FILIFI 2:7 - JANJAI BLAU Lem Bahaso Jang Bebilai

⁷ Sebelekne, Si temanggea kutene lajau jijai awei suang hamba. Si jijai awei manusio, ngen keten idup awei manusio.

FILIFI 2:7 ပူးပေါင်းရင်းမြစ်များ

MATIUS 12:18

“Keliakba, dioba utusan-Ku de niliak-Ku, Tun de Uku kemasiak ngen de semnang atei-Ku, Uku bakea melei Roh-Ku ngen-Si, Si bakea melei namen bangso-bangso bahwa tobo'o bakea temimo ukuman-Ku de adea.

MATIUS 20:28

Samo awei Anok Manusio'o kulo; Si teko coa utuk nelayan, tapi utuk mlayan ngen semreak nyabaine utuk mbebas tun dau.”

MARKUS 9:12

Yesus jemawab, “Benea Elia bakea teko lebiak dute ngen menyep kutene. Cuma, aweiipe ngen de ade tetulis tetang Anok Manusio, bahwo Si bakea dau derito ngen bakea nino?”

LUKAS 22:27

Api de lebiak lai: tun de temot mukmei, jano de melayan? Paset tun de temot o. Tapi Uku ade neak tengeak-tengeak udi awei pelayan.

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

ROMA 1:3

Bito Baik o tetang Anok Allah, Tuhan ite Yesus Kristus. Seca'o manusiawi, Si adeba royot Daud,

ROMA 15:3

Sebab Kristus kulo coa meker kesenangan dirai-Ne su'ang. Neak lem Kiteb Sucai tetulis awei yo, “Kute hinaan teadep Ko bi keno ngen uku.”

ROMA 15:8

Sebab, tingetba, bahwo Kristus sudo mlayani tun Yahudi utuk melei namen bahwo Allah setia lem tempat janjai-Ne ngen ninik puyang ite.

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

2 KORINTUS 13:4

Memang pado waktau Si senalib, Si lemah, tapi uyo Si idup kerno kuaso Allah. Keme kulo lemah lem idup keme de jijai do ngen Kristus, tapi amen madep udi, keme kulo kuet besamo Kristus kerno kuaso Allah.

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

GALATIA 4:4

Tapi sesudo genep waktaune, mako Allah mutus Anok-Ne de laher kunei suang selawei de idup neak beak kuaso hukum agamo.

FILIFI 2:6

Pado dasarne Si serai ngen Allah, tapi Si coa meding bahwo keadaan-Ne de ilahi o harus tena'en-Ne.

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.

IBRANI 13:3

Ingetba tun-tun de neak lem sel, seolah-olah udi ade neak lem sel besamo tobo'o. Ngen tun-tun de nea sekelokne bae, lokba udi inget ngen tobo'o seolah-olah udi kulo nea awei o.

IBRANI 4:15

Imem Lai ite o isoba imem de coa dapet meding kelemahan-kelemahan ite. Se belek ne, Si sudo cenubo lem kute hal, serai awei ite suang; cuma Si coa menea duso!