FILIFI 2:12 - JANJAI BLAU Lem Bahaso Jang Bebilai

¹² Saudaro-saudaroku de tekasiak, ko bogoa taat; kerno'o tepba kemerjo keselamatamnu ngen saben ngen gentar, iso bae awei waktau uku masiak ade, tapi lebiak igai uyo waktau uku coa ade,

FILIFI 2:12 ပူးပေါင်းရင်းမြစ်များ

MATIUS 11:12

Muloi pado waktau Yohanes kemabar beritane sapei uyo, umat Allah tenetang, ngen tun-tun de berusaho kemuasone seca'o pakso.

MATIUS 11:29

Totoaba periteak-Ku ngen belajeaba kunei pado-Ku. Sebab Uku yo lemah lembut ngen rendeak atei, mako udi bakea meding segar.

KISAH RASUL-RASUL 16:29

Kepalo sel o meluak mbin lapu, lajau melilai masuk, ngen gemtea sujudba si neak adep Paulus ngen Silas.

KISAH RASUL-RASUL 9:6

Tapi klongonba, lalauba moi lem kota. Neak di bakea nadeak ngenko, jano de harus ko menea.”

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

1 KORINTUS 15:58

Kerno o, Saudaro-saudaro de uku cemito, lokba udi kuet ngen teguak. Kerjoba terus utuk Tuhan ngen bebenea, sebab udi namen bahwo kute de udi kemerjo utuk Tuhan, coa bakea sesio.

1 KORINTUS 2:3

Uku kulo bi teko ngen ko lem kelemahan, ngen kembiak saben ngen gemtea.

1 KORINTUS 4:14

Uku temulis dio iso utuk menea udi jijai selek, tapi utuk melei nasihat udi awei anok-anokku suang.

2 KORINTUS 7:15

Uyo si tambeak mengasihi udi, sebab si tinget awei ipe Saudaro kutene lok temotoa pipinanne ngen awei ipe udi temimo si ngen hormat ngen ta'at.

EFESUS 6:5

Saudaro-saudaro de jijai budok, Taatba ngen periteak tuannu de neak dunio yo. Neaba do'o ngen perasaan hormat, taat serto ngen sungguak-sungguak, serai awei udi taat ngen Kristus.

FILIFI 1:27

Nah, de peting uyo adeba bahwo udi idup sesuoi ngen jano de tenuntut Bito Baik tetang Kristus o. Ngen awei o, teak uku dapet temau ngen ko jano coa, uku bakea temi'uk bahwo udi tep jijai do ngen berjuang besamo-samo utuk do maksud ngen do kelok; adeba utuk kepercayaan de sesuoi ngen Bito Baik kunei Allah o.

FILIFI 1:29

Sebab Allah bi melei anugerah ngen udi iso cuma utuk pecayo ngen Kristus, tapi kulo utuk saro bagiak Kristus.

FILIFI 1:5

Uku mucep syukur ngen Allah kerno sejok bilai pertamo sapei uyo, udi bi temulung uku melei namen Bito Baik kunei Allah.

FILIFI 1:6

Allah suang de muloi menea baik o ngen udi, ngen uku yakin Si bakea temrus pekerjaan o sapei selesei pado Bilai Kristus Yesus teko igai.

FILIFI 2:19

Tapi lem Tuhan Yesus kuma'ep segro mbo Timotius ngenko, supayo tenang kulo ateiku kerno bito tetang udi.

FILIFI 4:1

Sebab o, Saudaro-saudaro de uku cito, awei yo ba lokne udi idup ngen sungguak-sungguak pecayo ngen Tuhan. Ateiku indau ngen udi! Udiba kebanggaanku de menea uku riang.

FILIFI 4:15

Saudaro-saudaro tun Filifi! Udi suang namen benea bahwo ketiko uku teminggea Makedonia bel'o, pado waktau Bito Baik o uku sembea utuk pertamo sekilaine, udiba dedone jemaat de temulung uku; udi dedone de milau kemcep utung rugai besamo-samo uku.

1 TESALONIKA 1:3

Keme tinget awei ipe udi kemten lem perbuatan bahwo udi pecayo ngen Kristus, awei ipe udi mengasihi tun luyen sehinggo melayan tobo'o, ngen awei ipe udi tep ma'ep ngen Tuhan te Yesus Kristus.

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.

IBRANI 12:1

Nah, tetang ite suang, neak skliling te ade dau sekilai saksai! Sebab o, maroba ite muang kute de jijai beban ite ngen duso de terus melket ngen ite. Maroba ite ngen tekun temotoa perlombaan de ade neak adep te.

IBRANI 4:1

Nah, janjai Allah masiak berlaku, ite bakea nelei istirahat de jenanjai-Ne. Jijai, lokba ite jemago supayo jibeak ade suang kulo kunei udi de coa meding istirahat de jenanjai o.

IBRANI 4:11

Kerno o, maroba ite berusaho sungguak-sungguak utuk temimo istirahat de jenanjai Allah o. Jibeak sapei suang kulo kunei ite gagal awei tobo'o bel'o, kerno coa pecayo ngen Allah.

IBRANI 5:9

Mako sesudo Si jenijai penyelamat de sempurno, Si jijai sumber keselamatan de kekal bagiak kute tun de taat ngen-Si,

1 PETRUS 2:11

Saudaro-saudaro de tecito! Udi adeba tun asing ngen perantau neak dunio yo. Kerno o uku minoi nien supayo udi jibeak temotoa hawa nafsu manusio de bogoa perang melawen jiwo.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.