IBRANI 13:22 - JANJAI BLAU Lem Bahaso Jang Bebilai

²² Uku minoi supayo udi temi'uk nasihat-nasihat uku yo ngen sabar, sebab su'et yo coa kembiak panjang.

IBRANI 13:22 ပူးပေါင်းရင်းမြစ်များ

KISAH RASUL-RASUL 13:15

Sesudo Bukau Musa ngen Bukau Nebai-nebai m'baco pemipin-pemipin umeak semyang'o meluak tun betanye ngen Paulus ngen kekuatne, “Pasuak-pasuak, amen ade neak antaro udi temuan pesen utuk tun yo, senapei ba!”

2 KORINTUS 10:1

Uku, Paulus, suang tun de coa binai amen sekadep papea ngen udi, tapi binai teadep udi amen kunei ku'uak, uku minget udi demi Kristus de lemah lembut ngen ramah.

2 KORINTUS 5:20

Jijai, keme yo utusan-utusan Kristus, awei Allah melei nasihat ngen udi liwet keme; lem gen Kristus keme minoi ngen udi: Keleiba dirainu damoi nge Allah.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

GALATIA 6:11

Keliakba, awei ipe laine huruf-huruf de uku temulis ngen ko ngen tangenku suang.

EFESUS 3:3

Allah melei namen resio rencano-Ne ngen uku, awei de uku temulis neak das ngen siket.

IBRANI 12:5

Jibeakba coa inget nasehat Allah yo, de nelei ngenko sebagai anok-anok-Ne: “Anok-Ku, kenliakba bebaik ajaran Tuhan, ngen jibeakba titik atei amen Tuhan mengiakko.

IBRANI 13:19

Khususne uku minoi nien, supayo udi demu'o uku supayo Allah segro mbin uku belek igai ngen ko.

IBRANI 2:1

Do'oba sebabne ite harus sungguak-sungguak bepegong ngen ajaran-ajaran de ite temi'uk, supayo ite jibeak teminggea imen ite.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

IBRANI 4:1

Nah, janjai Allah masiak berlaku, ite bakea nelei istirahat de jenanjai-Ne. Jijai, lokba ite jemago supayo jibeak ade suang kulo kunei udi de coa meding istirahat de jenanjai o.

IBRANI 4:11

Kerno o, maroba ite berusaho sungguak-sungguak utuk temimo istirahat de jenanjai Allah o. Jibeak sapei suang kulo kunei ite gagal awei tobo'o bel'o, kerno coa pecayo ngen Allah.

1 PETRUS 5:12

Su'et de siket yo uku temulis ngenko ngen bantuan Silas, de uku manggap suang saudaro Kristen de setia. Uku lok melai dorongan ngenko ngen meyakin udi bahwo jano de uku temulis yo bito de benea tetang rahmat Allah. Lokba udi bepegong teguak pado rahmat o.