IBRANI 12:23 - JANJAI BLAU Lem Bahaso Jang Bebilai

²³ Udi temotoa sesuaktau pertemuan de meriah – pertemuan anok-anok tuai Allah, de genne ade neak lem surgo. Udi teko madep Allah, Hakim kute umat manusio. Udi madep roh-roh tun-tun baik, de sudo jijai sempurno.

IBRANI 12:23 ပူးပေါင်းရင်းမြစ်များ

LUKAS 10:20

Sekilai kulo awei o jibeakba beriang kerno roh-roh kejahatan taat ngen udi. Lebiak baik udi beriang kerno gennu ade neak lem surgo.”

YOHANES 5:27

Si bi melei kuaso ngen Si utuk mukum, kerno Si adeba Anok Manusio.

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

1 KORINTUS 13:12

Jano de ite kemliak yo adeba awei bayangan de kabur pado senno. Tapi konyo ite bakea kemliak langsung ngen jelas. Uyo uku ati namen kutene, tapi konyo uku bakea namen kutene serai awei Allah namen kutene tetang diraiku.

1 KORINTUS 15:49

Serai awei ite uyo adeba awei Adam de jenijai kunei pitok, mako konyo ite bakea jijai awei Si de kunei surgo o.

1 KORINTUS 15:54

Amen awok de dapet matei sudo genitei ngen awok de coa dapet matei, ngen awok de kunei dunio sudo genitei ngen awok de kunei surgo, pado waktau o baruba tejijai jano de tetulis lem Kiteb Sucai, “Kematei sudo nenyep; kemenangan sudo dapet!”

2 KORINTUS 5:8

Do'o sebabne atei keme sabar. Keme lebiak riang keluea kunei awok keme yo, supayo dapet tinggea besamo Tuhan.

EFESUS 1:22

Kute sesuaktau bi mpek-Ne neak beak kuaso Kristus, ngen melei Kristus ngen jemaat sebagoi pemipin kunei kute sesuaktau.

FILIFI 4:3

Ngen kuatku de setia, uku minoi kulo supayo Saudaro temulung keduai selawei o. Tobo'o bi kerjo sungguak-sungguak besamo uku utuk melei namen Bito Baik kunei Allah; serai awei Klemen ngen kute tun luyenne de kerjo besamo-samo uku. Gen-gen tobo'o ade lem Bukau Tun Idup.

KOLOSE 1:12

ngen mucep syukur ngen sukocito ngen Bapa. Sebab Bapa do'oba de menea udi patas temimo jano de seniap Allah utuk umat-Ne neak lem kerajaan-Ne de te'ang.

KOLOSE 1:24

Uyo uku senang saro utuk kepentingannu. Sebab ngen derito, uku gemnep jano de masiak harus Yesus meding saro utuk jemaat-Ne, adeba awok-Ne.

1 TIMOTIUS 3:5

Sebab amen tun coa namen matur umeak tanggone dewek, ka'ro si dapet matur jemaat Allah?

IBRANI 11:4

Kerno berimen, mako Habel semreak ngen Allah kurban lebiak baik kunei kurban Kain. Kerno imenne o, Habel tenimo Allah sebagai tun de baik, sebab nyatoba bahwo Allah temimo persembahanne. Habel sudo ninggea, tapi kerno imenne o, mako si masiak miling sapei uyo.

IBRANI 11:40

sebab Allah ade rencano de lebiak padek utuk te. Rencano-Ne adeba bahwo cuma besamo ngen te, tobo'o bakea jijai sempurno.

IBRANI 2:12

Yesus madeak ngen Allah, “Uku bakea melei namen ngen saudaro-saudaro-Ku tetang Ko. Uku bakea mujai Ko neak lem pertemuan tobo'o.”

IBRANI 9:27

Allah bi temtep bahwo manusio matei debat bae, sesudo'o Allah nhukum.

YAKOBUS 1:18

Das kelok-Ne su'ang Si jemijai ite anok-anok-Ne liwet Firman-Ne de benea. Si menea o supayo ite dapet penan de utamo neak antaro kute makhluk ciptaan-Ne.

1 PETRUS 2:23

Pado waktau Si nino, Si coa males ngen mino. Waktau Si menderito, Si coa macem; Si cuma semreak pekaro-Ne ngen Allah, Hakim de adea o.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 14:4

Tobo'o tun-tun de tep sucai awei perawan, kerno coa menea hubungan ngen selawei. Tobo'o temotoa Anok Bebirai o moi ipe bae si lalau. Kunei antaro umat manusio, tobo'oba de sudo bebas sebagai persembahan de pertamo ngen Allah ngen Anok Bebirai.

WAHYU 20:15

Tun-tun de genne coa tetulis neak lem Bukau Tun Idup, nuang moi lem lautan opoi.

WAHYU 6:11

Masing-masing tobo'o nelei delambea jubah putiak. Lajau tobo'o neluak istirahat tegoa igai, sapei bi lekap kute jumlah kekuat seperjuangan ngen saudaro-saudaro tobo'o de bakea nunuak awei tobo'o.

WAHYU 6:9

Sesudo'o Anok Bebirai o mukok segel de kelemo. Uku kemliak neak beak mezbah ade roh-roh tun-tun matei nunuak kerno tobo'o kemuet firman Allah liwet saksai tobo'o.