FILIFI 3:12 - JANJAI BLAU Lem Bahaso Jang Bebilai

¹² Uku coa madeak bahwo uku bi berhasil, atau bi jijai sempurno. Tapi uku terus bae berusaho mbut hadiah de seniap Kristus Yesus. Utuk do'oba Si bi mbut uku ngen jemijai uku de Si temuan.

FILIFI 3:12 ပူးပေါင်းရင်းမြစ်များ

2 KORINTUS 7:1

Saudaro-saudaroku terkasih, kerno ite uyo temuan janjai-janjai o, maroba ite semucai diraite kunei kute de jemijai ite kotor. Lokba ite saben ngen Allah, supayo ite dapet idup khusus utuk Si ngen sempurno.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

EFESUS 1:4

Ayok dunio yo jenijai, Allah bi miliak ite liwet Kristus ngen maksud supayo ite sucai ngen coa cacet neak adep-Ne.

FILIFI 3:16

Tapi hal yo lokba udi kemliak: Ite harus tep idup temurut peraturan de sudo ite totoa sapei uyo.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.

YAKOBUS 3:2

Ite kute cet menea saleak. Tapi tun de coa perneak menea saleak ngen kecek-kecekne, si tun de sempurno, de dapet kemuaso kute diraine.

IBRANI 12:14

Berusahoba utuk idup damoi ngen kute tun. Berusahoba kulo utuk idup sucai, khusus utuk Tuhan. Sebab coa suang kulo dapet kemliak Tuhan amen si coa idup awei o.

GALATIA 5:17

Sebab kelok manusio belawen ngen kelok Roh Allah – kerno keduaine belawen – sehinggo udi coa dapet menea jano de udi kenlok.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

2 TESALONIKA 2:13

Saudaro-saudaro de Tuhan kasihi! Keme harus bogoa mucep syukur ngen Allah tetang udi, sebab kunei mulone Allah bi miliak udi utuk senlamat lem Roh de semucai udi ngen lem kebenaran de udi pecayo.

EFESUS 4:12

Dio nea-Ne supayo umat Allah lekep sepenuakne kunyau dapet melayani Tuhan ngen mbangun awok Kristus.

2 KORINTUS 13:9

Keme senang amen keme lemah, ngen udi kuet. Keme bedu'o kulo supayo udi jijai sempurno.

1 KORINTUS 13:10

Konyo bakea sapei waktaune Allah menea kute sempurno, ngen de coa sempurno o bakea nyep.

1 TESALONIKA 5:15

Jagoba supayo jibeak ade de males kejahatan ngen kejahatan. Berusahoba utuk menea baik, suang ngen de luyen ngen kute tun.

1 TIMOTIUS 6:19

Ngen awei o tobo'o melungguk hok de jijai modal de baik utuk masa depan. Utuk dapet idup de sebeneane, adeba idup de sejati.

KISAH RASUL-RASUL 9:15

Tuhan madeak ngensi, “Lalauba, sebab tun yo adeba alat piliak bagiak-Ku utuk melei namen gen-Ku neak adep bangso-bangso luyen serto rajo-rajo ngen tun-tun Israel.

1 TIMOTIUS 5:10

ngen terbukti bi menea pekerjaan de baik, awei murus anok, temimo tun-tun temalem neak daseine, melayan tun-tun pecayo, temulung tun-tun saro, menea ngen sungguak-sungguak kute mecem pekerjaan de baik.

IBRANI 12:23

Udi temotoa sesuaktau pertemuan de meriah – pertemuan anok-anok tuai Allah, de genne ade neak lem surgo. Udi teko madep Allah, Hakim kute umat manusio. Udi madep roh-roh tun-tun baik, de sudo jijai sempurno.

MATIUS 5:48

Kerno'o harusba udi sempurno serai ngen Allahnu de ade neak surgo.”

ROMA 8:39

atau kuaso-kuaso, baik de neak das, atau neak beak, atau sesuaktau makhluk luyen, coa bakea dapet cem'ei ite kunei kasih Allah, de ade lem Kristus Yesus, Tuhan ite.

1 KORINTUS 9:24

Saudaro paset namen bahwo neak lem perlombaan, kute peserta milau mlilai, tapi cuma do tun de temimo hadiah. Sebab o mlilaiba awei o sehinggo Saudaro temimo hadiahne.

1 KORINTUS 13:12

Jano de ite kemliak yo adeba awei bayangan de kabur pado senno. Tapi konyo ite bakea kemliak langsung ngen jelas. Uyo uku ati namen kutene, tapi konyo uku bakea namen kutene serai awei Allah namen kutene tetang diraiku.

FILIFI 1:1

Saudaro-saudaro umat Allah kutene de tinggea neak Filifi, ngen de sudo jijai do ngen Kristus Yesus! Kulo Saudaro-saudaro pemipin serto pembantu jemaat! Uku, Paulus, besamo Timotius, hambo-hambo Kristus Yesus,

FILIFI 3:3

Padahal iteba tun-tun de sudo temimo sunat de sejati, iso tobo'o. Ite sembeak Allah ngen bimbingan Roh Allah suang, ngen ite bersyukur kerno ite idup jijai do ngen Kristus Yesus. Ite coa begatung ngen upacara-upacara de sifetne laher.

FILIFI 3:8

Iso bae hal-hal o; tapi kute sesuaktau uku manggap sebagoi hal-hal de cuma jijai rugai bae. De uku temuan uyo yo adeba lebiak bego: adeba kemnal Kristus Yesus, Tuhanku. Kerno Kristus, mako uku bi temanggea kekutene. Uku anggap kutene o sebagoi sampah bae, supayo uku dapet Kristus,