IBRANI 10:28 - JANJAI BLAU Lem Bahaso Jang Bebilai

²⁸ Tun de coa taat ngen hukum de nelei Musa, nhukum matei ngen coa ade apun, amen das saksai duai atau tlau tun, si tebukti besaleak.

IBRANI 10:28 ပူးပေါင်းရင်းမြစ်များ

MATIUS 18:16

Amen si coa temi'uk ko, mbinba do atau duai tun igai. Sebab lem kiteb tenulis awei yo, ‘Sekuang-kuangne harus ade duai atau telau tun saksai utuk mutus suang tun de tenuduak be saleak.’

YOHANES 8:17

Lem kiteb agamo tun Yahudi ade tetulis bahwo saksai duai tun adeba sah.

ROMA 9:15

Sebab Si berfirman ngen Musa: “Uku bakea kemten rahmat ngen api Uku lok kemten rahmat ngen uku lok baik atei ngen api Uku lok baik atei.”

2 KORINTUS 13:1

Dio adeba utuk ketelau kilaine uku teko ngen udi. Lem Kiteb Sucai tetulis, “Tiep pekaro harus ngen keterangan saksai kunei duai atau telau tun, mako pekaro o sah.”

IBRANI 12:25

Kerno o, teateiba jibeak sapei udi coa lok temi'uk Si de miling o. Tobo'o de coa lok temi'uk Si de teko moi bumai ngen semapei bito kunei Allah, coa nam lalau. Jano igai ite yo de temi'uk Si de miling kunei surgo! Amin ite coa lok temi'uk-Ne, coa mukin ite dapet bebas!

IBRANI 2:2

Pesen-pesen de senapei malaikat ngen ninik puyang ite ternyato benea, tun de coa temotoa atau taat teadepne temimo hukuman de setimpal.

YAKOBUS 2:13

Sebab Allah coa bakea temunjuk ibo ngen tun de coa kemnal ibo. Tapi ibo lebiak kuet kunei hukuman!