IBRANI 11:7 - JANJAI BLAU Lem Bahaso Jang Bebilai

⁷ Kerno berimen, mako Nuh nelei namen Allah tetang hal-hal de bakea tejijai konyo, de coa dapet kenliakne. Nuh taat ngen Allah sehinggo si menea debuek kepea de konyo tenyato semlamat diraine besamo keluargone. Ngen awei yo dunio nhukum, tapi Nuh suang kerno imenne Allah madeak sebagai tun baik.

IBRANI 11:7 ပူးပေါင်းရင်းမြစ်များ

MATIUS 2:12

Allah minget tobo'o supayo jibeak belek moi rajo Herodes. Jijai liwet dalen luyen.

MATIUS 24:15

“Udi bakea kemliak ‘Plep jahat de ngajua’, awei de nadeak Nebai Daniel, tegok neak penan de sucai.

MATIUS 24:25

Jijai, ingetba! Uku sudo melei namen ngen udi telebiak kileak ayok hal'o tejijai.

MATIUS 24:38

Pado bilai-bilai ayok banjir lai'o, tun-tun mbuk menem, ngen nikeak. Awei'oba seterusne sapei pado bilai Nuh masuk moi lem kepea.

MATIUS 3:7

Tapi waktau Yohanes kemliak dau tun Farisi ngen tun Saduki teko utuk dibaptis, si madeak ngen tobo'o, “Udi tun jahat! Api madeak ngen udi amen udi nam nilok kunei murko gi bakea teko?

LUKAS 17:26

Pado bilai Anok Manusio kemten dirai konyo, keadaanne awei pado zaman Nuh bel'o.

ROMA 1:17

Sebab neak lemne nyato kebenaran Allah, de bertolak kunei imen ngen mipin imen, awei ade tetulis, “Tun benea bakea idup ngen imen.”

ROMA 10:6

Tapi kebenaran kerno imen madeak awei yo, “Jibeak madeak neak lem ateinu: ‘Api bakea kenek moi surgo?’ (adeba: utuk mbin Yesus tu'un),

ROMA 3:22

adeba kebenaran Allah kerno imen lem Yesus Kristus utuk kute tun de pecayo. Sebab coa ade bedane.

ROMA 4:11

Ngen tando sunat o tenimone sebagai matrai kebenaran das dasar imen de kentenne, ayok si senunat. Awei'oba si dapet jijai bapa kute tun pecayo de coa senunat, supayo kebenaran nitung ngen tobo'o.

ROMA 4:13

Sebab iso kerno hukum agamo Yahudi sudo nelei janjai ngen Abraham ngen royotne, bahwo si bakea temuan dunio, tapi kerno kebenaran, das dasar imen.

ROMA 9:30

Amen awei o, jano de lok ite madeak? Dio: Bahwo bangso-bangso luyen de coa mesoa kebenaran, bi dapet kebenaran, adeba kebenaran kerno imen.

GALATIA 5:5

Sebab ngen roh, ngen kerno imen, ite mbot pembenaran de ite ma'ep.

FILIFI 3:9

ngen benea-benea jijai do ngen Si. Hubungan de baik ngen Allah coa igai uku usaho suang ngen ca'o taat ngen hukum agamo. Uyo uku temuan hubungan de baik ngen Allah, kerno uku pecayo ngen Kristus. Jijai, hubungan de baik o teko kunei Allah, das dasar pecayo ngen Kristus Yesus.

IBRANI 11:1

Berimen taine yakin sungguak-sungguak ngen hal-hal de na'ep, taine temuan kepastian ngen hal-hal de coa kenliak.

IBRANI 12:25

Kerno o, teateiba jibeak sapei udi coa lok temi'uk Si de miling o. Tobo'o de coa lok temi'uk Si de teko moi bumai ngen semapei bito kunei Allah, coa nam lalau. Jano igai ite yo de temi'uk Si de miling kunei surgo! Amin ite coa lok temi'uk-Ne, coa mukin ite dapet bebas!

IBRANI 5:7

Pado waktau Yesus idup neak dunio yo, Si bedu'o, bekinoi ngen sungguak-sungguak pado Allah, de sanggup semlamat-Ne kunei matei. Ngen kerno Si tunduk ngen Allah seca'o hormat, mako Si teni'uk.

IBRANI 8:5

Pekerjaan de tobo'o nea sebagai imem o sebeneane cuma gambaran ngen bayangan kunei jano de ade neak surgo. Do'o sudo nelei namen Allah ngen Musa bel'o, ketiko Musa lok temgok Kemah Tuhan. Allah madeak ngen Musa, “Inget! Kutene o harusba ko nea temurut kerako kemah de kenten ngen ko neak das tebo.”

1 PETRUS 3:20

adeba roh tun-tun de coa taat ngen Allah pado zaman Nuh menea kepeane. Cuma ade tun-tun de neak kepea bae – kutene tun lapen – de senlamat liwet banjir lai o.

2 PETRUS 1:1

Saudaro-saudaro de sungguak-sungguak pecayo awei keme! Yesus Kristus, adeba Allah ngen Rajo Penyelamat ite. Menea ite pecayo ngen-Si, Si menea de benea. Su'et yo kunei Simon Petrus suang hamba ngen rasul Yesus Kristus.

2 PETRUS 2:5

Awei o kulo ngen dunio jaman bel'o, Allah coa munyaune telepas kunei ukuman. Allah menea banjir lai moi dunio tun-tun de jahat pado waktau o. Cuman Nuh besamo tujuak tun luyenne bae de selamat, kerno Nuh melei namen tetang idup berkenan ngen atei Allah.

2 PETRUS 3:6

ngen bioa kulo – adeba bio kunei banjir lai – bumai de bel'o bi benaso.