FILIFI 2:8 - JANJAI BLAU Lem Bahaso Jang Bebilai

⁸ Si merendeak dirai, ngen idup taat ngen Allah sapei matei – adeba matei senalib.

FILIFI 2:8 ပူးပေါင်းရင်းမြစ်များ

MATIUS 17:2

Neak adep tobo'o, Yesus mubeak rupo; Papeane awei matai bilai ngen bajaune putiak besinea.

MATIUS 26:39

Mako Yesus lalau lebiak uak didik, lajau sujud ngen bedu'o, nadeak-Ne, “Au Bak-Ku, amen buliak ne'uakba kunei-Ku derita de mestai Uku temanggung. Jibeakba awei de Ku kemlok, tapi awei de Bak kemlok.”

MATIUS 26:42

Debat igai Yesus beduo, nadeak-Ne, “Au Bak-Ku derita yo mestai Uku temanggung, ngen coa dapet Uku me'uak, kunyauba kelok Bak jijai.”

LUKAS 9:29

Ketiko Si gidong bedu'o, rupo papea-Ne bubeak ngen jubah-Ne jijai putiak besinea.

YOHANES 10:18

Coa suang tun mokne kunei Uku, seluyen Uku meleine temurut kelok-Ku suang. Uku bekuaso meleine ngen bekuaso mokne igai. Dioba periteak de Uku temimo kunei Bapa-Ku.”

YOHANES 14:31

Tapi dunio arus namen bahwo Uku mengasiak Bapa ngen bahwo Uku kemerjo kutene awei de neriteak Bapa ngen Uku. Klongonba, maroba ite lalau kunei piyo.”

YOHANES 15:10

Amen udi temotoa periteak-Ku, udi bakea tinggea neak lem kasiak-Ku, awei Uku temotoa periteak Bapa-Ku ngen tinggea neak lem kasiak-Ne.

YOHANES 4:34

Nadeak Yesus ngen tobo'o, “Kembuk-Ku adeba menea kelokne de mutus Uku ngen semelesei kerjo-Ne.

KISAH RASUL-RASUL 8:33

Lem hino-Ne, keadilan coa nelei ngen-Si. Api de bakea cemrito asal usul-Ne? Sebab nyabai-Ne nemok kunei bumai.”

ROMA 5:19

Jijai serai awei kerno do tun coa taat kute tun bi jijai tun be duso, awei o kulo kerno ketaatan do tun kute tun jijai benea.

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

GALATIA 3:13

Kristus bi mbebas ite kunei kutukan hukum agamo. Si menea o ngen munyau dirai-Ne terkutuk kerno ite. Sebab ade tetulis, “Terkutukba tun de matei genatung neak kieu salib!”

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.

IBRANI 12:4

Sebab lem perjuangannu melawen duso, udi coa perneak bejuang sapei harus temupeak daleak.

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.