FILIFI 2:3 - JANJAI BLAU Lem Bahaso Jang Bebilai

³ Jibeakba menea sesuaktau kerno kepentingan suang, atau utuk ombong. Sebelekne lokba udi memasing ngen rendeak atei manggap tun luyen lebiak kunei dirai suang.

FILIFI 2:3 ပူးပေါင်းရင်းမြစ်များ

LUKAS 18:14

Uku madeak ngen udi, “Tun yo belek moi umeakne awei tun de benea temurut Allah ngen tun Farisi o coa. Sebab barang api melekat dirai, si bakea tenbeak ngen barang api tembeak dirai, si bakea nelkat.”

ROMA 12:10

Lokba udi sesamo mengasihi sebagai saudaro ngen sesamo demute lem melei hormat.

ROMA 13:13

Maroba ite idup ngen sopan, awei tengeak bilai, jibeak lem pesta pora ngen mabuk, jibeak lem percabulan ngen hawa nafsu, jibeak lem selisiak ngen kidek atei.

ROMA 2:8

Allah murka ngen tobo'o de mesoa kepetingan suang, de coa taat ngen kebenaran, tapi taat ngen kelaliman.

1 KORINTUS 15:9

Uku adeba rasul Tuhan de paling tembeak. Uku coa patut senbut rasul, sebab uku sudo semikso jemaat Allah.

1 KORINTUS 3:3

kerno udi masiak manusio duniawi. Sebab amen udi masiak iri atei, selisiak do ngen de luyen, do'o kemten bahwo udi masiak idup temurut manusio duniawi, awei tun-tun de coa kemnal Allah.

2 KORINTUS 12:20

Uku khawatir bahwo pado waktau uku mulau udi be, uku kemliak udi coa awei jano de uku lok, ngen udi kulo bakea kemliak uku coa awei de udi lok. Jibeak sapei be ade de tekea, iri atei, panes atei, mementingkan dirai suang, fitneak, majung, ombong ngen kemacau.

GALATIA 5:15

Tapi amen udi saling nget ngen saling temlen, awas, be udi samo-samo ajua.

GALATIA 5:26

ngen jibeakba ombong, jibeakba ite saling belawen ngen iri atei.

EFESUS 4:2

Lokba udi rendeak atei, lemah lembut, ngen sabar. Kentenba kasiaknu ngen saling temulung.

EFESUS 5:21

Utuk hormat ngen Kristus, lokba udi tunduk do ngen de luyen.

FILIFI 2:14

Kenerjoba kute sesuaktau ngen coa ngerunyam atau betekea.

KOLOSE 3:12

Saudaro adeba umat Allah. Allah sayang ngen udi ngen miliak udi utuk jijai de Si temuan de khusus. Do'oba sebabne udi harus kemten belas kasihan, udi harus baik atei, rendeak atei, lemah lembut, ngen taen saro.

KOLOSE 3:8

Tapi uyo lokba udi muang hal-hal de kidek kunei diraine: jibeak igai mengiak, ngamuk, atau temuan asai jengik te'adep tun luyen. Jibeak debat bae keluea kunei bibianu fitneak atau kecek de kidek.

1 TIMOTIUS 6:4

si adeba tun ombong ngen coa namen jejano! Plepne adeba galok selisiak ngen tekea tetang istilah-istilah sehinggo timboa iri atei, perpecahan, fitneak, curiga ngen de coa baik,

1 PETRUS 3:8

Kesimpulanne adeba: lokba Saudaro-saudaro do atei ngen do perasaan. Lokba udi saling sayang menyayangi awei tun-tun de bersaudaro. Ngen lokba udi berbelaskasihan ngen bersikap rendak atei.

1 PETRUS 5:5

Awei'o kulo Saudaro, tun-tun uai. Tundukba ngen tun-tun de tuai. Saudaro kutene harus merendeak dirai ngen saling melayan ngen rendeak atei. Sebab lem Kiteb sucai tetulis awei yo, “Allah temtang tun de ombong, tapi mengasiak tun de rendeak atei.”