FILIFI 2:13 - JANJAI BLAU Lem Bahaso Jang Bebilai

¹³ kerno Allahba de kemerjo neak lem dirainu utuk menea udi rela ngen sanggup semnang atei Allah.

FILIFI 2:13 ပူးပေါင်းရင်းမြစ်များ

LUKAS 12:32

“Jibeakba saben, hoi udi jumlahnu titik! Kerno Bapanu bi senang melei udi Kerajaan o.

LUKAS 2:14

“Tepujaiba Allah neak lenget de kembiak lekat! Ngen neak das bumai, sejahteraba manusio de semnang atei Tuhan!”

YOHANES 3:27

Jawab Yohanes, “Coa ade suang tun de dapet mok sesuatau bagiak dirai ne, amen coa nlei karunia ngen si kunei surgo.

YOHANES 6:45

Ade tetulis lem Kiteb Nebai-nebai: Tobo'o kute bakea najea ngen Allah. Ngen tiep tun, de sudo temi'uk ngen belajea kunei Bapa, teko ngen Uku.

YOHANES 6:65

Lajau Si madeak, “Sebab o bi Uku madeak ngen udi: coa ade suang kulo de dapet teko ngen Uku, amen Bapa coa melei karunione ngen si.”

KISAH RASUL-RASUL 11:21

Tangen Tuhan semerto tobo'o ngen sejumleak lai tun jijai pecayo ngen semreak dirai ngen Tuhan.

ROMA 12:3

Das dasar kasih karunia de Allah nelei ngen uku, uku madeak ngen tiep tun neak antaro udi: Jibeakba meker hal-hal de lebiak lekat kunei de patut udi peker, tapi lokba udi peker ngen rendeak atei, sehinggo udi kemuaso dirai temurut ukuran imen, de nelei Allah ngen udi masing-masing.

ROMA 9:11

Sebab waktau anok-anok o ati laher ngen ati menea de baik atau kidek, – supayo rencano Allah tetang pemilihan-Ne diteguhkan, iso kerno plep tapi kerno panggilan-Ne –

ROMA 9:16

Jijai hal o coa tergantung ngen kelok tun atau usaho tun, tapi ngen kemurahan atei Allah.

1 KORINTUS 12:6

Ade bebagoi ca'o kemerjo kerjo Tuhan, tapi de melei kekuatan utuk o ngen tiep tun adeba Allah de do kulo.

1 KORINTUS 15:10

Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku.

2 KORINTUS 3:5

Keme coa temuan sesuaktau alasan utuk madeak bahwo keme sanggup menea kerjo yo, tapi Allah de melei kemampuan o ngen keme.

EFESUS 1:11

Uku madeak “neak lem Kristus”, kerno neak lem Siba keme nelei warisan – ite de kunei semulo bi niliak-Ne sesuoi ngen maksud Allah, de kemerjo kute sesuaktau temurut keputusan kelok-Ne –

EFESUS 1:5

Lem kasih Si bi temtau ite kunei semulo liwet Yesus Kristus utuk jijai anok-anok-Ne, sesuoi ngen kerelaan kelok-Ne.

EFESUS 1:9

Sebab Allah bi melei namen ngen ite resio rencano-Ne, Si bi melei keputusan bahwo rencano-Ne o bakea senlesei liwet Kristus.

EFESUS 2:8

Allah mengasihi udi, do'o sebabne Allah semlamat udi kerno udi pecayo ngen Yesus; do'o iso asea usahonu, tapi pelei Allah,

2 TESALONIKA 1:11

Do'oba sebabne keme bogoa bedu'o utuk udi. Keme bedu'o supayo Allah menea udi patas utuk idup temurut kelok-Ne; utuk do; oba Si menok udi. Semoga Allah, ngen kuaso-Ne, kemabul keloknu utuk menea baik, ngen jemijai sempurno kute kerjo de udi nea kerno pecayo ngen Kristus.

2 TIMOTIUS 1:9

Allah semlamat ite ngen menok ite supayo jijai umat-Ne suang. Si menea o iso kerno jano de ite bi kenerjo, tapi kerno rencano-Ne suang ngen rahmat-Ne. Si melei ite rahmat-Ne liwet Kristus Yesus ayok dunio yo ade.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

1 PETRUS 1:3

Maroba ite bersyukur ngen Allah, Bapa Tuhan ite Yesus Kristus! Si kembiak mengasihi ite, do'o sebabne Si melei ngen ite idup de belau, midup igai Yesus Kristus kunei matei. Dio melei ite harapan de kuet.