FILIFI 4:18 - JANJAI BLAU Lem Bahaso Jang Bebilai

¹⁸ Uku bi temimo kutene – malah lebiak kunei cukup! Kute pelei de udi mbo ngen uku bi uku temimo kunei Epafroditus. Uyo uku temuan kute de uku perlu. Pelei-pelei kunei udi o adeba awei mbon um kunei kurban de nelei ngen Allah ngen de temimo Allah ngen riang atei.

FILIFI 4:18 ပူးပေါင်းရင်းမြစ်များ

KISAH RASUL-RASUL 10:4

Kornelius demnong malaikat o ngen saben lajau madeak, “Ade jano, Tuan?” Jawab malaikat o ngensi, “Kute du'onu, sedekeaknu bi kenek moi hadirat Allah, Allah minget ko.

ROMA 12:1

Saudaro-saudaro, demi kemurahan Allah uku melei nasihat ngen udi, supayo udi melei awoknu sebagai persembahan de idup, de sucai, de berkenan ngen Allah: do'o adeba ibadahnu de sejati.

2 KORINTUS 11:8

Pado waktau uku melayan udi, uku nelei biaya ngen jemaat-jemaat luyen. Buliak nadeak uku menea jemaat-jemaat o rugai supayo dapet temulung udi.

2 KORINTUS 9:12

Sebab plep baik de udi nea yo iso cuma utuk gemnep de ku'ang ngen umat Allah bae, tapi kulo bakea jijai sebab tun dau mokasiak ngen Allah.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

FILIFI 4:12

Uku sudo meding idup serbo ku'ang, ngen kulo idup ngen serbo ade. Uku sudo kemnal resione utuk madep keadaan de awei ipe kulo; baik keadaan serbo ade atau peset.

2 TESALONIKA 1:3

Keme Wajib bogoa mucep syukur ngen Allah kerno udi, Saudaro-saudaro. Ngen memang sepatutne keme menea awei o, sebab udi tambeak pecayo ngen Kristus, ngen udi tambeak mengasihi do ngen de luyenne.

IBRANI 13:16

Ingetba utuk menea baik ngen saling temulung, sebab dioba kurban-kurban de semnang atei Allah.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.