FILIFI 2:6 - JANJAI BLAU Lem Bahaso Jang Bebilai

⁶ Pado dasarne Si serai ngen Allah, tapi Si coa meding bahwo keadaan-Ne de ilahi o harus tena'en-Ne.

FILIFI 2:6 ပူးပေါင်းရင်းမြစ်များ

MATIUS 1:23

“Suang anok semulen'o bakea ngandung ngen melaher anok semanei, tobo'o melei genne Imanuel.” (Imanuel adeba kunei bahaso Ibrani de taine, “Allah ade besamo ite”.)

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 10:30

Uku ngen Bak adeba do.”

YOHANES 10:33

Jawab tun-tun Yahudi o, “Iso kerno kerjo-Nu de baik o keme lok meluk Ko ngen butau, tapi kerno Ko mino Allah. Ko suang manusio, lok jemijai dirai-Nu Allah.”

YOHANES 10:38

Tapi amen Uku kemerjone ngen udi coa lok pecayo ngen Uku, pecayoba ngen kerjo-kerjo o. Supayo udi buliak namen ngen ngertai bahwo Bak neak lem Uku ngen Uku neak lem Bak.”

YOHANES 14:28

Udi bi temi'uk bahwo Uku bi madeak ngen udi: ‘Uku lalau, tapi Uku teko igai ngen udi.’ Sekirone udi mengasiak Uku, udi bakea riang kerno Uku lalau ngen Bapa-Ku, sebab Bapa lebiak lai kunei Uku.

YOHANES 14:9

Nadeak Yesus ngen Si, “Bi an Uku sesamo udi, Filipus, tapi ko coa namen ngen Uku? Api bae de sudo kemliak Uku, si bi kemliak Bak. Awei ipe ko madeak: ‘Kenten ba Bak o ngen keme’!

YOHANES 17:5

Uyo, au Bapa, mulio ba Uku neak hadirat-Nu suang ngen kemulioan de Uku temuan neak hadirat-Nu ayok dunio ade.

YOHANES 20:28

Tomas jemawab Si, “Au Tuhanku ngen Allahku!”

YOHANES 5:18

Sebab o tobo penguaso Yahudi tambeak berusaho utuk munuak Si, iso bae kerno Si melanggea peraturan Sabat, tapi pulo kerno Si madeak bahwo Allah adeba Bapa-Ne suang. Ngen awei yo si semrai dirai-Ne ngen Allah.

YOHANES 5:23

supayo kute tun mego Anok awei tobo'o mego Bapa. Api bae coa mego Anok, si kulo coa mego Bapa, de mutus Si.

ROMA 9:5

Tobo'o adeba royot bapa-bapa leluhur, de tumu'un Kristus lem keadaan-Ne sebagai manusio, de ade neak das kute sesuaktau. Si adeba Allah de harus nujai sapei selamo-lamone. Amin!

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

1 TIMOTIUS 1:17

Allah, Rajo kute zaman, patut nelei hormat ngen nujai, sebab Siba de kekal, de coa keten ngen esa! Amin.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

IBRANI 1:6

Tapi pado waktau Allah mutus Anok tuai-Ne moi dunio yo, Allah madeak awei yo, “Kute malaikat Allah wajib nyembeak Anok o.”

IBRANI 1:8

Tapi ngen Anok o, Allah madeak, “Takhta-Nu, ya Allah, bakea kekal selamo-lamone! Pemerintahan-Nu adeba pemerintahan de adea.

IBRANI 13:8

Yesus Kristus tep serai, baik bel'o, uyo, sapei selamo-lamone.

WAHYU 21:6

Lajau Si madeak, “Bi selsei! Ukuba Tuhan kunei Pertamo ngen Terakhir; Ukuba Tuhan kunei mulo sapei akhir. Tiep tun de haus, bakea Uku melei bioa ngen cuma-cuma kunei matai bioa de melei idup.