IBRANI 1:14 - JANJAI BLAU Lem Bahaso Jang Bebilai

¹⁴ Amen awei o, malaikat-malaikat o jano sebeneane? Tobo'o adeba roh-roh de melayan Allah, de neluak Allah utuk temulung tun-tun de bakea tenimo keselamatan.

IBRANI 1:14 ပူးပေါင်းရင်းမြစ်များ

MATIUS 1:20

Waktau si meker klokne'o, malaikat Tuhan keten lem mipaine. Malaikat'o madeak, “Yusuf turunan Daud, jibeak saben nikeak Mariam; kerno Anok de neak lem kandungan Mariam tejijai kerno kuaso Roh Sucai kunei Allah.

MATIUS 13:41

Anok Manusio bakea meluak malaikat-malaikat-Ne kemopoa umat-Ne kute de sembab tun menea duso, ngen kute tun luyenne de menea hal-hal de jahat.

MATIUS 18:10

“Awas! Jibeak mino suang tun-tun titik yo. Sebab ingetba, malaikat-malaikat tobo'o selalu ade neak adep Bak-Ku neak surgo. [

MATIUS 2:13

Sesudo tun-tun pacok lemau bitang'o lalau malaikat Tuhan kemten diraine ngen Yusuf neak lem mipai, Malaikat'o madeak, “Klongonba, mokba Anok'o ngen mak-Ne, kerno Herodes mesoa Anok'o utuk munuak-Ne. Kerno'o klongonba mbin Anok ngen mak-Ne nyikir moi Mesir.”

MATIUS 24:31

Trupet lai bakea sena'ei, ngen Anok Manusio bakea mluak malaikat-malaikat-Ne kemopoa umatne kunei kepat sudut bumai, kunei ujung lenget dedo sapei ujung lenget de luyen.”

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 4:11

Akhirne Iblis teminggea Yesus, ngen malaikat-malaikat teko mlayan Si.

MARKUS 10:17

Pado waktau Yesus temrus pemaneu-Ne, tekoba suang tun ngacap magea Yesus ngen samo sujud neak adep-Ne si betanye, “Gu'au de baik, jano de harus Uku menea utuk dapet idup de kekal?”

LUKAS 1:19

Jawab malaikat o ngen si, “Ukuba Gabriel de melayan Allah ngen uku bi nutus utuk miling ngen ko ngen utuk semapei Bito Baik yo ngen ko.

LUKAS 1:23

Lajau Zakharia melei tando ngen tobo'o, sebab si tep bisau. Ketiko selsei maso pelayananne, si belek moi umeak.

LUKAS 16:22

Tun peset sesudo'o meninggea lajau nembin malaikat moi penan tehormat neak depeak Abraham neak surgo. Tun kayo o meninggea kulo ngen kenubua.

LUKAS 2:13

Tetibo malaikat o senerto dau malaikat luyen, de mujai Allah. Tobo'o madeak,

LUKAS 2:9

Tetibo malaikat Tuhan kemten diraine ngen tobo'o, ngen cahayo te'ang kunei Tuhan besinea tem'ang tobo'o. Tobo'o kembiak saben.

KISAH RASUL-RASUL 11:22

Bito tetang tobo'o o teni'uk ngen jemaat neak Yerusalem, lajau jemaat'o mutus Barnabas lalau moi Antiokhia.

KISAH RASUL-RASUL 12:23

Seketiko'o kulo si tenpok malaikat Tuhan kerno si coa melei hormat ngen Allah; si matei nembuk gelong-gelong.

KISAH RASUL-RASUL 12:7

Tetibo je ba suang malaikat Tuhan pa'ok Petrus ngen cahayo besinea lem bilik sel'o. Malaikat'o minggut Petrus, nadeakne, “Kelongonba!” Lajau putusba ratoi'o kunei tangen Petrus.

KISAH RASUL-RASUL 13:2

Pado suaktau bilai waktau tobo'o semyang ngen puaso, madeakba Roh Sucai, “Miliakba Barnabas ngen Saulus khusus utuk-Ku utuk tugas de sudo Uku tentau utuk tobo'o.”

KISAH RASUL-RASUL 16:26

Tapi tejijaiba gepo de lai, sehinggo fondasi-fondasi sel o gucang; seketiko o kulo tukokba kute bang ngen tukokba ratoi-ratoi de meket tobo'o kute.

KISAH RASUL-RASUL 27:23

Kerno kelemen nano suang malaikat kunei Allah de uku sembeak, adeba Allah de temuan uku, teko ngen uku.

KISAH RASUL-RASUL 5:19

Tapi kelemenne, suang Malaikat Tuhan mukok bang-bang sel, lajau mbin rasul-rasul o moi luea. Malaikat o madeak ngen rasul-rasul o,

ROMA 11:14

Uku ma'ep tun-tun do bangsoku bakea kidek atei sehinggo ngen awei yo pa'ok kunei tobo'o dapet selamat.

ROMA 13:6

Do'oba kulo sebabne mako udi masen pajak. Kerno tobo'o de murus hal o adeba pelayan-pelayan Allah.

ROMA 15:16

Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

ROMA 15:27

Ngen riang atei tobo'o mutus utuk menea o. Memang sebeneane tobo'o patut temulung saudaro-saudaro de peset neak Yerusalem o; sebab kunei tun-tun Yahudiba tun-tun iso Yahudi o bi temimo berkat-berkat kunei Allah. Jijai, tun-tun iso Yahudi o patut kulo temulung tun-tun Yahudi ngen berkat-berkat de ade ngen tobo'o.

