IBRANI 10:10 - JANJAI BLAU Lem Bahaso Jang Bebilai

¹⁰ Yesus Kristus bi menea jano de kenlok Allah ngen semreak dirai-Ne sebagai kurban. Ngen persembahan o, de nea-Ne cuma debat bae utuk seke'anne, ite kute senucai kunei duso.

IBRANI 10:10 ပူးပေါင်းရင်းမြစ်များ

YOHANES 17:19

Ngen Uku semucai dirai-Ku utuk tobo'o, supayo tobo'o kulo senucai lem kebenea.

YOHANES 19:34

Tapi suang kunei antaro prajurit o temikem lambung-Ne ngen tumbok, segro ngeluea daleak ngen bioa.

YOHANES 6:51

Uku ba ruti de melei idup de sudo tu'un kunei surgo. Amen suang tun mbuk ruti yo, si bakea idup seka'en ne, ngen ruti de bakea Uku melei o adeba daging-Ku, de bakea uku melei utuk idup dunio.”

1 KORINTUS 1:30

Allah suangba de nea sehinggo udi jijai do ngen Kristus Yesus. Liwet Kristus, ite jenijai-Ne bijaksana. Liwet Si kulo Allah menea te baik igai ngen dirai-Ne, jemijai ite umat-Ne de khusus, ngen mbebas ite.

1 KORINTUS 6:11

Kekedau tun neak antaro Saudaro memang aweiyo kileak. Tapi Saudaro bi melei dirainu senucai, Saudaro bi senucai, Saudaro bi jijai bnea neak lem gen Tuhan Yesus Kristus kulo lem Roh Allah ite.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

EFESUS 5:26

Kristus menea o supayo Si dapet semucai jemaat o ngen ajaran-Ne ngen liwet bioa baptisan, supayo sesudo'o Si dapet semreak-Ne ngen Allah.

IBRANI 10:12

Sebelekne, Kristus melei cuma do kurban utuk pengampunan duso, kurban o berlaku utuk selamo-lamone. Sesudo melei kurban o, Kristus temot neak peak kanen Allah ngen meriteak besamo-samo ngen Si.

IBRANI 10:14

Jijai ngen do kurban, Kristus menea tun-tun de sudo senucai kunei duso jijai sempurno.

IBRANI 10:20

Yesus bi mukok dalen de blau utuk ite, adeba dalen de melei kehidupan. Dalen o liwet tabir, adeba awok Yesus suang.

IBRANI 10:29

Padeak kebenek hukuman de harus nelei das tun de melat Anok Allah. Tun o manggap hino daleak perjanjian Allah, adeba mateine Kristus de bersih Si kunei duso. Si mino Roh kasiak karunio.

IBRANI 10:5

Do'oba sebabne waktau Kristus masuk moi dunio, Si madeak ngen Allah, “Ko coa lok kurban ngen persembahan; sebelekne Ko bi semiap awok utuk-Ku.

IBRANI 13:12

Do'oba sebabne Yesus kulo matei neak luea gerbang kota utuk semucai umat-Ne kunei duso ngen daleak-Ne suang.

IBRANI 2:11

Yesus semucai manusio kunei duso-duso tobo'o; Si de semucai, serto tobo'o de senucai o, samo-samo temuan do Bapa. Do'oba sebabne Yesus coa selek makau tobo'o sebagai saudaro-saudarone.

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

IBRANI 5:7

Pado waktau Yesus idup neak dunio yo, Si bedu'o, bekinoi ngen sungguak-sungguak pado Allah, de sanggup semlamat-Ne kunei matei. Ngen kerno Si tunduk ngen Allah seca'o hormat, mako Si teni'uk.

IBRANI 7:27

Si coa awei imem-Imem Lai de luyen, de tiep bilai harus melei kurban kerno duso-dusone suang bel'o, tembei kerno duso-duso umat. Yesus melei kurban cuma debat bae utuk selamo-lamone, ketiko Si melei dirai-Ne suang utuk kurban.

IBRANI 9:12

Kristus masuk Ruang Mahasucai neak lem kemah o cuma debat bae utuk seke'anne. Pado waktau o Si coa mbin daleak kambing sebong atau daleak anok sapai utuk senreak; Si mbin daleak-Ne suang, ngen awei o Si mbebas ite utuk seke'anne.

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

IBRANI 9:26

Sebab amen awei o, do'o taine Si bi cet saro sejok dunio yo ade. Tapi nyatone, uyo pado zaman akhir yo, Si teko debat bae utuk mapus duso ngen melei dirai-Ne suang.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 YOHANES 5:6

Yesus Kristusba de teko moi dunio ngen bio baptisan-Ne ngen daleak kematian-Ne. Si teko iso cuma ngen bioa bae tapi ngen bio ngen daleak. Roh Allah su'ang melei saksai bahwo do'o benea, sebab roh coa perneak berdusta.