IBRANI 12:2 - JANJAI BLAU Lem Bahaso Jang Bebilai

² Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.

IBRANI 12:2 ပူးပေါင်းရင်းမြစ်များ

MATIUS 16:21

Muloi kunei saat'o Yesus madeak teteang ngen penotoa-penotoa-Ne, Si mestai lalau moi kota Yerusalem ngen temanggung dau saro kunei pemipin-pemipin, pemipin imem-imem ngen gu'au-gu'au agamo. Si bakea nunuak tapi pado bilai ketelau Si bakea idup igai.

MATIUS 20:28

Samo awei Anok Manusio'o kulo; Si teko coa utuk nelayan, tapi utuk mlayan ngen semreak nyabaine utuk mbebas tun dau.”

MARKUS 14:36

Nadeak-Ne, “Au abba, Au Bapa, kute sesuatau mukin bagiak-Nu, mokba caker yo kunei adep-Ku, tapi jibeakba jano de Uku kenlok, seluyen jano de Ko kenlok.”

MARKUS 15:28

Ngen awei yo tejijaiba ayat alkiteb de sa'eine, “Si bakea teitung neak antaro tun-tun kidek.”]

MARKUS 16:19

Sesudo Tuhan Yesus miling awei yo ngen tobo'o, taketba Si moi surgo, lajau temot depeak kanen Allah.

MARKUS 9:12

Yesus jemawab, “Benea Elia bakea teko lebiak dute ngen menyep kutene. Cuma, aweiipe ngen de ade tetulis tetang Anok Manusio, bahwo Si bakea dau derito ngen bakea nino?”

MARKUS 9:24

Segro tiak anok'o menggang, “Uku pecayo. Tulungba uku de coa pecayo yo!”

LUKAS 17:5

Lajau nadeak rasul-rasul o ngen Tuhan, “Tambeakba imen keme!”

LUKAS 23:11

Herodes ngen anggota-anggota tentrane meliam ngen mimok Yesus, lajau Herodes mpek bajau kebesaran ngen Yesus. Sesudo'o kemirim Yesus ngen Pilatus.

LUKAS 24:26

Mesias arus malami saro kutene o utuk masuk moi lem kemulio-Ne.”

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

YOHANES 12:24

Sesungguakne Uku madeak ngen ko: Amen soa gendum coa cucia moi lem taneak ngen matei, si bakea tep sebagoi soa gendum. Tapi amen soa gendum matei, baru si bakea masea dau gendum.

YOHANES 12:32

Tapi Uku yo, amen Uku bi nelekat das bumai, Uku bakea majok kute tun teko ngen Uku.”

YOHANES 13:3

Yesus namen bahwo Bak bi semreak kutene ngen Si bahwo Si teko kunei Allah ngen bakea belek ngen Allah.

YOHANES 6:40

Sebab dioba kelok Bapa-Ku: Adeba supayo tiep tun de kemliak Anok ngen de pecayo ngen-Si dapet idup de kekal, ngen supayo Uku midup igai pado Bilai Kiamat.”

YOHANES 8:56

Abraham baknu beriang bahwo si bakea kemliak bilai-Ku ngen si bi kemliakne ngen si besukocito.”

KISAH RASUL-RASUL 2:36

Do'o sebabne kute tun Israel arus namen nien bahwo Yesus de udi senalib o, Yesus do'oba kulo de sudo jenanjai Allah jijai Tuhan ngen Rajo Penyelamat!”

KISAH RASUL-RASUL 3:15

Udi bi munuak perintis kehidupan, tapi Allah bi midup igai Si kunei antaro tun matei, ngen tetang hal o keme adeba saksai.

KISAH RASUL-RASUL 5:31

Allah sudo melei ngen Si penan ngen kuaso de lekat awei Pemipin ngen Penyelamat; supayo bangso Israel nelei kesempatan utuk betobat kunei duso-dusone ngen dapet apun.

KISAH RASUL-RASUL 5:41

Rasul-rasul o teminggea Mahkamah Agamo ngen riang sebab Allah bi manggap tobo'o patut utuk dapet hino kerno Yesus.

1 KORINTUS 1:18

Sebab bagiak tun-tun de bakea benaso, bito tetang mateine Kristus pado salib adeba coa benea. Tapi, bagiak ite de senlamat Allah, bito o adeba ca'one Allah kemten kuaso-Ne.

