FILIFI 2:30 - JANJAI BLAU Lem Bahaso Jang Bebilai

³⁰ Utuk kepentingan kerjo Kristus, si gesea matei; si temuak nyabaine utuk melei petulung ngen uku das gennu.

FILIFI 2:30 ပူးပေါင်းရင်းမြစ်များ

1 KORINTUS 16:17

Uku senang das tekone Stefanas, Fortunatus ngen Akhaikus. Tobo'o adeba gitei udi bagiak uku.

FILIFI 4:10

Lem idup uku de jijai do ngen Tuhan, uku meding bahagia sekilai, sebab bi an amek, uyo udi sepet igai meker keadaan uku. Maksud uku isone bahwo udi bi mlupo uku; udi memang kemliak uku, tapi udi coa dapet kesempatan utuk kemtenne.

KISAH RASUL-RASUL 20:24

Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.

FILIFI 4:18

Uku bi temimo kutene – malah lebiak kunei cukup! Kute pelei de udi mbo ngen uku bi uku temimo kunei Epafroditus. Uyo uku temuan kute de uku perlu. Pelei-pelei kunei udi o adeba awei mbon um kunei kurban de nelei ngen Allah ngen de temimo Allah ngen riang atei.

2 KORINTUS 12:15

Kerno o, ngen riang atei uku rela melei kekutene utuknu, bahkan diraiku suang kulo, jano patas udi ku'ang mengasihi uku?

WAHYU 12:11

Saudaro-saudaro ite sudo maleak si ngen daleak Anok Bebirai, ngen bito benea kunei Allah de tobo'o melei namen. Tobo'o rela melei nyabai tobo'o sapei matei.

FILEMON 1:13

Sebeneane uku lok tema'en si besamo uku sebagai giteiko, selamo uku tena'en lem sel yo kerno melei namen Bito Baik kunei Allah.

FILIFI 2:27

Memang betoa si bolon sapei gesea matei. Tapi Allah ibo ngen si, iso ngen si bae, tapi ngen uku kulo, supayo uku jibeak jijai tambeak ibo igai.

FILIFI 2:17

Mukin uku bakea nunuak ngen daleakku jijai awei kurban curahan neak das jano de udi melei ngen Allah sebagoi tando bahwo udi pecayo ngen Si. Amen memang do'o harus awei o, uku bersyukur das hal o ngen milau beriang ngen udi.

1 KORINTUS 16:10

Amen Timotius teko, senambutba si ngen baik supayo si meraso tunggea neak antaro udi, sebab si awei uku kulo bekerjo utuk Tuhan.

1 KORINTUS 15:53

Awok ite de dapet matei yo harus genitei ngen awok de coa dapet matei, ngen awok de kunei dunio harus genitei ngen awok de kunei surgo.

ROMA 16:4

Tobo'o gesea matei kerno lok semlamat uku. Uku mokasiak ngen tobo'o – ngen iso uku bae, tapi kute jemaat bangso luyen de iso Yahudi kulo mokasiak ngen tobo'o.

2 KORINTUS 4:12

Ngen awei o, maut giat neak lem dirai keme ngen idup giat neak lem udi.