IBRANI 11:33 - JANJAI BLAU Lem Bahaso Jang Bebilai

³³ Kerno berimen, mako tobo'o sudo maleak rajo-rajo. Tobo'o menea jano de benea, sehinggo temimo jano de jenanjai Allah. Tobo'o temutup bibia-bibia jegau.

IBRANI 11:33 ပူးပေါင်းရင်းမြစ်များ

MATIUS 5:12

Ko harus benea-benea riang, kerno upeaknu lai neak surgo. Nebai-nebai de idup ayok udi kulo bi senikso.”

GALATIA 3:16

Janjai-janjai Allah nea Allah utuk Abraham ngen utuk tun royot Abraham. Lem Kiteb Sucai coa tetulis “ngen utuk tun-tun royot Abraham”, de taine dau tun. De tetulis neak di adeba “ngen utuk tun royotnu”, taine do tun bae, adeba Kristus.

2 TIMOTIUS 4:17

Tapi Tuhan damping uku. Si melei kekuatan sehinggo uku sanggup melei namen kute Bito Baik o, supayo teni'uk kute tun iso Yahudi. Ngen uku selamat kunei bahayo kematian.

IBRANI 10:36

Udi perlu sabar, supayo udi dapet menea kelok Allah ngen awei o temimo jano de jenanjai-Ne.

IBRANI 11:17

Kerno berimen kulo, mako Abraham melei Ishak sebagai kurban ketiko si cenubo Allah. Ngen Abrahamba Allah melei janjai-Ne, tapi Abraham rela semreak anokne dedone o.

YAKOBUS 2:18

Mukin ade de madeak, “Ade tun de nyangget ngen imenne, ade kulo de nyangget ngen perbuatanne.” Uku bakea jemawab, “Tenunjukba ngen uku awei ipe tun dapet temuan imen tapi coa kemerjone, uku bakea temunjuk ngen perbuatan bahwo uku temuan imen.”

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.