ROMA 8:17

Ngen amen ite adeba anok, mako ite kulo adeba ahli waris, maksudne tun-tun de temuan hok temimo janjai-janjai Allah, de bakea temimone besamo-samo ngen Kristus, adeba amen ite saro besamo-samo ngen Si, supayo ite kulo jijai mulio besamo-samo ngen Si.

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

2 KORINTUS 9:12

Sebab plep baik de udi nea yo iso cuma utuk gemnep de ku'ang ngen umat Allah bae, tapi kulo bakea jijai sebab tun dau mokasiak ngen Allah.

GALATIA 3:29

Amen udi de Kristus temuan, mako udi adeba royot Abraham. Ngen udi bakea temimo jano de Allah janjai.

GALATIA 3:7

Jijai lokba udi sadar bahwo tun de benea-benea royot Abraham adeba tun de pecayo ngen Allah.

GALATIA 3:9

Abraham pecayo, mako si diberkati. Awei o kulo kute tun de pecayo, bakea diberkati besamo-samo Abraham.

EFESUS 3:6

Resio o adeba: Liwet Bito Baik o, tun iso Yahudi milau jijai ahli-ahli waris ngen anggota-anggota awok ngen milau temimo jano de jenanjai Allah liwet Kristus Yesus.

FILIFI 2:17

Mukin uku bakea nunuak ngen daleakku jijai awei kurban curahan neak das jano de udi melei ngen Allah sebagoi tando bahwo udi pecayo ngen Si. Amen memang do'o harus awei o, uku bersyukur das hal o ngen milau beriang ngen udi.

FILIFI 2:25

Tetang saudaro ite Epafroditus de udi mbo utuk temulung uku, uku meraso perlu utuk meluak si belek igai ngen udi. Si bi kemuat uku lem kerjo ngen bejuangan.

2 TESALONIKA 1:7

Ngen udi de uyo yo saro – aweai o kulo ngen keme – Allah bakea melei kelegaan pado bilai Tuhan Yesus tu'un kunei surgo ngen kemten dirai-Ne ngen malaikat-malaikat-Ne de penuak kuaso

TITUS 3:7

supayo rahmat Yesus, menea ite baik igai ngen Allah, ite temimo idup sejati ngen kekal.

IBRANI 10:11

Tiep imem Yahudi maneu tugasne sebagai imem tiep-tiep bilai, cet si melei kurban-kurban de serai. Tapi kurban-kurban o samo sekilai coa dapet mapus duso.

IBRANI 2:3

Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.

IBRANI 5:9

Mako sesudo Si jenijai penyelamat de sempurno, Si jijai sumber keselamatan de kekal bagiak kute tun de taat ngen-Si,

IBRANI 6:12

Keme coa lok udi jijai malas. Tapi keme lok supayo udi idup awei tun-tun de temimo jano de jenanjai Allah, kerno pecayo ngen Si, kerno udi sabar.

IBRANI 6:17

Allah lok jemlas ngen tun-tun de temimo janjai-Ne, bahwo Si coa bakea mubeak rencano-Ne. Do'oba sebabne Si besupeak igai ngen janjai-Ne o.

IBRANI 8:6

Tapi uyo Yesus dapet tugas imem de uak lebiak mulio kunei de kenerjo imem-imem o. Sebab janjai de nea-Ne antaro Allah ngen manusio, adeba janjai de lebiak baik kerno das dasar janjai utuk hal-hal de lebiak baik.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

YAKOBUS 2:5

Ingetba, Saudaro-saudaro de tecito! Tun de peset neak dunio yo, niliak Allah utuk jijai tun de kayo lem imen. Tun-tun o bakea jijai anggota umat Allah awei de jenanjai Allah ngen tun de mengasihi-Ne.

1 PETRUS 1:12

Ngen nebai-nebai o Allah melei namen bahwo jano de tobo'o nea iso utuk kepetingan tobo'o, meluyen utuk udi; adeba hal-hal de uyo yo udi teni'uk ngen jelas kunei paro de semapei Bito Baik tetang Yesus Kristus. Tobo'o semapei hal-hal o ngen udi ngen kuaso Roh Allah de nembo-Ne kunei surgo. Bahkan malaikat-malaikat kulo lok namen bito de tobo'o melei namen o.

1 PETRUS 1:4

Ite maʼep utuk temuan berkat-berkat de seniap Allah utuk umat-Ne, adeba berkat-berkat de naik-Ne neak surgo, sehinggo coa dapet usak, jijai usuk atau luntur.

1 PETRUS 3:7

Ngen udi kulo, maten-maten, lokba idup ngen penuak pengertian teadep ngenyannu, ngen sadar bahwo tobo; o adeba kaum de lemah. Bersikapba hormat ngen tobo'o, sebab tobo'o besamo-samo ngen udi, bakea temimo anugerah idup de sejati kunei Allah. Neaba dio, supayo coa ade de malang du'onu.

YUDAS 1:14

Henokh, keturunan ketujuak kunei Adam, bel'o perneak bernubuat tetang tun-tun o. Henokh madeak, “Keliak, Tuhan bakea teko ngen beribau-ribau malaikat-Ne de sucai,

WAHYU 5:6

Sesudo'o uku kemliak dikup anok bebirai je neak tengeak-tengeak takhta o, kenliling pat makhluk ngen kute pemipin o. Anok bebirai o ketenne awei bi sembeliak. Si temuan tujuak tanduk ngen tujuak matai: adeba tujuak roh kunei Allah de sudo nutus moi kute dunio.