FILIFI 3:3 - JANJAI BLAU Lem Bahaso Jang Bebilai

³ Padahal iteba tun-tun de sudo temimo sunat de sejati, iso tobo'o. Ite sembeak Allah ngen bimbingan Roh Allah suang, ngen ite bersyukur kerno ite idup jijai do ngen Kristus Yesus. Ite coa begatung ngen upacara-upacara de sifetne laher.

FILIFI 3:3 ပူးပေါင်းရင်းမြစ်များ

ROMA 1:9

Uku bogoa minget udi amen uku bedu'o. Allah saksaine bahwo jano de uku madeak o benea. Siba Allah de uku melayan sepenuak atei ngen melei namen Bito Baik tetang Anok-Ne.

ROMA 15:17

Jijai, kerno uku bi jijai do ngen Kristus Yesus, mako uku buliak bangga das kerjoku utuk Allah.

ROMA 7:6

Tapi uyo ite bi bebas kunei hukum agamo Yahudi, sebab ite bi matei utuk si, de kem'ung ite, sehinggo ite uyo melayani lem keadaan blau temurut Roh ngen iso lem keadaan an temurut hukum agamo Yahudi.

ROMA 8:15

Sebab udi coa temimo roh budok de menea udi jijai saben igai, tapi udi bi temimo Roh de jemijai udi anok-anok Allah. Ngen Roh o ite menggang, “ya Abba, ya Bapa!”

ROMA 8:39

atau kuaso-kuaso, baik de neak das, atau neak beak, atau sesuaktau makhluk luyen, coa bakea dapet cem'ei ite kunei kasih Allah, de ade lem Kristus Yesus, Tuhan ite.

ROMA 9:6

Tapi firman Allah coa mukin gagal. Sebab coa kute tun de asalne kunei Israel adeba tun Israel.

2 KORINTUS 11:18

Kerno dau tun bangga seca'o duniawi, uku lok bangga kulo.

GALATIA 5:25

Amen ite idup ngen Roh, baikba idupte kulo nipin Roh,

GALATIA 6:16

Bagiak tun-tun de idup ngen pendirian o, awei o kulo bagiak kute umat Allah, uku ma'ep Allah bakea melei damoi sejahtera ngen rahmat das tobo'o ngen das Israel de Allah temuan.

EFESUS 6:18

Neaba kutene o samo bedu'o utuk minoi tulung ngen Allah, bedu'oba tiep waktau neak lem Roh Allah. Lokba udi bogoa siap ngen jibeak nyereak. Bedu'oba utuk kute umat Allah.

FILIFI 1:1

Saudaro-saudaro umat Allah kutene de tinggea neak Filifi, ngen de sudo jijai do ngen Kristus Yesus! Kulo Saudaro-saudaro pemipin serto pembantu jemaat! Uku, Paulus, besamo Timotius, hambo-hambo Kristus Yesus,

FILIFI 3:12

Uku coa madeak bahwo uku bi berhasil, atau bi jijai sempurno. Tapi uku terus bae berusaho mbut hadiah de seniap Kristus Yesus. Utuk do'oba Si bi mbut uku ngen jemijai uku de Si temuan.

FILIFI 3:14

Do'o sebabne uku melilai terus sapei moi tujuan akhir utuk dapet kemenangan, adeba idup neak surgo; utuk do'oba Allah menok ite liwet Kristus Yesus.

KOLOSE 2:11

Kerno jijai do ngen Kristus, udi bi senunat, iso sunat de nea manusio, meluyen ngen sunat de nea Kristus, de mbebas udi kunei duso.

YUDAS 1:20

Tapi udi, Saudaro-saudaroku, binaba terus idupnu bedasar pecayonu ngen Yesus Kristus. Imennu o kembiak sucai. Sementaro o bedu'oba ngen kuaso Roh Allah,