IBRANI 13:21 - JANJAI BLAU Lem Bahaso Jang Bebilai

²¹ Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

IBRANI 13:21 ပူးပေါင်းရင်းမြစ်များ

MATIUS 12:50

Tun de kemerjo kelok Bak-Ku neak surgo, siba pasuak semenei, pasuak selawei ngen mak-Ku.”

MATIUS 21:31

Nah, kunei antaro kuduai tun'o de api menea kelok Bakne?” “De tuai” pemipin imem-imem ngen pemipin-pemipin Yahudi jemawab. Mako Yesus madeak ngen tobo'o, “Pecayoba: Penagiak-penagiak pajak ngen selawei nakea bakea lebiak deno jijai anggota umat Allah kunei pado udi.

MATIUS 28:20

Najeaba tobo'o menea kute de sudo Uku periteak ngen ko. Ingetba Uku bakea selalu semerto udi sapei Bilai Kiamat.”

MATIUS 6:13

Jibeak muyau keme coa pecayo waktau keme cenuba. tapi ne'uakba keme kunei kuaso Iblis. [Koba Rajo de kuaso ngen mulio utuk selamone. Amin.]’

MATIUS 7:21

“Coa kute tun de menggang ngen uku, ‘Tuhan, Tuhan’ jijai anggota umat Allah, tapi tun de kemerjo periteak Bapaku neak surgo, do'oba de jijai anggota umat Allah.

YOHANES 17:23

Uku neak lem tobo'o ngen Ko neak lem Uku supayo tobo'o bebenea jijai do, supayo dunio namen bahwo Ko de mutus Uku ngen Ko mengasiak tobo'o, serai awei Ko mengasiak Uku.

YOHANES 7:17

Api bae lok menea kelok-Ne, si bakea namen jano Ajaran-Ku yo berasal kunei Allah, jano Uku madeak kunei dirai-Ku suang.

ROMA 11:36

Allah de menea kute sesuaktau. Kutene kunei Allah. Kutene utuk Allah. Tepujaiba Allah utuk selamo-lamone! Amin.

ROMA 16:27

Siba do-done Allah, Si mahabijaksana. Semoga Si jenunjung selamo-lamone liwet Yesus Kristus! Amin. Hormat keme, Paulus, hamba Kristus Yesus

2 KORINTUS 9:8

Allah bekuaso melei ngen udi berkat de kebiak dau, supayo udi temuan jano de udi perlu, bahkan udi bakea dapet lebiak utuk menea baik ngen beramal.

GALATIA 1:5

Tepujaiba Allah selamone! Amin.

EFESUS 2:10

Kerno ite adeba ciptaan Allah, liwet Kristus Yesus utuk menea kerjo baik, de seniap Allah ayokne. Si lok, supayo ite idup lem-Ne.

EFESUS 2:18

Kerno liwet Kristus, ite kute jijai do dapet pa'ok ngen sang Bapa.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 2:11

Tobo'o kutene bakea makau bahwo Yesus Kristusba Tuhan; ngen awei yo mulioba Allah Bapa.

FILIFI 2:13

kerno Allahba de kemerjo neak lem dirainu utuk menea udi rela ngen sanggup semnang atei Allah.

FILIFI 4:13

Ngen kuaso de nelei Kristus ngen uku, uku temuan kekuatan utuk madep kute mecem keadaan.

FILIFI 4:18

Uku bi temimo kutene – malah lebiak kunei cukup! Kute pelei de udi mbo ngen uku bi uku temimo kunei Epafroditus. Uyo uku temuan kute de uku perlu. Pelei-pelei kunei udi o adeba awei mbon um kunei kurban de nelei ngen Allah ngen de temimo Allah ngen riang atei.

KOLOSE 3:17

Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

KOLOSE 3:20

Hoi anok-anok! Taatba ngen tun tuainu lem kute hal, kerno do'oba de semnang atei Allah.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

1 TESALONIKA 3:13

Ngen awei o Tuhan bakea kemuet ateinu, sehinggo udi sucai ngen coa cacet neak adep Allah Bapa ite, pado waktau Tuhan ite Yesus teko besamo kute tun de jijai de Si temuan.

