IBRANI 10:21 - JANJAI BLAU Lem Bahaso Jang Bebilai

²¹ Ngen uyo ite temuan suang imem de agung, de betanggung jawab das Umeak Allah.

IBRANI 10:21 ပူးပေါင်းရင်းမြစ်များ

MATIUS 16:18

Sebab'o Uku madeak ngen ko, ko adeba Petrus, butau de kuet neak das lepek butau yo ba Uku bakea mbangun grija-Ku, de coa dapet maleiak dunio tun matei.

1 TIMOTIUS 3:15

supayo amen uku cendok, ko bi namen awei ipe ite harus idup sebagai keluargo Allah, adeba jemaat Allah de idup. Jemaat dioba de adeba tiang penegok ngen pendukung ajaran de benea kunei Allah.

IBRANI 2:17

Dio taine bahwo Si harus jijai serai ngen saudaro-saudaro-Ne lem kute hal. Ngen o Si dapet jijai Imem Lai de setia ngen penuak kasiak. Ngen pelayanan-Ne o duso manusio dapet napun.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

IBRANI 6:20

Yesus bi meretes dalen moi penan o utuk ite, ngen bi masuk moi mindi jijai Imem Lai ite utuk selamo-lamone, awei Imem Melkisedek.

IBRANI 7:26

Jijai, Yesus do'oba Imem Lai de ite perlu. Si sucai; ngen-Si coa ade saleak atau duso jano bae. Si cen'ei kunei tun-tun beduso, ngen naket sapei moi penan de lebiak lekat kunei kute lenget.

IBRANI 8:1

Inti kunei kute kecek yo adeba: Ite temuan Imem Lai de awei o, de temot meriteak besamo Allah Mahabesar neak surgo.