FILIFI 3:18 - JANJAI BLAU Lem Bahaso Jang Bebilai

¹⁸ Uku bi cet melei namen ngen udi, ngen uyo uku mulangne igai ngen ca'o ngindoi, bahwo ade dau tun de idupne musak tai mateine Kristus senalib.

FILIFI 3:18 ပူးပေါင်းရင်းမြစ်များ

LUKAS 19:41

Waktau Yesus bi pa'ok ngen kemliak kota o, Si ngindoi.

KISAH RASUL-RASUL 20:19

Rendeak atei ngen dau bioa matai, uku kerjo utuk Tuhan ngen dau meding saro kerno rancano kidek tun-tun Yahudi.

ROMA 9:2

bahwo uku kembiak duko ngen bogoa ibo.

1 KORINTUS 1:18

Sebab bagiak tun-tun de bakea benaso, bito tetang mateine Kristus pado salib adeba coa benea. Tapi, bagiak ite de senlamat Allah, bito o adeba ca'one Allah kemten kuaso-Ne.

1 KORINTUS 6:9

Jano udi namen bahwo tun-tun de coa motoa kelok Allah, coa bakea jijai anggota umat Allah? Jibeak keno pike! Tun-tun de menea uleak kidek, tun-tun de nyembeak patung, de nga'em, semanei de menea perbuatan kidek de semelek te'adep sesamo jenisne ngen pasanganne,

2 KORINTUS 11:13

Tun-tun awei o adeba rasul-rasul palsu. Tobo'o pekerjo-pekerjo de mike tun ngen nyamar sebagoi rasul-rasul Kristus.

2 KORINTUS 11:29

Amen ade de lemah uku kulo meding lemah. Amen ade de us moi lem duso, ateiku milau duko.

2 KORINTUS 2:4

Uku temulis ngen udi ngen atei de kebiak temes, gis ngen kemluea dau bioa matai, iso supayo udi sedih, tapi supayo udi namen kebiak laine kasihku ngen udi kutene.

GALATIA 1:7

de sebeneane iso Bito Baik. Cuma ade tun de kemacau udi ngen maksudne utuk nutea belek Bito Baik Kristus.

GALATIA 2:14

Tapi waktau uku kemliak bahwo tobo'o coa bersikap sesuoi ngen kebenaran Bito Baik o, uku madeak ngen Petrus neak adep kute tun de ade neak di, “Amen Saudaro sebagoi tun Yahudi bi idup awei tun iso Yahudi, getai Saudaro uyo lok makso tun-tun luyen idup awei tun Yahudi?”

GALATIA 2:21

Uku coa manggap remeh rahmat Allah. Amen hubungan tun ngen Allah jijai baik igai kerno maneu hukum agamo, do'o taine mateine Kristus coa ade gunone.

GALATIA 5:21

dengki, bogoa mabuk, poya-poya ngen sebagaine. Te'adep kutene o uku minget udi – awei de sudo uku nea bel'o – bahwo api bae de menea hal-hal awei o coa bakea jijai anggota umat Allah.

GALATIA 6:12

Tun-tun de lok kemten dirai ngen hal-hal lahiriah, tobo'oba de berusaho makso udi utuk sunat, maksudne cuma, supayo tobo'o coa senikso kerno salib Kristus.

GALATIA 6:14

Tapi uku samo sekilai coa lok ombong tetang jano bae, seluyen tetang Tuhante Yesus Kristus de sudo matei senalib. Sebab justru kerno Si bi matei senalib, mako dunio coa igai ade taine bagiak uku. Ngen teadep dunio yo, uku kulo seolah-olah bi matei.

EFESUS 4:17

Sebab o, uku madeak ngen uku temges dio ngen udi neak lem Tuhan: Jibeak idup igai awei tun-tun de coa kemnal Allah ngen pekeranne de sio-sio.

FILIFI 1:4

Ngen tiep kilai uku bedu'o utuk udi kutene, uku bedu'o ngen atei riang.

1 TESALONIKA 4:6

Lem hal awei o, jibeakba suang tun kulo menea saleak ngen Saudarone, atau mikene. Bel'o keme bi melei peringatan ngen udi, bahwa Tuhan bakea mukum tun-tun de menea saleak awei o.

2 TESALONIKA 3:11

Keme madeak yo kerno keme temi'uk, bahwo ade tun de coa tertib idupne ngen coa kerjo, meluyen sibuk ngen hal-hal de coa beguno.

2 PETRUS 2:10

khususne tun-tun de temurut kelok-kelok hawa nafsu tobo'o ngen de mino kuaso Allah. Kembiak binaine ngen sombongne gu'au-gu'au palsu o sehinggo tobo'o coa sesegan mino tobo makhluk de mulio neak surgo!

YUDAS 1:13

Serai awei ombak lai neak laut menimbulkan ukuak, awei o kulo tobo'o mukuak plep-plep kidek. Tobo'o adeba awei bitang-bitang de sudo Allah seniap penanne neak lem kegelapan utuk selamo-lamone.