IBRANI 11:13 - JANJAI BLAU Lem Bahaso Jang Bebilai

¹³ Kute tun o tep beriman sapei matei. Tobo'o coa temimo hal-hal de jenanjai Allah, tapi cuma kemliak ngen semambutne kunei uak. Ngen o tobo'o madeak bahwo tobo'o cuma tun asing ngen peratau neak bumai yo.

IBRANI 11:13 ပူးပေါင်းရင်းမြစ်များ

MATIUS 13:17

Ingetba, dau nebai ngen tun de taat ngen Allah lok kemliak de udi kemliak uyo yo, tapi tobo'o coa kemliakne. Tobo'o lok temi'uk jano de udi tiuk uyo yo, tapi tobo'o coa temi'ukne.”

YOHANES 12:41

Yesaya madeak awei'o, kerno si bi kemliak kemulioan-Ne ngen bi madeak tetang Si.

YOHANES 8:56

Abraham baknu beriang bahwo si bakea kemliak bilai-Ku ngen si bi kemliakne ngen si besukocito.”

ROMA 4:21

Ngen penuak keyakinan, bahwo Allah bekuaso utuk menea jano de sudo Si janjai.

ROMA 8:24

Sebab ite senlamat lem pengharapan. Tapi pengharapan de kenliak, iso pengharapan igai; sebab awei ipe tun masiak ma'ep jano de kenliakne?

2 KORINTUS 4:18

Sebab keme coa kemliak hal-hal de keten, meluyen de coa keten, kerno de keten adeba sementaro, tapi de coa keten adeba kekal.

2 KORINTUS 5:6

Kerno o atei keme kuet. Keme namen bahwo selamo keme masiak tinggea neak lem awok keme yo, keme uak kunei umeak de bakea keme tinggea besamo Tuhan.

EFESUS 2:19

Sebab o, udi iso igai termasuk tun asing atau tun luea. Udi uyo adeba samo-samo warga umat Allah. Udi adeba anggota-anggota keluargo Allah.

IBRANI 11:14

Tun de madeak awei o temunjuk ngen jelas bahwo tobo'o dong mesoa negrai de bakea jijai taneak tanai tobo'o.

IBRANI 11:17

Kerno berimen kulo, mako Abraham melei Ishak sebagai kurban ketiko si cenubo Allah. Ngen Abrahamba Allah melei janjai-Ne, tapi Abraham rela semreak anokne dedone o.

IBRANI 11:27

Kerno berimen, mako Musa teminggea Mesir ngen coa saben teadep Rajo mengiak. Musa temujau tujuanne seolah-olah si coa kemliak Allah de coa keten o.

IBRANI 11:39

Alangkah laine kemenangan de dapet kunei kute tun o kerno imen tobo'o! Namun tobo'o coa temimo jano de jenanjai Allah,

1 PETRUS 1:1

Saudaro-saudaro umat pilihan Allah, de teseba neak ratau neak daera Pontus, Galatia, Kapadokia, Asia, ngen Bitinia! Uku, Petrus, rasul Yesus Kristus, maʼep semoga Allah melei berkat, sejahtera ngen udi berlimpah-limpah. Udi niliak jijai umat Allah sesuoi ngen rencano Allah Bapa. Roh Allah bi jemijai udi umat de sucai, khusus utuk Allah, supayo udi taat ngen Yesus Kristus, senucai ngen daleak-Ne.

1 PETRUS 1:17

Udi madeak Allah o Bapa pado waktau udi bedu'o ngen-Si. Nah, Allah do'oba de mukum api bae setimpal ngen perbuatan masing-masing. Sebab o selamo udi masiak ade neak dunio yo, lokba udi mengagungkan Allah lem idupnu.

1 PETRUS 2:11

Saudaro-saudaro de tecito! Udi adeba tun asing ngen perantau neak dunio yo. Kerno o uku minoi nien supayo udi jibeak temotoa hawa nafsu manusio de bogoa perang melawen jiwo.

1 YOHANES 3:19

Awei'oba ca'one ite namen bahwo ite asalne kunei anok-anok Allah de benea, ngen atei ite tenang neak adep Allah.