IBRANI 13:20 - JANJAI BLAU Lem Bahaso Jang Bebilai

²⁰ Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

IBRANI 13:20 ပူးပေါင်းရင်းမြစ်များ

MATIUS 26:28

Sebab dioba daleak-Ku, de ijai tando janjai de sah kunei Allah de tenu peak bagiak dau tun utuk mapun duso tobo'o.

MARKUS 14:24

Ngen Si madeak ngen tobo'o, “Dioba daleak-Ku, daleak perjanjian de tenupeak bagiak dau tun.

LUKAS 22:20

Awei'o kulo nea-Ne ngen makuk anggur sesudo mukmei; Si madeak, “Makuk anggur yo adeba perjanjian belau de nsah ngen daleak-Ku, de tenupeak bagiak udi.”

YOHANES 10:11

Uku ba gembala de baik. Gembala de baik melei nyabaine utuk bebirai ne.

YOHANES 10:14

Uku ba gembala de baik ngen Uku namen bebirai-Ku ngen bebirai-Ku namen ngen Uku.

KISAH RASUL-RASUL 13:30

Tapi Allah midup igai Si kunei antaro tun matei.

KISAH RASUL-RASUL 17:31

Kerno Si bi tem'tep suaktau bilai ketiko Si ngen Adea makim dunio ngen suang tun de sudo tentau-Ne, sesudo Si melei ngen kute tun suaktau jaminan tetang hal o ngen midup Si kunei antaro tun matei.”

KISAH RASUL-RASUL 2:24

Tapi Allah midup igai Si sesudo melpas Si kunei sikso maut kerno coa mukin Si tep ade neak lem kuaso maut o.

KISAH RASUL-RASUL 2:32

Yesus yo ba de Allah midup igai. Tetang hal o keme kutene adeba saksai.

KISAH RASUL-RASUL 3:15

Udi bi munuak perintis kehidupan, tapi Allah bi midup igai Si kunei antaro tun matei, ngen tetang hal o keme adeba saksai.

KISAH RASUL-RASUL 4:10

udi kutene arus namen ngen kute bangso Israel kulo arus namen bahwo lem Yesus Kristus, tun Nazaret, de sudo udi semalib, tapi de sudo midup igai ngen Allah kunei antaro tun matei bahwo kerno Yesus o ba tun yo je lem keadaan ka'en uyo neak adep udi.

KISAH RASUL-RASUL 5:30

Yesus, de udi senalib, bi idup igai kunei mateine ngen Allah ninik puyang ite.

ROMA 1:4

tapi seca'o ilahi ternyato adeba Anok Allah. Do'o tebukti ngen kuaso de luea biaso liwet idup-Ne igai kunei matei.

ROMA 10:7

atau, ‘Api bakea tu'un moi jurang maut?’ (adeba: utuk mbin Yesus kenek kunei antaro tun matei).”

ROMA 15:33

Mudah-mudahan Allah, de melei sejahtera ngen manusio, semerto saudaro kutene. Amin.

ROMA 16:20

Allah de melei sejahtera ngen manusio, bakea segro mpek Iblis neak beak kuasonu ngen majuane. Semoga Saudaro-saudaro bogoa diberkati Yesus Kristus Tuhan ite!

ROMA 8:11

Ngen amen Roh Allah, de sudo midup igai Yesus kunei antaro tun matei, tinggea neak lem udi, mako Si, de sudo midup igai Kristus Yesus kunei antaro tun matei, bakea midup kulo awoknu de fana o ngen Roh-Ne, de ade neak lem udi.

1 KORINTUS 14:33

Allah adeba Allah de galok ngen ketertiban; Si iso Allah de galok pado kekacauan. Awei de belakau neak lem kute jemaat Allah,

1 KORINTUS 15:15

Lebiak kunei o, nyatoba bahwo keme ngike tetang Allah, sebab keme melei namen bahwo Allah sudo midup igai Kristus kunei matei-Ne, amen Allah coa midup Si igai – amen memang benea tun matei coa nidup igai!

1 KORINTUS 6:14

Allah bi midup igai Tuhan Yesus kunei matei, awei o kulo Allah bakea midup ite ngen kuaso-Ne.

2 KORINTUS 13:11

Akhirne, Saudaro-saudaroku, lokba udi riang, berusahoba jijai sempurno. Temimoba kute nasihat uku. Lokba udi do atei ngen idup rukun; mako Allah, sumber kasih ngen damoi sejahtera bakea semerto udi!

2 KORINTUS 4:14

Keme yakin bahwo Allah de sudo midup igai Tuhan Yesus, bakea midup keme kulo ngen Yesus, ngen mbin udi ngen keme moi adep-Ne.

GALATIA 1:1

Saudaro-saudaro jemaat-jemaat neak wilayah Galatia, Uku, Paulus, ngen kute saudaro Kristen de besamo uku, ma'ep semoga Allah Bapa ite ngen Tuhan Yesus Kristus melei berkat ngen sejahtera ngen udi.

EFESUS 1:20

de nakei-Ne ketiko midup igai Kristus kunei mateine ngen melei ngen-Si kedudukan de lekat besamo-samo Allah neak surgo.

FILIFI 4:9

Naneuba jano de sudo udi belajea ngen temimo kunei uku; baik kunei kecek-kecek atau kunei plep-plep uku. Allah sumber sejahtera bakea semerto udi.

KOLOSE 2:12

Sebab pado waktau udi dibaptis, udi kenubua besamo-samo Kristus; ngen baptisan o kulo, udi kulo nidup igai besamo-samo Kristus kerno udi pecayo ngen kuaso Allah de bi midup Kristus kunei matei.

1 TESALONIKA 1:10

Tobo'o miling kulo tetang awei ipe udi ma'ep tekone Anok Allah kunei surgo, adeba Yesus, de sudo nidup Allah kunei matei. Yesus do'oba kulo de semlamat ite kunei hukuman Allah de bakea teko.

1 TESALONIKA 5:23

Semoga Allah suang de melei ite sejahtera, jemijai udi tun de sungguak-sungguak idup cuma utuk Allah. Semoga Allah jemago dirainu kutene, baik roh, jiwo ataupun awoknu, sehinggo coa ade cacetne pado waktau Tuhan te Yesus Kristus teko igai.

2 TESALONIKA 3:16

Tuhan adeba sumber kesejahteraan ite. Semoga Si bogoa melei ngen udi sejahtera lem kute hal. Semoga Tuhan semerto Saudaro kutene.

IBRANI 10:22

Kerno o, maroba ite ma'ok Allah ngen atei tulus ngen imen de kuet; ngen atei de sudo senucai kunei asai saleak, ngen awok de sudo senucai ngen bioa de sucai.

IBRANI 10:29

Padeak kebenek hukuman de harus nelei das tun de melat Anok Allah. Tun o manggap hino daleak perjanjian Allah, adeba mateine Kristus de bersih Si kunei duso. Si mino Roh kasiak karunio.

IBRANI 9:20

Samo menea o Musa madeak, “Dioba daleak de sah janjai kunei Allah de harus udi taat.

1 PETRUS 1:21

Liwet Siba udi pecayo ngen Allah de sudo midup-Ne igai kunei matei ngen mengagungkan-Ne. Jijai, Allahba de udi pecayo ngen Allahba kulo udi mpek harapan.

1 PETRUS 2:25

Bel'o udi awei bebirai de seset, tapi uyo udi bi nembin igai utuk temotoa Gembala ngen Pemelihara jiwonu.

1 PETRUS 5:4

Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.