FILIFI 4:8 - JANJAI BLAU Lem Bahaso Jang Bebilai

⁸ Akherne, Saudaro-saudaro, isaiba pekerannu ngen hal-hal beguno, de patut nujai, adeba hal-hal de benea, de terhormat, adea, murni, mis, ngen baik.

FILIFI 4:8 ပူးပေါင်းရင်းမြစ်များ

MATIUS 22:16

Mako tobo'o mutus penotoa-penotoa tobo'o ngen Yesus serpok kekedau anggota golongan Herodes. Tun-tun'o madeak ngen Yesus, “Gu'au, keme namen bak jujur, bak ngajea ngen tetang utang kelok Allah utuk manusio, coa mirau pendapet api bae. Sebab bak coa pandang tun.

MARKUS 6:20

Kerno Herodes segan ngen Yohanes kerno si namen, bahwo Yohanes tun de benea ngen sucai, jijai si ngelindungne. Tiep kilai si temi'uk Yohanes, ateine jijai ragau, tapi si masai riang kulo temi'uk'o.

LUKAS 16:15

Tapi Yesus madeak ngen tobo'o, “Ko ba tun de neak adep tun luyen keten benea, tapi Allah namen isai ateinu. Sebab jano de nanggap lekat ngen manusio, nanggap tembeak ngen Allah.

LUKAS 2:25

Pado waktau o neak Yerusalem ade suang de genne Simeon. Si tun baik, de saben ngen Allah ngen gidong mbot saatne Allah semlamat Israel. Roh Allah semerto si,

LUKAS 23:50

Adeba suang de genne Yusuf. Si anggota Majelis Lai, ngen suang de baik igai benea.

YOHANES 7:18

Api bae gi madeak kunei diraine suang, Si mesoa hormat bagiak dirai-Ne suang. Tapi api bae de mesoa hormat bagiak si de mutusne, si benea ngen coa ade de coa benea ngen Si.

KISAH RASUL-RASUL 10:22

Jawab tobo'o, “Kornelius, Si tun de baik, Si saben ngen Allah, de paling baik neak antaro kute bangso Yahudi, bi nelei petunjuk ngen suang malaikat sucai, kunyau si mundang ko moi umeakne ngen temi'uk jano de bakea ko madeak.”

KISAH RASUL-RASUL 22:12

Neak di ade suang tun genne Ananias, si tun malim ngen taat kemerjo Hukum Taurat, Ananias terkenal baik neak antaro kute tun Yahudi de ade neak di.

KISAH RASUL-RASUL 6:3

Baikba, udi-udi miliak kunei antaro udi tujuak tun de temuan gen baik ngen kenuaso Roh Sucai serto bijaksana, de dapet keme tugas murus hal-hal yo;

ROMA 13:13

Maroba ite idup ngen sopan, awei tengeak bilai, jibeak lem pesta pora ngen mabuk, jibeak lem percabulan ngen hawa nafsu, jibeak lem selisiak ngen kidek atei.

ROMA 13:3

Sebab amen tun menea baik, si jibeak saben ngen pemeriteak, cuma amen si menea de coa baik. Jano udi lok idup supayo coa saben tea'dep pemeriteak? Neaba jano de baik ngen udi bakea nujai.

ROMA 14:18

Tun de melayan Kristus seca'o awei o, tun o semnang atei Allah, ngen tun-tun luyen hormat ngen si.

ROMA 2:29

Tapi tun Yahudi sejati adeba tun de ateine berjiwa Yahudi, ngen sunat adeba sunat neak lem atei, seca'o rohani, iso de tetulis neak lem bukau. Tun de awei o temimo pujian kunei Allah, iso kunei manusio.

1 KORINTUS 4:5

Kerno o, jibeakba mukum ayok waktaune, mbotba sapei Tuhan teko be. Allahba de bakea mukok kute resio-resio de coa keten lem kegelapan. Allahba de bakea mukok kute niat de tependam lem atei manusio. Pado waktau o baruba tiep tun temimo kunei Allah de patas tenimone.

2 KORINTUS 13:7

Keme bedu'o nge Allah, semoga udi jibeak menea plep kidek, iso supayo keme ternyato taen cenubo, meluyen supayo udi buliak menea jano de baik, kunyau keme suang ketenne coa taen cenubo.

2 KORINTUS 6:8

Keme dihormati, tapi nino kulo; nujai, tapi fitneak kulo. Kunyau keme jujur, keme tenuduak tukang ngike.

2 KORINTUS 8:18

Besamo ngen si keme mbo kulo suang saudaro de kebiak dihormati neak kute jemaat kerno kerjono melei namen Bito Baik kunei Allah.

2 KORINTUS 8:21

Kerno keme meker de baik, iso bae neak adep Tuhan, tapi kulo neak adep manusio.

GALATIA 5:22

Sebelekne, amen tun-tun nipin Roh Allah, aseane adeba: Tobo'o samo-samo mengasihi, riang, atei tenang, sabar ngen baik budi, baik te'adep tun luyen, setia,

EFESUS 4:25

Kerno o, saudaro-saudaro kutene, jibeak igai mike. Jujurba ngen tun luyen, sebab ite kute adeba samo-samo anggota awok Kristus.

EFESUS 5:9

kerno kunei te'ang timboa kebaikan, keadilan ngen kebenaran,

EFESUS 6:14

Jijai, lokba udi siap siaga, nakeiba kesetiaan ngen Allah sebagai teng, ketulusan sebagai bajau besainu.

