FILIFI 2:16 - JANJAI BLAU Lem Bahaso Jang Bebilai

¹⁶ Samo bepegong pado firman kehidupan, kunyau uku dapet mbangga pado bilai Kristus bahwo uku coa percuma besamo ngen pepayeak.

FILIFI 2:16 ပူးပေါင်းရင်းမြစ်များ

MATIUS 10:27

Jano de Uku madeak ngen ko lem kelem harusba udi mulang lem te'ang kebilai. Ngen jano de nisik neak ti'uk melei namenba moi ipe bae.

LUKAS 12:8

“Uku madeak ngen udi: Tetiep tun de makau Uku neak muko manusio, Anok Manusio kulo bakea makau si neak adep malaikat-malaikat Allah.

YOHANES 6:63

Roh Allah de melei idup, daging samo sekilai coa beguno. Kecek-kecek de Uku madeak ngen udi adeba roh ngen idup.

YOHANES 6:68

Jawab Simon Petrus ngen-Si, “Tuhan, ngen api keme bakea lalau? Kecek-Nu adeba kecek idup de kekal.

KISAH RASUL-RASUL 13:26

Hoi Pasuak-pasuak ku, udi de termasuk royot Abraham ngen udi kulo de saben ngen Allah, bito keselamatan'o sudo senapei ngen ite.

1 KORINTUS 1:8

Kristus suang bakea njamin udi sapei pado akhirne; supayo pado waktau Si teko igai, udi coa ade cacetne.

1 KORINTUS 9:26

Do'o sebabne uku mlilai ngen tujuan de paset. Awei lem pertandingan tinjau, uku coa buliak mokoa sembarangan.

2 KORINTUS 1:14

awei de sudo udi paham pa'one kunei keme, adeba bahwo pado waktau Tuhan Yesus teko igai, udi bakea bangga das keme awei keme kulo bakea bangga das udi.

GALATIA 2:2

Uku lalau moi Yerusalem kerno Allah bi madeak ngen uku bahwo uku harus lalau. Ngen lem do pertemuan khusus ngen pemipin-pemipin neak di, uku tem'ang Bito Baik de uku melei namen ngen tun-tun de iso Yahudi. Sebab uku coa lok usaho uku de bel'o atau uyo, cuma sio-sio.

GALATIA 4:11

Uku khawatir, jibeak sapei jerih payeakku utuk udi sio-sio bae.

FILIFI 1:10

Ngen awei o udi namen miliak jano de baik, supayo udi sucai ngen coa ade cacet sapei bilai Kristus teko igai.

FILIFI 1:6

Allah suang de muloi menea baik o ngen udi, ngen uku yakin Si bakea temrus pekerjaan o sapei selesei pado Bilai Kristus Yesus teko igai.

1 TESALONIKA 2:19

Sungguak udiba harapan ngen keriang serto mahkota kebanggaan keme. Sebab be amen Tuhan Yesus teko, ngen ite madep-Ne, mako udiba de bakea jijai kebanggaan keme!

1 TESALONIKA 3:5

Do'oba sebabne uku mutus Timotius, kerno uku lok nien namen awei ipe imennu lem hal pecayo ngen Kristus. Uku khawatir Iblis berasea menggoda udi sehinggo kute jerih payeak keme coa sio-sio.

IBRANI 4:12

Kecek Allah adeba kecek de idup ngen kuet; lebiak tajem kunei pedang matai duai. Kecek o menikem sapei moi batas antaro jiwo ngen roh; sapei moi batas antaro sesendai telan sumsum, sehinggo namen lebiak lem pekeran ngen niat atei manusio.

1 PETRUS 1:23

Sebab liwet Firman Allah de idup ngen de kekal o, udi sudo jenijai manusio belau de iso laher kunei manusio, meluyen kunei Bapa de kekal.

1 YOHANES 1:1

Isai su'et yo tetang firman de melei idup, adeba firman de sudo ade ayok mulone. Keme bi temi'ukne, kemliakne ngen matai keme su'ang. Keme bi kemliakne, bi megongne ngen tangen keme.

WAHYU 22:17

Roh Allah ngen Pengaten Selawei madeak, “Maroba!” Tiep tun de temi'uk dio harus kulo madeak, “Maroba!” Api de haus, lokba si teko! Ngen api de kemlok, lokba si mok bioa de melei kehidupan o ngen cuma-cuma.