1 TESALONIKA 4:3

Dioba kelok Allah: supayo udi idup cuma utuk Si, sucai, me'uak kute plep kidek.

1 TESALONIKA 5:23

Semoga Allah suang de melei ite sejahtera, jemijai udi tun de sungguak-sungguak idup cuma utuk Allah. Semoga Allah jemago dirainu kutene, baik roh, jiwo ataupun awoknu, sehinggo coa ade cacetne pado waktau Tuhan te Yesus Kristus teko igai.

1 TIMOTIUS 1:17

Allah, Rajo kute zaman, patut nelei hormat ngen nujai, sebab Siba de kekal, de coa keten ngen esa! Amin.

1 TIMOTIUS 5:10

ngen terbukti bi menea pekerjaan de baik, awei murus anok, temimo tun-tun temalem neak daseine, melayan tun-tun pecayo, temulung tun-tun saro, menea ngen sungguak-sungguak kute mecem pekerjaan de baik.

1 TIMOTIUS 6:16

Siba do-done de coa nam kenuaso maut; Si idup neak lem cahayo de coa dapet na'ok api bae kulo. Coa ade suang manusio kulo de perneak kemliak Si, atau dapet kemliak Si. Bagiak-Neba hormat ngen kuaso de kekal! Amin.

2 TIMOTIUS 3:17

Ngen awei o tiep-tiep manusio de Allah temuan, dapet jijai baik.

2 TIMOTIUS 4:18

Ngen Tuhan bakea bebas uku kunei tiep usaho de kidek te'adep uku. Si bakea semlamat uku, sehinggo uku masuk moi lem Kerajaan-Ne neak surgo. Bagiak-Ne ba kemuliaan selamo-lamone! Amin.

IBRANI 10:36

Udi perlu sabar, supayo udi dapet menea kelok Allah ngen awei o temimo jano de jenanjai-Ne.

IBRANI 12:23

Udi temotoa sesuaktau pertemuan de meriah – pertemuan anok-anok tuai Allah, de genne ade neak lem surgo. Udi teko madep Allah, Hakim kute umat manusio. Udi madep roh-roh tun-tun baik, de sudo jijai sempurno.

IBRANI 12:28

Kerno o, lok ba ite mucep mokasiak ngen Allah, karno ite temimo kunei Si sesuaktau kerajaan de coa dapet genuyang. Lokba ite mokasiak, beribadah ngen Allah. Hormat ngen saben, temurut ca'o de kenlok-Ne suang.

IBRANI 13:16

Ingetba utuk menea baik ngen saling temulung, sebab dioba kurban-kurban de semnang atei Allah.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.

1 PETRUS 4:2

Sebab o, lokba udi idup selanjutne neak dunio yo temurut kelok Allah, ngen iso temurut kelok manusio.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.

1 YOHANES 2:17

Dunio ngen kute de ade neak lemne ngen kenlok manusio, gidong nyep. Tapi tun de temotoa kelok Allah, tep idup sapei selamo-lamone.

1 YOHANES 3:22

Ngen jano de ite minoi ngen Si, ite dapetne, kerno ite taat ngen periteak-periteak-Ne, menea jano de semnang atei-Ne.

YUDAS 1:25

Siba dedone Allah, Penyelamat ite liwet Yesus Kristus Tuhan ite. Siba Allah de mulio, agung, bekuaso ngen bewibawa sejak bel'o nien sapei uyo ngen utuk selamo-lamone! Amin.

WAHYU 4:6

Ade kulo neak adep takhta o sesuaktau de keten awei lautan kaco, bening awei kristal. Neak sekeliling takhta, tiep bidingne, ade pat makhluk, de rogok adep ngen rogok belakangne penuak ngen matai.

WAHYU 5:13

Lajau uku temi'uk kute makhluk neak lenget, neak bumai, neak beak bumai ngen neak lem laut – siketne kute makhluk neak semesta alam yo – nyanyi, “Si de temot neak das takhta, ngen Sang Anok Bebirai o, adeba tepujai ngen terhormat serto agung ngen bekuaso utuk selamo-lamone!”

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.