IBRANI 13:5 - JANJAI BLAU Lem Bahaso Jang Bebilai

⁵ Jibeakba idupnu kenuaso caci, tapi lokba udi pues ngen jano de ade. Sebab Allah bi madeak, “Uku coa bakea munyau atau bakea teminggea ko.”

IBRANI 13:5 ပူးပေါင်းရင်းမြစ်များ

MATIUS 6:19

“Jibeakba udi melungguk harto utuk dirainu neak bumai; olok menget musakne ngen tukang maling teko utuk malingne.

MATIUS 6:25

Kerno'o ingetba; jibeakba renyeng tetang idupne, jano de lok udi mbuk ngen menem atau jano de lok udi makei. Iso ka idup lebiak kunei kembuk ngen awok lebiak kunei keracok au coa?

MATIUS 6:34

Kerno'o jibeakba renyeng tetang bilai men, sebab bilai men ade.”

MARKUS 7:22

Perzinahan, tamak, kajahatan, licik, ngike, coa sopan, iri atei, ombong, saro najea.

LUKAS 3:14

Ade kulo prajurit de temnai, “Awei ipe ngen keme? Jano de harus keme menea?” Jawab Yohanes ngen tobo'o, “Jibeak mbut ngen jibeak mok ngen pakso ngen temuduak palsu. Puesba ngen gajainu!”

LUKAS 8:14

Biniak de us neak tengeak sakea betebok ibarat tun de temi'uk bito o, tapi khawatir tetang idup tobo'o serto lok idup mewah ngen senang neak lem dunio yo. Kutene o mipit tobo'o sehinggo coa masea buak de mesok.

ROMA 1:29

Atei tobo'o penuak ngen kute de kidek, serakah, kidek atei, munuak, belago, ngike dendem. Tobo'o galok madeak tun luyen,

1 KORINTUS 5:11

Maksud uku adeba, bahwo udi jibeak gabo ngen tun de makau diraine tun Kristen, tapi tun o selawei nakea, tamak, tukang nyembeak patung, galok kemidek tun luyen, tukang mabuk, tukang maling. Jibeak temot ngen tobo'o!

1 KORINTUS 6:10

de maling, de serakeak, tukang mabuk, de galok kemidek tun luyen, tukang mike, coa bakea jijai anggota umat Allah.

2 KORINTUS 4:9

Dau de musuak ngen keme, tapi coa perneak keme tinggea suang dirai. Ngen kunyau cet kilai keme nokoa sapei us, tapi keme coa matei.

EFESUS 5:3

Udi adeba umat Allah, sebab o, plep-plep kidek de coa patut, atau serakah, coa patas ade neak tengeak-tengeak udi. Jibeak sapei tun luyen temuan alasan utuk madeak bahwo udi menea hal-hal awei o.

EFESUS 5:5

Tingetba dio baik baik: tun de menea plep kidek, atau coa wajar, atau serakeak, taine nyembeak patung, tun o coa dapet jijai anggota umat Allah.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

1 TIMOTIUS 3:3

jibeak tun galok mabuk, atau de galok belago. Sebelekne, si harus lemah lembut, damoi. Si coa buliak mata duitan.

2 PETRUS 2:14

Tobo'o coa gegenyai menea duso, ngen kelok tobo'o adeba mandang selawei nakea. Ngen tun de blau pecayo ngen masiak ku'ang yakin, tobo'o mumbuk. Atei tobo'o bi tebiaso ngen serakah. Tobo'o adeba tun-tun tekutuk!

2 PETRUS 2:3

Kerno serakahne gu'au-gu'au palsu o bakea beusaho mesoa utung kunei ko ngen nandei-nandei tobo'o. Tapi utuk plep tobo'o o ukuman bi an tesedio ngen kebinasaan coa bakea buye.

YUDAS 1:11

Celakoba tobo'o! Tobo'o bi motoa dalen Kain. Kunyau dapet caci, tobo'o mbin diraine moi lem kesesatan, serai awei Bileam. Tobo'o benaso kerno brutak awei Korah.