FILIFI 4:10 - JANJAI BLAU Lem Bahaso Jang Bebilai

¹⁰ Lem idup uku de jijai do ngen Tuhan, uku meding bahagia sekilai, sebab bi an amek, uyo udi sepet igai meker keadaan uku. Maksud uku isone bahwo udi bi mlupo uku; udi memang kemliak uku, tapi udi coa dapet kesempatan utuk kemtenne.

FILIFI 4:10 ပူးပေါင်းရင်းမြစ်များ

2 KORINTUS 11:9

Amen pado waktau o uku serbo kuang, uku coa perneak semaro suang tun kulo kunei udi. Kute de uku perlu seniap ngen saudaro-saudaro de teko kunei Makedonia. Uku jemago baik-baik supayo uku coa semaro udi lem hal jano bae, ngen uku bakea te'us jemago supayo do'o tep awei o.

2 KORINTUS 6:7

serto ngen melei namen bito de kunei Allah ngen kuaso Allah, keme melei namen bahwo keme yo adeba hamba-hamba Allah. Keme bepegong ngen kelok Allah sebagai senatai keme utuk semrang atau utuk mbela dirai.

GALATIA 6:10

Kerno o, selamo masiak ade kesempatan bagiakte, maroba ite menea baik ngen kute tun, tapi terutamo ngen saudaro-saudaro do imen.

GALATIA 6:6

Tun de temimo ajaran Kristus, lokba magiak ngen gu'aune kute de baik de ade ngen si.

FILIFI 1:1

Saudaro-saudaro umat Allah kutene de tinggea neak Filifi, ngen de sudo jijai do ngen Kristus Yesus! Kulo Saudaro-saudaro pemipin serto pembantu jemaat! Uku, Paulus, besamo Timotius, hambo-hambo Kristus Yesus,

FILIFI 1:3

Tiep kilai uku tinget ngen udi, uku mucep syukur ngen Allah.

FILIFI 2:30

Utuk kepentingan kerjo Kristus, si gesea matei; si temuak nyabaine utuk melei petulung ngen uku das gennu.