FILIFI 4:11 - JANJAI BLAU Lem Bahaso Jang Bebilai

¹¹ Uku madeak yo iso kerno uku serbo ku'ang, sebab uku sudo belajea meding pues ngen jano de ade.

FILIFI 4:11 ပူးပေါင်းရင်းမြစ်များ

LUKAS 3:14

Ade kulo prajurit de temnai, “Awei ipe ngen keme? Jano de harus keme menea?” Jawab Yohanes ngen tobo'o, “Jibeak mbut ngen jibeak mok ngen pakso ngen temuduak palsu. Puesba ngen gajainu!”

2 KORINTUS 11:27

Uku kerjo keras ngen berjuang setengeak matei; cet coa tidua, coa mukmei, coa mbuk bioa, cet uku puaso, meding sengok kerno coa ade keracok ngen coa temuan penan tinggea.

2 KORINTUS 6:10

Kunyau atei keme jijai sedih, tapi keme bogoa riang. Keme ketenne peset, tapi keme bi menea tun dau jijai kayo. Ketenne keme coa temuan jejano, tapi sebeneane temuan kute-kutene.

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

2 KORINTUS 9:8

Allah bekuaso melei ngen udi berkat de kebiak dau, supayo udi temuan jano de udi perlu, bahkan udi bakea dapet lebiak utuk menea baik ngen beramal.

FILIFI 3:8

Iso bae hal-hal o; tapi kute sesuaktau uku manggap sebagoi hal-hal de cuma jijai rugai bae. De uku temuan uyo yo adeba lebiak bego: adeba kemnal Kristus Yesus, Tuhanku. Kerno Kristus, mako uku bi temanggea kekutene. Uku anggap kutene o sebagoi sampah bae, supayo uku dapet Kristus,

IBRANI 10:34

ngen udi meding ibo tun de neak lem sel. Ketiko kute de udi temuan mok tun, udi temimo o ngen riang atei, sebab udi namen bahwo udi masiak temuan suaktau de lebiak baik, de bakea taen sekeanne.