IBRANI 2:14 - JANJAI BLAU Lem Bahaso Jang Bebilai

¹⁴ Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

IBRANI 2:14 ပူးပေါင်းရင်းမြစ်များ

MATIUS 16:17

Nadeak Yesus: “Butung sekilai ko Simon anok Yonah! Sebab Iso manusio de melei namen hal'o ngen ko tapi Bak-Ku de neak surgo.

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 12:24

Sesungguakne Uku madeak ngen ko: Amen soa gendum coa cucia moi lem taneak ngen matei, si bakea tep sebagoi soa gendum. Tapi amen soa gendum matei, baru si bakea masea dau gendum.

ROMA 14:9

Sebab utuk do'oba Kristus bi matei ngen idup igai, supayo Si jijai Tuhan, baik das tun-tun matei, atau das-das tun-tun idup.

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

1 KORINTUS 1:28

Allah miliak de nanggap-Ne rendeak, hino, malah de nanggap coa de taine ngen dunio yo, supayo Allah majua de nanggep penting ngen dunio.

1 KORINTUS 15:50

Maksud uku, Saudaro-saudaro, adeba: awok de jenjai kunei daleak ngen daging, coa dapet masuk Dunio Blau Allah; ngen awok de dapet matei coa dapet jijai kekal.

GALATIA 4:4

Tapi sesudo genep waktaune, mako Allah mutus Anok-Ne de laher kunei suang selawei de idup neak beak kuaso hukum agamo.

KOLOSE 2:15

Kristus menea kute roh-roh de meriteak ngen bekuaso jijai coa de dayo igai ngen jemijai tobo'o totonan tun dau lem kemenangan-Ne.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

2 TIMOTIUS 1:10

Ngen uyo, Allah kemten rahmat-Ne o ngen ite liwet tekone Rajo Penyelamat ite Kristus Yesus. Yesus maleak kuaso maut ngen mbin idup de kekal liwet Bito Baik o.

IBRANI 10:10

Yesus Kristus bi menea jano de kenlok Allah ngen semreak dirai-Ne sebagai kurban. Ngen persembahan o, de nea-Ne cuma debat bae utuk seke'anne, ite kute senucai kunei duso.

IBRANI 10:5

Do'oba sebabne waktau Kristus masuk moi dunio, Si madeak ngen Allah, “Ko coa lok kurban ngen persembahan; sebelekne Ko bi semiap awok utuk-Ku.

IBRANI 2:17

Dio taine bahwo Si harus jijai serai ngen saudaro-saudaro-Ne lem kute hal. Ngen o Si dapet jijai Imem Lai de setia ngen penuak kasiak. Ngen pelayanan-Ne o duso manusio dapet napun.

IBRANI 2:18

Ngen kerno Si suang perneak saro ngen cenubo, Si dapet temulung tun-tun de dapet cobaan.

IBRANI 4:15

Imem Lai ite o isoba imem de coa dapet meding kelemahan-kelemahan ite. Se belek ne, Si sudo cenubo lem kute hal, serai awei ite suang; cuma Si coa menea duso!

IBRANI 9:15

Do'oba sebabne Kristus jijai Pengantara utuk suaktau janjai de blau, supayo tun de sudo nok Allah dapet temimo berkat-berkat kekal de sudo jenanjai Allah. Kutene o dapet tejijai kerno bi ade de matei, adeba Kristus; ngen mateine Kristus o mbebas tun kunei saleak-saleak de tobo'o nea waktau janjai de pertamo masiak berlaku.

1 PETRUS 1:20

Kristus niliak Allah ayok dunio jenijai. Tapi kerno udi, Si tembei madeak dirai-Ne pado akhir zaman. Si teko moi dunio supayo udi senlamat.

WAHYU 1:18

Ukuba Si de idup! Uku bi matei, tapi kemliakba, Uku idup utuk selamo-lamone. Uku bekuaso das matei, ngen das dunio tun matei.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 20:2

Lajau si temakep nagai o, dung tuai o, – adeba Iblis atau roh kidek o, – ngen si meketne utuk seribau taun anne.