IBRANI 2:11 - JANJAI BLAU Lem Bahaso Jang Bebilai

¹¹ Yesus semucai manusio kunei duso-duso tobo'o; Si de semucai, serto tobo'o de senucai o, samo-samo temuan do Bapa. Do'oba sebabne Yesus coa selek makau tobo'o sebagai saudaro-saudarone.

IBRANI 2:11 ပူးပေါင်းရင်းမြစ်များ

MATIUS 25:40

Rajo'o bakea jemawab, ‘Namenba: Waktau udi menea hal'o sekilaipun ngen pasuak-Ku de tehino, berartai udi menea utuk-Ku!’

MATIUS 28:10

“Jibeakba saben,” nadeak Yesus ngen tobo'o, “lalau melei namen ngen pasuak-pasuak-Ku supayo tobo'o lalau moi Galilea, neak di tobo'o bakea kemliak Uku.”

MARKUS 3:34

Si kemliak ngen tun-tun de temot neak sekeliling-Ne'o ngen madeak, “Dio indok-Ku ngen pasuak-pasuak-Ku!

MARKUS 8:38

Kerno api bae selek kerno Uku ngen kerno kecek-Ku neak tengeak-tengeak jaman tun-tun uyo de coa setia ngen beduso yo, Anok Manusio kulo bakea selek kerno tun'o amen Si teko be lem kemulioan Bapa-Ne besamo malaikat-malaikat sucai.”

LUKAS 9:26

Amen tun selek makau Uku ngen kecek-Ku, Anok Manusio kulo bakea selek makau tun o pado waktau Si teko igai ngen kuaso-Ne, ngen kuaso Bapa serto kuaso malaikat-malaikat de sucai!

YOHANES 17:19

Ngen Uku semucai dirai-Ku utuk tobo'o, supayo tobo'o kulo senucai lem kebenea.

YOHANES 17:21

Supayo tobo'o kute jijai do, serai awei Ko, au Bapa, neak lem ite, supayo dunio pecayo bahwo Ko ba de sudo mutus Uku.

YOHANES 20:17

Nadeak Yesus ngen si, “Jibeakba ko megong Uku, sebab Uku ati kenek ngen Bapa. Tapi lalauba ngen pasuak-pasuak-Ku ngen nadeakba ngen tobo'o bahwo uyo Uku bakea lalau ngen Bapa-Ku ngen Bapa-Nu, Allah-Ku ngen Allahnu.”

KISAH RASUL-RASUL 17:26

Kunei do tun bae Si bi jemijai kute bangso ngen umat manusio utuk nunggau kute muko bumai, si bi temtau musim-musim utuk tobo'o ngen bates-bates penan tinggea tobo'o,

KISAH RASUL-RASUL 17:28

Kerno neak lem Si ite idup, ite begerok, ite ade, awei de sudo kulo nadeak kekedau penyairnu: ‘Kerno ite yo royot Allah kulo.’

ROMA 8:29

Sebab kute tun de niliak-Ne kunei semulo, tobo'o kulo tentau-Ne kunei semulo utuk jijai serai ngen gambaran Anok-Ne, kunyau Si, Anok-Ne o, jijai de pertamo neak antaro dau saudaro.

GALATIA 4:4

Tapi sesudo genep waktaune, mako Allah mutus Anok-Ne de laher kunei suang selawei de idup neak beak kuaso hukum agamo.

IBRANI 10:10

Yesus Kristus bi menea jano de kenlok Allah ngen semreak dirai-Ne sebagai kurban. Ngen persembahan o, de nea-Ne cuma debat bae utuk seke'anne, ite kute senucai kunei duso.

IBRANI 10:14

Jijai ngen do kurban, Kristus menea tun-tun de sudo senucai kunei duso jijai sempurno.

IBRANI 11:16

Tapi nyatone, tobo'o indau debuak negrai de lebiak baik, negrai de neak surgo. Do'oba sebabne Allah coa selek amen tobo'o sembut Si Allah tobo'o, sebab Allah sudo sendio debuak kota utuk tobo'o.

IBRANI 13:12

Do'oba sebabne Yesus kulo matei neak luea gerbang kota utuk semucai umat-Ne kunei duso ngen daleak-Ne suang.

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.