IBRANI 12:16 - JANJAI BLAU Lem Bahaso Jang Bebilai

¹⁶ Jagoba supayo jibeak ade de idup cabul atau coa mego hal-hal rohani, awei de nea Esau. Si jemua hokne sebagai anok tuai, cuma utuk do makuk kembuk.

IBRANI 12:16 ပူးပေါင်းရင်းမြစ်များ

MARKUS 7:21

Sebab kunei lem, kunei atei tun, timboa kute pekeran kidek, perzinahan, maling, pembunuhan,

KISAH RASUL-RASUL 15:20

Tapi ite harus temulis su'et ngen tobo'o, supayo tobo'o meu'ak dirai kunei kembuk de sudo nelei ngen berhala-berhala, kunei percabulan, kunei daging benatang de matei ncit ngen kunei daleak.

KISAH RASUL-RASUL 15:29

Udi harus me'uak dirai kunei kembuk de senembeak ngen berhala, kunei daleak, kunei daging benatang de matei ncit ngen kunei percabulan. Amen udi jemago dirai teadep hal-hal yo, udi menea baik. Sapei piyoba, selamat.”

1 KORINTUS 10:8

Ite coa buliak menea hal-hal de kidek awei de nea pa'o kunei tobo'o. Sebab, duai puluak telau ribau tun kunei tobo'o matei lem debilai kerno menea hal o.

2 KORINTUS 12:21

Uku khawatir bahwo amen uku teko igai, Allahku bakea merendeak uku neak adep udi ngen uku duko das dau tun de bel'o menea duso ngen ati tobat kunei de kotor, cabul, ngen hal-hal de kidek de tobo'o nea.

EFESUS 5:3

Udi adeba umat Allah, sebab o, plep-plep kidek de coa patut, atau serakah, coa patas ade neak tengeak-tengeak udi. Jibeak sapei tun luyen temuan alasan utuk madeak bahwo udi menea hal-hal awei o.

EFESUS 5:5

Tingetba dio baik baik: tun de menea plep kidek, atau coa wajar, atau serakeak, taine nyembeak patung, tun o coa dapet jijai anggota umat Allah.

KOLOSE 3:5

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

1 TIMOTIUS 1:9

Pasetne harus ninget bahwo hukum nea iso te'adep tun baik, tapi te'adep para pelanggea hukum, para penjahat, tun bejat, te'adep tun beduso, tun coa ade agamo, tun duniawi, te'adep tun de munuak tun tuaine, para pembunuh pado umumne,

IBRANI 13:4

Kute tun harus kemten sikep hormat teadep perkawinan, do'o sebabne lokba maten-ngenyan setia do ngen de luyen. Tun de cabul ngen tun de berzinah bakea nhukum Allah.

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

WAHYU 22:15

Tapi tun-tun de menea hal-hal de keji, de makei lemau-lemau gaib, tun-tun de menea plep-plep kidek, de munuak, de nyembeak patung, ngen tun-tun de ngike, baik ngen kecek-kecek atau ngen plep, kute tun o penanne neak luea kota o.