FILIFI 4:3 - JANJAI BLAU Lem Bahaso Jang Bebilai

³ Ngen kuatku de setia, uku minoi kulo supayo Saudaro temulung keduai selawei o. Tobo'o bi kerjo sungguak-sungguak besamo uku utuk melei namen Bito Baik kunei Allah; serai awei Klemen ngen kute tun luyenne de kerjo besamo-samo uku. Gen-gen tobo'o ade lem Bukau Tun Idup.

FILIFI 4:3 ပူးပေါင်းရင်းမြစ်များ

LUKAS 10:20

Sekilai kulo awei o jibeakba beriang kerno roh-roh kejahatan taat ngen udi. Lebiak baik udi beriang kerno gennu ade neak lem surgo.”

ROMA 12:1

Saudaro-saudaro, demi kemurahan Allah uku melei nasihat ngen udi, supayo udi melei awoknu sebagai persembahan de idup, de sucai, de berkenan ngen Allah: do'o adeba ibadahnu de sejati.

ROMA 16:12

Salam uku ngen Trifena ngen Trifosa de bekerjo keras melayan Tuhan, ngen Persis de uku kasihi. Si kulo bi kerjo keras utuk Tuhan.

ROMA 16:9

Semapei hormat uku ngen Urbanus, kuat ite de bekerjo besamo-samo ngen ite utuk Kristus. Kulo hormatku ngen Stakhis de uku kasihi.

FILIFI 1:12

Uku lok udi namen, bahwo hal-hal de sudo tejijai ngen uku justru menea lebiak dau tun temi'uk ngen pecayo ngen Bito Baik o.

FILIFI 1:16

Tun-tun yo meneane kerno tobo'o mengasihi Allah ngen uku, sebab tobo'o namen bahwo Allah bi melei tugas ngen uku utuk melei bukti bahwo Bito Baik o benea.

FILIFI 1:27

Nah, de peting uyo adeba bahwo udi idup sesuoi ngen jano de tenuntut Bito Baik tetang Kristus o. Ngen awei o, teak uku dapet temau ngen ko jano coa, uku bakea temi'uk bahwo udi tep jijai do ngen berjuang besamo-samo utuk do maksud ngen do kelok; adeba utuk kepercayaan de sesuoi ngen Bito Baik kunei Allah o.

FILIFI 1:5

Uku mucep syukur ngen Allah kerno sejok bilai pertamo sapei uyo, udi bi temulung uku melei namen Bito Baik kunei Allah.

FILIFI 1:7

Memang bi sepatutne uku bepeker awei o tetang udi kutene, sebab udi ade neak lem ateiku. Kulo kerno udi kutene milau temimo besamo-samo uku, anugerah de Allah nelei ngen uku; baik pado waktau uku nasuk sel atau pado waktau uku mbela ngen mempertahankan Bito Baik o.

FILIFI 4:2

Euodia ngen Sintike, duai saudaro selawei! Uku minoi nien supayo udi do atei sebagai tun-tun do imen.

KOLOSE 1:7

Kutene o bi udi namen kunei Epafras, kuat de keme sayang. Si adeba pekerjo Kristus de setia bekerjo utuk kepetingan te.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 17:8

Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.

WAHYU 20:12

Ngen uku kemliak tun-tun matei, lai titik, je neak adep takhta o. Mako kiteb-kiteb kulo nukok. Lajau debueak kiteb de luyen nukok, adeba Kiteb Tun Idup. Sesudo'o ukuman nelei ngen tun matei, setipal ngen plep tobo'o temurut de ade neak lem bukau-bukau o.

WAHYU 20:15

Tun-tun de genne coa tetulis neak lem Bukau Tun Idup, nuang moi lem lautan opoi.

WAHYU 21:27

Tapi tun de menea hal-hal de najis, atau tun de ngike – pokokne jano de najis, coa bakea masuk moi lemne. De bakea masuk cuma tun de genne tetulis lem Bukau Tun Idup, bukau Anok Bebirai o.

WAHYU 3:5

Api de menang bakea nakei jubah putiak. Uku coa bakea mapus genne kunei Bukau Tun Idup. Ngen neak adep Bapa-Ku ngen malaikat-malaikat-Ne Uku bakea makau bahwo tobo'o adeba de Uku temuan.