FILIFI 3:1

Akherne, Saudaro-saudaroku, lokba udi riang kerno udi bi jijai do ngen Tuhan. Uku coa meding saro utuk temulis igai jano de sudo uku temulis ngen udi ayokne; sebab hal o baik utuk keselamatan udi.

KOLOSE 4:5

Neak lem hubungan udi ngen tun-tun de coa pecayo, lokba udi idup bijaksana ngen makei tiep kesepatan ngen sebaik-baikne.

1 TESALONIKA 4:12

Amen udi idup awei yo, udi coa begatung ngen api bae, tun-tun de coa pecayo ngen Kristus, bakea hormat ngen udi.

1 TIMOTIUS 2:2

utuk rajo-rajo ngen utuk kute tun de megong kuaso. Minoiba supayo ite dapet idup tenang ngen tentram utuk Allah ngen plep de patas.

1 TIMOTIUS 3:11

Ngenyan-ngenyan tobo'o lokba tun terhormat, harusba kulo tun baik, iso tun de galok fitneak. Tobo'o harus temaen dirai ngen jujur lem kute hal.

1 TIMOTIUS 3:4

Si harus namen matur umeak tanggone ngen baik, majea anok-anokne utuk taat ngen hormat ngen si.

1 TIMOTIUS 4:12

Jibeak suang tun kulo manggap ko rendeak kerno ko u'ai. Sebelekne, lokba ko jijai teladan bagiak tun-tun pecayo lem keceknu ngen plepnu, lem ca'o ko mengasihi sesamo ngen pecayo ngen Yesus Kristus, lem kesetiaannu ngen lem kemurnian.

1 TIMOTIUS 5:10

ngen terbukti bi menea pekerjaan de baik, awei murus anok, temimo tun-tun temalem neak daseine, melayan tun-tun pecayo, temulung tun-tun saro, menea ngen sungguak-sungguak kute mecem pekerjaan de baik.

1 TIMOTIUS 5:2

mbei-mbei tuai sebagai indoknu ngen selawei-selawei u'ai sebagai asuaknu ngen sikep de murni.

TITUS 1:8

Si harus galok temimo tun neak daseine, galok ngen hal-hal baik, dapet temaen dirai, jujur, sucai ngen tertib.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

TITUS 2:2

Nasehatba tun semanei-semanei de tu'ai, supayo tobo'o tema'en dirai, bijaksana ngen idup sebagai tun de patut nego. Tobo'o harus kulo bepegong pado ajaran de benea kunei Allah, mengasihi ngen sempurno, saro ngen tabah.

TITUS 2:7

Lem kute hal lokba ko jijai teladan de baik. Amen ko majea, ko harus jujur ngen sungguak-sungguak.

TITUS 3:14

Tun-tun ite harus belajea menea hal-hal de baik supayo dapet cemukup kebutuhan-kebutuhan; jibeak sapei tobo'o idup coa ade gunone.

IBRANI 11:2

Kerno berimen, mako tun-tun zaman bel'o sennang Allah.

IBRANI 13:18

Terusba bedu'o utuk keme. Keme yakin atei nurani keme sucai, sebab lem kute hal keme bogoa lok menea jano de benea.

YAKOBUS 1:27

Ketaatan beragamo de sucai ngen sejati temurut pandangan Allah Bapa adeba: temulung anok-anok yatim ngen rando-rando de saro, jemago dirai su'ang supayo jibeak nusak dunio yo.

YAKOBUS 3:17

Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik.

1 PETRUS 1:22

Kerno udi taat ngen ajaran kunei Allah, mako udi semucai dirai ngen udi mengasihi tun-tun do imen seca'o ikhlas. Sebab o, lokba udi mengasihi do ngen de luyenne, sepenuak atei.

1 PETRUS 2:12

Perbuatannu neak antaro tun de coa kemnal Tuhan harusba kembiak baik, sehinggo amen tobo'o fitneak udi sebagai tun jahat, tobo'o pulo harus ngakau perbuatannu de baik, sehinggo tobo'o bakea mujai Allah pado waktau Si teko.

1 PETRUS 4:8

Lebiak kunei pado kekute, lokba udi sungguak-sungguak kemasiak do ngen luyen, sebab ngen saling kemasiak udi bakea besedio kulo utuk saling mapun.

2 PETRUS 3:1

Saudaro-saudaro de tecito! Dioba su'et uku de keduai, de uku temulis ngen udi. Neak lem keduai su'et yo, uku berusaho midup igai pekeran-pekeran de sucai ngen udi.

1 YOHANES 3:18

Anok-anokku, jibeakba ite mengasiak cuma neak bibia atau kecek bae. Lokba ite mengasiak ngen kasih de sejati neak lem perbuatan ite.

1 YOHANES 3:3

Kute tun de temuan harapan yo teadep Kristus, jemago diraine supayo sungguak-sungguak sucai, bersih kunei duso awei ipe Kristus kulo sucai.

1 YOHANES 4:1

Saudaro-saudaro de tecito! Jibeakba pecayo ngen kute tun de makau temuan Roh Allah, tapi ntesba kileak tobo'o utuk namen jano roh de ade ngen tobo'o asalne kunei Allah atau iso. Sebab dau nebai palsu bi teko moi kute dunio.