IBRANI 12:25 - JANJAI BLAU Lem Bahaso Jang Bebilai

²⁵ Kerno o, teateiba jibeak sapei udi coa lok temi'uk Si de miling o. Tobo'o de coa lok temi'uk Si de teko moi bumai ngen semapei bito kunei Allah, coa nam lalau. Jano igai ite yo de temi'uk Si de miling kunei surgo! Amin ite coa lok temi'uk-Ne, coa mukin ite dapet bebas!

IBRANI 12:25 ပူးပေါင်းရင်းမြစ်များ

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

MATIUS 8:4

Lajau Yesus madeak ngen si, “Ingetba! Jibeak ko melei namen hal yo ngen api bae. Tapi lalauba, ngen imem, ngen minoi Si maset ko, utuk bi ka'en. Sesudo'o mbin kurban de mriteak Musa utuk senreak ngen Tuhan. Kurban'o bakea tando jijai ngen tun dau bahwo ko sungguak bi ka'en!”

KISAH RASUL-RASUL 7:35

Musa dioba Musa de coa nakau bangso Isarel ngen de temulok ngen kecek yo, ‘Api de maket ko jijai pemipin ngen hakim keme?’ Tapi siba tun de nutus Allah tuk jijai pemipin ngen penyelamat, ngen tulung kunei malaikat de teko ngen si neak sakea de tunun.

1 TESALONIKA 5:15

Jagoba supayo jibeak ade de males kejahatan ngen kejahatan. Berusahoba utuk menea baik, suang ngen de luyen ngen kute tun.

2 TIMOTIUS 4:4

Tobo'o bakea mutup ti'ukne te'adep de benea, tapi bakea temi'uk te'adep cerito-cerito dongeng.

IBRANI 1:1

Pado jaman bel'o dau nien Allah miling ngen ninik puyang te liwet nebai-nebai ngen memecem ca'o.

IBRANI 11:7

Kerno berimen, mako Nuh nelei namen Allah tetang hal-hal de bakea tejijai konyo, de coa dapet kenliakne. Nuh taat ngen Allah sehinggo si menea debuek kepea de konyo tenyato semlamat diraine besamo keluargone. Ngen awei yo dunio nhukum, tapi Nuh suang kerno imenne Allah madeak sebagai tun baik.

IBRANI 12:19

tobo'o madep sa'ei terupet, sa'ei de lek. Ketiko tun-tun Israel temi'uk sa'ei o, tobo'o minoi nien supayo sa'ei o coa miling igai ngen tobo'o.

IBRANI 3:12

Saudaro-saudaro, teateiba jibeak sapei ade neak antaro udi de ateine kembiak kidek ngen coa ade imen, sehinggo si coa pecayo ngen me'uak Allah de idup!

IBRANI 3:17

Ngen teadep api Allah mengiak pat puluak taun keanne? Teadep tobo'o de beduso, de matei neak padang gurun, iso?

IBRANI 8:5

Pekerjaan de tobo'o nea sebagai imem o sebeneane cuma gambaran ngen bayangan kunei jano de ade neak surgo. Do'o sudo nelei namen Allah ngen Musa bel'o, ketiko Musa lok temgok Kemah Tuhan. Allah madeak ngen Musa, “Inget! Kutene o harusba ko nea temurut kerako kemah de kenten ngen ko neak das tebo.”

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.

WAHYU 22:9

tapi si madeak ngen uku, “Jibeak! Jibeak nyembeak uku! Senbeakba Allah! Sebab uku kulo hamba awei udi, ngen awei saudaro-saudaronu paro nebai ngen kute tun de taat ngen pesen-pesen lem kiteb yo!”