IBRANI 10:39 - JANJAI BLAU Lem Bahaso Jang Bebilai

³⁹ Ite yo iso umat de mondor ngen sesat. Sebelekne, ite adeba umat de pecayo ngen Allah, de senlamat-Ne.

IBRANI 10:39 ပူးပေါင်းရင်းမြစ်များ

MARKUS 16:16

Api de pecayo ngen dibabtis bakea senlamat, tapi api de coa pecayo bakea nukum.

LUKAS 11:26

Lajau si keluea ngen majok tujuak roh luyen de lebiak kidek kunei padone, ngen tobo'o masuk seca'o dediem neak di. Mako akhirne keadaan tun o lebiak kidek kunei pado keadaanne semulo.”

YOHANES 17:12

Sekean Uku sesamo tobo'o, Uku miaro tobo'o lem gen-Nu de sudo Ko melei ngen-Ku; Uku jemago tobo'o ngen coa ade suang kulo kunei tobo'o de nyep seluyen si desudo se'arusne nyep, supayo tejijaiba de tenulis lem Kiteb Sucai.

YOHANES 20:31

Tapi hal-hal yo bi cenatet, supayo udi pecayo bahwo Yesusba Rajo Penyelamat, Anok Allah, ngen supayo kerno pecayo, udi dapet idup lem gen-Ne.

YOHANES 5:24

Sesungguakne Uku madeak ngen ko, ‘Api bae bi temi'uk kecek-Ku ngen pecayo ngen Si de mutus Uku, si temuan idup de kekal ngen coa milem nukum, sebab si sudo baliak kunei lem maut moi lem idup.’

YOHANES 6:40

Sebab dioba kelok Bapa-Ku: Adeba supayo tiep tun de kemliak Anok ngen de pecayo ngen-Si dapet idup de kekal, ngen supayo Uku midup igai pado Bilai Kiamat.”

1 TESALONIKA 5:9

Allah miliak ite iso utuk nukum, tapi utuk senlamat-Ne liwet Tuhan te Yesus Kristus.

2 TESALONIKA 2:3

Awei ipe kulo, jibeak munyau tun mike udi. Sebab ayok sapei Bilai o, harusba tejijai hal yo lebiak dute: Dau tun bakea murtad, mengingkari Kristus; ngen Manusio Jahat de takdirne utuk masuk moi nerako, bakea kemten dirai.

1 TIMOTIUS 6:9

Tapi tun de lok jijai kayo, tergoda ngen terjerat mecem-mecem kelok de bodong ngen musak. Kelok-kelok o menea tun jijai ajua ngen celako.

IBRANI 10:26

Sebab amen bito de benea kunei Allah bi senapei ngen ite, tapi ite trus bae sengajo menea duso, mako coa ade igai kurban utuk mapus duso ite.

IBRANI 10:38

Ngen umat-Ku benea bakea pecayo ngen idup; tapi amen ade neak antaro udi de mondor, mako Uku coa bakea senang ngen si.”

IBRANI 11:1

Berimen taine yakin sungguak-sungguak ngen hal-hal de na'ep, taine temuan kepastian ngen hal-hal de coa kenliak.

1 PETRUS 1:5

Kutene o adeba utuknu, kerno udi pecayo ngen Allah. Mako udi jenago ngen kuaso Allah supayo udi temimo keselamatan de siap dinyatakan pado akhir zaman.

2 PETRUS 3:7

Tapi lenget ngen bumai de ade uyo yo, senido firman Allah o kulo utuk nembem ngen opoi. Uyo lenget ngen bumai masiak senido sapei pado bilai tun-tun de jahat nukum ngen nunuak.

1 YOHANES 5:16

Amen udi kemliak saleak su'ang saudarone menea duso de coa sembab tun o nyep idup sejati ngen kekal, lokba udi bedu'o ngen Allah; ngen Allah melei idup o ngen si, adeba tobo'o de menea duso de coa jijai maut. Tapi ade duso de menea tun nyep idup o. Tetang hal o uku coa madeak bahwo udi harus bedu'o ngen Allah

1 YOHANES 5:5

Api dapet maleak dunio? Cuma tun de pecayo bahwo Yesus adeba Anok Allah.

WAHYU 17:11

Ngen benatang de bel'o perneak idup, tapi uyo bi matei adeba rajo de kedelapen. Si adeba do kunei tujuak rajo o kulo, de uyo gidong lalau moi kebinasaan.

WAHYU 17:8

Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.