FILIFI 4:6 - JANJAI BLAU Lem Bahaso Jang Bebilai

⁶ Jibeakba kuatir tetang jano bae. Lem kute hal, bedu'oba ngen minoiba ngen Allah. Jano de udi perlu, melei namenba do'o ngen Allah ngen mucep mokasiak.

FILIFI 4:6 ပူးပေါင်းရင်းမြစ်များ

MATIUS 10:19

Amen udi nembin utuk nadeak, jibeakba udi temes tetang jano de bakea udi madeak, atau awei ipe udi miling. Sebab jano de harus udi madeak'o bakea nelei namen ngen udi pado waktaune.

MATIUS 13:22

Biniak de cucia neak tengeak-tengeak belukea tebok awei tun-tun de temi'uk kabar'o, tapi renyeng tetang idup tobo'o ngen lok idup mewah. Kerno'o kabar kunei Allah tipit neak lem atei tobo'o sehinggo coa bebueak.

MATIUS 6:34

Kerno'o jibeakba renyeng tetang bilai men, sebab bilai men ade.”

MATIUS 6:8

Jibeakba udi awei tobo'o. Baknu bi namen jano de udi perlu, ayok udi minoine.

LUKAS 10:41

Tapi Tuhan jemawabne, “Marta, Marta, pasuak ragau ngen semaro dirai ngen dau pekaro;

LUKAS 12:22

Yesus madeak ngen penotoa-penotoa-Ne, “Kerno o Uku madeak ngen ko, ‘Jibeakba kuatir ngen idupnu, bakea jano de lok udi mbuk, ngen jibeakba kuatir kulo ngen awoknu, bakea jano de lok udi makei.’

LUKAS 12:29

Jijai, jibeakba udi semoal jano de bakea udi mbuk ngen menem ngen jibeakba ateinu temes.

LUKAS 18:1

Yesus madeak do perumpamo ngen tobo penotoa-penotoane utuk temgas, bahwo tobo'o harus bogoa bedu'o ngen coa jejemau.

LUKAS 18:7

Allah paset bakea mbenea tun-tun piliak-Ne de kebilai kelmen minoi ngen Si! Si paset coa mulua utuk temulung tobo'o!

1 KORINTUS 7:21

Amen pado waktau endeu, Saudaro adeba suang hamba, jibeakba Saudaro payeak meker hal o. Tapi amen be Saudaro dapet kesempatan utuk jijai bebas, genunoba kesempatan'o.

1 KORINTUS 7:32

Uku lok supayo Saudaro bebas kunei kesaro. Tun de coa temuan pengaten selawei bakea bogoa meker hal-hal tetang Tuhan, kerno si lok semnang Tuhan.

2 KORINTUS 1:11

Udi kulo milau du'o keme, supayo dau tun mucep syukur das karunio de keme dapet kunei daune du'o tobo'o utuk keme.

EFESUS 5:20

Bogoa mucep syukurba das kute sesuaktau lem gen Tuhante Yesus Kristus ngen Allah Bapa ite.

EFESUS 6:18

Neaba kutene o samo bedu'o utuk minoi tulung ngen Allah, bedu'oba tiep waktau neak lem Roh Allah. Lokba udi bogoa siap ngen jibeak nyereak. Bedu'oba utuk kute umat Allah.

KOLOSE 3:15

Lokba damoi sejahtera Kristus meriteak lem ateinu, kerno utuk do'oba udi bi nok lem do awok. Ngen bersyukurba.

KOLOSE 3:17

Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

KOLOSE 4:2

Lokba udi taat bedu'o ngen siap siaga, samo mucep syukur ngen Allah.

1 TIMOTIUS 2:1

Pertamo-tamo, uku minoi nien supayo kinoi, semyang, ngen du'o utuk tun-tun luyen serto ucapan mokasiak senapei ngen Allah utuk kute tun;

1 TIMOTIUS 5:5

Rando de benea-benea suang dirai, ngen coa temuan keluargo de dapet murusne, cuma ma'ep ngen Allah. Lueng kelmen si terus bedu'o ngen Allah utuk minoi tulung.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.

1 PETRUS 5:7

Senreakba kute kekhawatirannu ngen Allah, sebab Si gemleko.