1 KORINTUS 1:23

Tapi ite yo cuma melei namen Kristus de matei senalib. Bito o seminggung atei tun Yahudi, naggep mike ngen tun-tun iso Yahudi.

EFESUS 2:16

Ngen matei-Ne senalib, Kristus bi menea duai bangso jijai do, ndamoi tobo'o ngen Allah, sehinggo nyepba permusuhan o.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

FILIFI 1:6

Allah suang de muloi menea baik o ngen udi, ngen uku yakin Si bakea temrus pekerjaan o sapei selesei pado Bilai Kristus Yesus teko igai.

FILIFI 3:20

Tapi ite adeba warga negara surgo. Kunei diba kulo ite mbot Tuhan Yesus Kristus sebagoi Juruselamat.

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

IBRANI 1:13

Allah coa perneak madeak awei yo ngen suang malaikat kulo, “Temotba neak peak kanen-Ku, sapei musuak-musuak-Nu tunduk ngen-Ko.”

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

IBRANI 10:14

Jijai ngen do kurban, Kristus menea tun-tun de sudo senucai kunei duso jijai sempurno.

IBRANI 10:33

Ade tikone udi nino, kelokne bae tun menea udi neak muko umum. Ade tikone kulo udi meding saro ngen tobo'o de nea awei o,

IBRANI 11:36

Ade de cenimet, cenambuk, neket ngen ratoi ngen de nasuk moi lem penjara.

IBRANI 12:3

Cubo meker akuaro sarone Yesus madep tun-tun beduso de melawen-Si ngen kembiak sengit! Sebab o jibeakba titik atei ngen putus smanget.

IBRANI 13:13

Kerno o, maroba ite lalau ngen-Si moi luea kemah ngen milau hino tun besamo Si.

IBRANI 5:9

Mako sesudo Si jenijai penyelamat de sempurno, Si jijai sumber keselamatan de kekal bagiak kute tun de taat ngen-Si,

IBRANI 7:19

Hukum agamo Yahudi coa dapet menea sesuaktau kulo jijai sempurno. Do'o sebabne ite uyo nelei harapan de lebiak baik; ngen o ite dapet ma'ok Allah.

IBRANI 8:1

Inti kunei kute kecek yo adeba: Ite temuan Imem Lai de awei o, de temot meriteak besamo Allah Mahabesar neak surgo.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

YAKOBUS 2:1

Saudaro-saudaroku! Sebagai tun de pecayo ngen Tuhan Yesus Kristus, Tuhan De Mahamulio, jibeakba udi mbeda tun das dasar hal-hal laher.

1 PETRUS 1:11

Tobo'o semlidik awei ipe ngen tengen hal o bakea terjijai, maksudne adeba Roh Kristus de ade neak lem dirai tobo'o. Pado waktau o Roh-Ne berfirman ngen tobo'o tetang penderitaan-penderitaan de harus nding Kristus ngen tetang keagungan-Ne de bakea semsung sesudo o.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 PETRUS 3:22

ngen bi kenek moi surgo. Uyo si bekuaso besamo Allah ngen meriteak kute malaikat, kute penguaso serto kute kekuatan.

YUDAS 1:21

ngen idupba terus neak lem naungan kasih Allah selamo udi mbot rahmat Yesus Kristus Tuhan ite, de bakea melei ngennu idup sejati ngen kekal.

WAHYU 1:11

Sa'ei o madeak, “Tulisba jano de ko kemliak, ngen mboba bukau o ngen ketujuak jemaat yo: Efesus, Smirna, Pergamus, Tiatira, Sardis, Filadelfia, ngen Laodikia.”

WAHYU 1:17

Ketiko uku kemliak-Ne, uku tegulek neak adep-Ne awei tun matei. Tapi Si mpek tangen kanen-Ne moi dasku lajau madeak, “Jibeak saben! Ukuba de Pertamo ngen Terakhir.

WAHYU 1:8

“Ukuba de pertamo ngen terakhir,” nadeak Tuhan Allah, de ade, de sudo ade, ngen de ade seterusne, De Mahakuaso.

WAHYU 2:8

“Ngen malaikat jemaat neak Smirna, tulisba awei yo: Dioba pesen kunei Si de Pertamo ngen Terakhir – de sudo matei ngen idup igai.