FILIFI 2:9 - JANJAI BLAU Lem Bahaso Jang Bebilai

⁹ Sebab do'oba Allah maket Yesus leleketne, serto melei ngen-Ne kekuasaan de lebiak lai kunei pado kute kekuasaan de luyen.

FILIFI 2:9 ပူးပေါင်းရင်းမြစ်များ

MATIUS 11:27

Lajau Yesus madeak, kute bi senreak Bak utuk-Ku, “Coa su'ang tun kemnal Anok seluyen Bak. Coa gen kulo de kemnal Bak seluyen Anok ngen tun-tun de niliak Anok'o utuk nelei namen api sebeneane Bak.

MATIUS 28:18

Yesus maok tobo'o ngen madeak, “Kute kuaso neak surgo ngen neak bumai sudo senreak ngen Uku.

LUKAS 10:22

Kutene bi senreak Bapa ngen Coa suang kulo kemnal Anok, luyen kunei Bapa. Coa ade kulo de kemnal Bapa luyen kunei Anok; ngen tun-tun ngen Anok o lok kemnal Bapa.”

YOHANES 13:3

Yesus namen bahwo Bak bi semreak kutene ngen Si bahwo Si teko kunei Allah ngen bakea belek ngen Allah.

YOHANES 17:11

Uku coa ade igai neak lem dunio, tapi tobo'o masiak ade neak lem dunio, Uku teko ngen Ko. Au Bapa de sucai, jagoba tobo'o lem gen-Nu, adeba gen-Nu de sudo Ko melei ngen-Ku, supayo tobo'o jijai do serai awei ite.

YOHANES 17:12

Sekean Uku sesamo tobo'o, Uku miaro tobo'o lem gen-Nu de sudo Ko melei ngen-Ku; Uku jemago tobo'o ngen coa ade suang kulo kunei tobo'o de nyep seluyen si desudo se'arusne nyep, supayo tejijaiba de tenulis lem Kiteb Sucai.

YOHANES 17:5

Uyo, au Bapa, mulio ba Uku neak hadirat-Nu suang ngen kemulioan de Uku temuan neak hadirat-Nu ayok dunio ade.

KISAH RASUL-RASUL 5:31

Allah sudo melei ngen Si penan ngen kuaso de lekat awei Pemipin ngen Penyelamat; supayo bangso Israel nelei kesempatan utuk betobat kunei duso-dusone ngen dapet apun.

EFESUS 1:10

Rencano o adeba supayo kute sesuaktau, baik de neak surgo atau de neak bumai, jijai do ngen Kristus sebagoi pemipin. Hal o bakea senlesei ngen Allah amen bi sapei waktaune.

KOLOSE 1:18

Siba ulau kunei awok-Ne, adeba jemaat, kerno Siba sumber kehidupan jemaat o. Siba anok de tuai, de pertamo-pertamo nidup igai kunei matei, supayo Si suang bae de jijai de paling peting kunei kute sesuaktau.

2 TESALONIKA 1:12

Ngen awei o Tuhan te Yesus diagungkan ngen udi, ngen udi kulo diagungkan Yesus kerno kebaikan atei Allah ite ngen Tuhan Yesus Kristus.

IBRANI 1:4

Anok o dapet paket de uak lebiak lekat kunei malaikat, gen de nelei Allah ngen-Ne kulo uak lebiak terhormat kunei gen de nelei ngen malaikat.

IBRANI 1:9

Ko tujau ngen keadilan, jengik ngen de coa benea; do'oba sebabne Allah, Allah-Nu, miliak Ko ngen melei ngen-Ko kehormatan de menea sukacita, lebiak kunei kekuat-Nu.”

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.

IBRANI 2:9

Tapi ite bi kemliak Yesus berkuaso! Si jenijai rendeak didik kunei malaikat utuk waktau de siket, supayo das kebaikan atei Allah Si dapet matei utuk kute umat manusio. Ite kemliak Si uyo nelei penan de mulio ngen terhormat kerno Si bi menderita sapei matei.

1 PETRUS 3:22

ngen bi kenek moi surgo. Uyo si bekuaso besamo Allah ngen meriteak kute malaikat, kute penguaso serto kute kekuatan.

2 PETRUS 1:17

Keme berade neak di ketiko Si dihormati ngen diagungkan ngen Allah Bapa. Pado waktau o tetiuk sa'ei kunei De Mahamulio, de madeak ngen-Ne, “Diyoba Anok-Ku de Kukemasiak. Si semnang atei-Ku!”

3 YOHANES 1:7

Sebab lem pemaneu utuk melayan Kristus, tobo'o coa temimo batuan jano bae kunei tun-tun de coa kemnal Allah.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,

WAHYU 11:15

Lajau malaikat ketujuak kembus trupetne, mako neak surgo teni'uk sa'ei-sa'ei kembiak lek de madeak, “Kuaso utuk meriteak dunio uyo ade neak tangen Tuhan ite ngen Rajo Penyelamat de jenanjai-Ne. Si bakea meriteak utuk selamo-lamone!”

WAHYU 19:16

Neak jubah-Ne ngen neak balung-Ne tetulis do gen, “Rajo kute rajo, ngen Tuhan kute tuan.”

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.

WAHYU 5:12

Ngen tobo'o nyanyi ngen sa'ei de lek, “Anok Bebirai de sudo sembeliak o, layak utuk temimo kuaso, kekayaan, kebijaksanaan ngen kekuatan; Si layak nelei hormat, diagungkan ngen nujai!”