IBRANI 12:22 - JANJAI BLAU Lem Bahaso Jang Bebilai

²² Sebelekne, udi bi teko moi Tebo Sion ngen kota Allah de idup, adeba Yerusalem de neak surgo ngen beribau malaikatne.

IBRANI 12:22 ပူးပေါင်းရင်းမြစ်များ

MATIUS 16:16

Simon Petrus jemawab, “Bak adeba Rajo Penyelamat, Anok Allah De Idup.”

MATIUS 5:35

Sebab lenget adeba penan Allah temot mriteak dunio yo ngen bumai adeba penan Allah mpek kekeane. Ngen jibeak besupeak kerno Yerusalem, sebab Yerusalem adeba kota Allah, Rajo kunei kute Rajo.

ROMA 11:26

Ngen awei o kute Israel bakea senlamat, awei ade tetulis, “Kunei Sion bakea teko Rajo Semlamat; Si bakea semikir kute kejahatan kunei anok-anok Yakub.

ROMA 9:26

Ngen neak penan, neak ipe bakea nadeak ngen tobo'o: ‘Anok-anok Allah de idup.’ ”

GALATIA 4:26

Tapi Yerusalem de neak surgo o adeba Yerusalem de bebas, ngen siba indokte.

EFESUS 2:19

Sebab o, udi iso igai termasuk tun asing atau tun luea. Udi uyo adeba samo-samo warga umat Allah. Udi adeba anggota-anggota keluargo Allah.

FILIFI 3:20

Tapi ite adeba warga negara surgo. Kunei diba kulo ite mbot Tuhan Yesus Kristus sebagoi Juruselamat.

1 TESALONIKA 1:9

Kute tun miling tetang awei ipe udi temimo keme ketiko keme bel'o teko ngen udi. Tobo'o miling tetang awei ipe udi teminggea patung-patung, teko ngen do-done Allah de idup utuk mengabdi ngen-Si.

2 TIMOTIUS 4:18

Ngen Tuhan bakea bebas uku kunei tiep usaho de kidek te'adep uku. Si bakea semlamat uku, sehinggo uku masuk moi lem Kerajaan-Ne neak surgo. Bagiak-Ne ba kemuliaan selamo-lamone! Amin.

IBRANI 10:31

Padeak ngerine amen us moi tangen Allah De Idup!

IBRANI 11:10

Sebab Abraham gidong mbot kota de rencano ngen nea Allah ngen pondasi de kuet.

IBRANI 11:16

Tapi nyatone, tobo'o indau debuak negrai de lebiak baik, negrai de neak surgo. Do'oba sebabne Allah coa selek amen tobo'o sembut Si Allah tobo'o, sebab Allah sudo sendio debuak kota utuk tobo'o.

IBRANI 13:14

Sebab neak bumei coa ade penan tinggea de kekea utuk ite; ite mesoa penan tinggea de bakea teko.

IBRANI 3:12

Saudaro-saudaro, teateiba jibeak sapei ade neak antaro udi de ateine kembiak kidek ngen coa ade imen, sehinggo si coa pecayo ngen me'uak Allah de idup!

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

YUDAS 1:14

Henokh, keturunan ketujuak kunei Adam, bel'o perneak bernubuat tetang tun-tun o. Henokh madeak, “Keliak, Tuhan bakea teko ngen beribau-ribau malaikat-Ne de sucai,

WAHYU 14:1

Sesudo'o uku kemliak, lajau keten Anok Bebirai o je neak das Tebo Sion. Besamo Si ade sotos pat puluak pat ribau tun ngen neak ning tobo'o tetulis gen-Ne ngen gen Bapa-Ne.

WAHYU 21:10

Mako Roh Allah kemuaso uku, ngen malaikat o mbin uku moi das tebo de kembiak lekat. Si kemten ngen uku Yerusalem, kota sucai o, kota o tu'un kunei surgo, kunei Allah.

WAHYU 21:2

Mako uku kemliak kota sucai o, adeba Yerusalem de blau, tu'un kunei surgo kunei Allah. Kota o bi seniap awei pengaten selawei nrias utuk magea matenne.

WAHYU 22:19

Ngen amen tun kemu'ang sesuaktau kunei kecek-kecek nubuat yo, mako Allah kulo bakea kemu'ang bagianne de tenulis lem kiteb yo – adeba bagian kunei pun kehidupan ngen kunei kota sucai o.

WAHYU 3:12

Tun de menang, Uku jemijai sebagai tiang lem Umeak Sucai Allah-Ku, ngen si bakea tinggea neak penan o selamo-lamone. Gen Allah-Ku, gen kota Allah-Ku – adeba Yerusalem blau de bakea tu'un kunei surgo, kunei Allah-Ku – bakea Uku temulis neak dirai tun o. Kulo gen-Ku de blau bakea Uku temulis neak diraine.

WAHYU 7:2

Lajau uku kemliak suang malaikat de luyen teko kunei peak timur. Si mbin segel kunei Allah de idup. Ngen sa'ei lek malaikat o menok kepat malaikat de sudo kenuaso kunei Allah utuk musak bumai ngen laut.