FILIFI 3:6 - JANJAI BLAU Lem Bahaso Jang Bebilai

⁶ Uku malah tambeak semangat sehinggo uku semikso jemaat. Amen kenliak kunei segi hukum agamo Yahudi, uku suang tun de baik de coa cacet.

FILIFI 3:6 ပူးပေါင်းရင်းမြစ်များ

MATIUS 23:25

Celakoba udi gu'au-gu'au agamo ngen tun Faris! Udi tun munafik! Makuk-makuk ngen pinggan-pinggan udi mpuk bersih-bersih neak lueane bae, tapi neak lemne kembiak ngei ngen hal-hal de udi dapet ngen ca'o pakso ngen tamak.

MATIUS 5:20

Jijai ingetba: Amen udi coa kemerjo periteak Allah lebiak kunei gu'au-gu'au agamo ngen tun-tun Farisi, udi coa bakea jijai umat Allah!”

LUKAS 1:6

Keduaine idup benea ngen sepenuakne neak adep Allah ngen temurut kute periteak de tentep Tuhan.

KISAH RASUL-RASUL 21:20

Sesudo temi'uk cerito Paulus'o, tobo'o kutene mujai Allah. Lajau tobo'o madeak ngen Paulus, “Paulus, keliakba, beribau-ribau tun Yahudi bi pecayo ngen Yesus kute setia miaro Hukum Taurat.

KISAH RASUL-RASUL 22:5

Imem Lai suang ngen kute Mahkamah Agamo dapet melei saksai bahwo uku coa ngike. Kerno tobo'oba de sudo melei ngen uku su'et pengantar utuk tun-tun Yahudi neak Damsyik. Ngen su'et o uku buliak makep tun-tun de pecayo ngen ajaran o neak di, mbin tobo'o moi Yerusalem utuk nukum.”

KISAH RASUL-RASUL 26:5

Bi an tobo'o kemnal uku, sekirone tobo'o lok, tobo'o nam saksai bahwo uku bi idup sebagoi tun Farisi temurut aturanne de kebiak ketat neak lem agamo te.

KISAH RASUL-RASUL 8:3

Tapi Saulus bogoa bae berusaho majua jemaat. Si lalau kunei umeak moi umeak ngen seme'et moi luea tun-tun masai, lajau mbin masuk tobo'o moi lem penjara.

ROMA 7:9

Bel o uku coa idup ngen hukum agamo Yahudi. Tapi sesudo teko periteak o, duso muloi idup,

1 KORINTUS 10:32

Naturba idupnu ngen baik supayo tun luyen coa menea duso; jano tobo'o tun Yahudi atau iso tun Yahudi, atau anggota jemaat Allah.

1 KORINTUS 15:9

Uku adeba rasul Tuhan de paling tembeak. Uku coa patut senbut rasul, sebab uku sudo semikso jemaat Allah.

FILIFI 2:15

Supayo udi coa ade aib ngen coa ade noda, sebagai anok-anok Allah de coa ade cacet, neak tengeak-tengeak tun-tun kidek ngen seset yo, sehinggo udi becahayo neak antaro tobo'o awei bitang-bitang neak dunio.

FILIFI 3:9

ngen benea-benea jijai do ngen Si. Hubungan de baik ngen Allah coa igai uku usaho suang ngen ca'o taat ngen hukum agamo. Uyo uku temuan hubungan de baik ngen Allah, kerno uku pecayo ngen Kristus. Jijai, hubungan de baik o teko kunei Allah, das dasar pecayo ngen Kristus Yesus.

1 TIMOTIUS 1:13

Kunyau bel'o uku fitneak ngen semikso serto mino Si. Tapi Allah mengasihi uku, kerno pado waktau o uku ati pecayo, jijai uku coa namen jano de uku nea.