IBRANI 11:16 - JANJAI BLAU Lem Bahaso Jang Bebilai

¹⁶ Tapi nyatone, tobo'o indau debuak negrai de lebiak baik, negrai de neak surgo. Do'oba sebabne Allah coa selek amen tobo'o sembut Si Allah tobo'o, sebab Allah sudo sendio debuak kota utuk tobo'o.

IBRANI 11:16 ပူးပေါင်းရင်းမြစ်များ

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MARKUS 12:26

Tetang tun matei idup igai, ati perneak udi mbaco lem kiteb Musa, lem cerito tetang sakea tebok? Neak di Allah befirman ngen Musa: ‘Ukuba Allah Abraham, Allah Ishak ngen Allah Yakub?’

MARKUS 8:38

Kerno api bae selek kerno Uku ngen kerno kecek-Ku neak tengeak-tengeak jaman tun-tun uyo de coa setia ngen beduso yo, Anok Manusio kulo bakea selek kerno tun'o amen Si teko be lem kemulioan Bapa-Ne besamo malaikat-malaikat sucai.”

LUKAS 12:32

“Jibeakba saben, hoi udi jumlahnu titik! Kerno Bapanu bi senang melei udi Kerajaan o.

LUKAS 20:37

Tetang idup igaine tun matei, Musa bi melei namenne lem ayat tetang sakea tebo, neak ipe Tuhan de senbut ‘Allah Abraham, Allah Ishak ngen Allah Yakub’.

YOHANES 14:2

Neak umeak Bak-Ku dau penan tinggea. Amen coa awei ipe, paset uku madeakne ngen nu. Sebab Uku lalau moi di utuk semiyap penan utuknu.

KISAH RASUL-RASUL 7:32

‘Ukuba Allah ninik puyangnu; Uku Allah kunei Abraham, Ishak ngen Yakub.’ Musa kemtea kerno saben sehinggo coa binai igai kemliak moi sakea o.

FILIFI 3:20

Tapi ite adeba warga negara surgo. Kunei diba kulo ite mbot Tuhan Yesus Kristus sebagoi Juruselamat.

2 TIMOTIUS 4:18

Ngen Tuhan bakea bebas uku kunei tiep usaho de kidek te'adep uku. Si bakea semlamat uku, sehinggo uku masuk moi lem Kerajaan-Ne neak surgo. Bagiak-Ne ba kemuliaan selamo-lamone! Amin.

IBRANI 10:34

ngen udi meding ibo tun de neak lem sel. Ketiko kute de udi temuan mok tun, udi temimo o ngen riang atei, sebab udi namen bahwo udi masiak temuan suaktau de lebiak baik, de bakea taen sekeanne.

IBRANI 11:10

Sebab Abraham gidong mbot kota de rencano ngen nea Allah ngen pondasi de kuet.

IBRANI 11:14

Tun de madeak awei o temunjuk ngen jelas bahwo tobo'o dong mesoa negrai de bakea jijai taneak tanai tobo'o.

IBRANI 11:40

sebab Allah ade rencano de lebiak padek utuk te. Rencano-Ne adeba bahwo cuma besamo ngen te, tobo'o bakea jijai sempurno.

IBRANI 12:22

Sebelekne, udi bi teko moi Tebo Sion ngen kota Allah de idup, adeba Yerusalem de neak surgo ngen beribau malaikatne.

IBRANI 13:14

Sebab neak bumei coa ade penan tinggea de kekea utuk ite; ite mesoa penan tinggea de bakea teko.

IBRANI 2:11

Yesus semucai manusio kunei duso-duso tobo'o; Si de semucai, serto tobo'o de senucai o, samo-samo temuan do Bapa. Do'oba sebabne Yesus coa selek makau tobo'o sebagai saudaro-saudarone.

WAHYU 21:2

Mako uku kemliak kota sucai o, adeba Yerusalem de blau, tu'un kunei surgo kunei Allah. Kota o bi seniap awei pengaten selawei nrias utuk magea matenne.