uk bito tetang Bito Baik o, coa temimo istirahat o kerno tobo'o coa pecayo. Amen awei o bi jelas bahwo ade tun-tun luyen de buliak temimo istirahat o.

IBRANI 6:11

Keme lok nien supayo udi masing-masing terus semangat sapei akhir, sehinggo udi temimo jano de udi ma'ep o.

2 PETRUS 2:6

Serai kulo halne ngen kota Sodom ngen Gomora: Allah mbem kota-kota o ngen opoi supayo jijai contoh tetang jano de bakea tejijai ngen tun-tun de jahat.